ಹಿಮಾಲಯದ ಮನಾಲಿ ಗ್ರಾಮದಲ್ಲಿ ಜೀವನ ವೆಚ್ಚ ಎಷ್ಟು?: ತಿಂಗಳ ಬಜೆಟ್ ಬಹಿರಂಗಪಡಿಸಿದ ದಂಪತಿ!

ಮನಾಲಿ: ಹಿಮಾಲಯದ ಸುಂದರ ಮಡಿಲಿನಲ್ಲಿ, ನಗರದ ಜಂಜಾಟವಿಲ್ಲದೆ ಪ್ರಶಾಂತ ವಾತಾವರಣದಲ್ಲಿ ವಾಸಿಸಬೇಕು ಎಂಬುದು ಹಲವರ ಕನಸು. ಹಿಮಾಚಲ ಪ್ರದೇಶದ ಮನಾಲಿ ಬಳಿಯ ‘ಗಜಾನ್’ (Gazan) ಎಂಬ ಸಣ್ಣ ಹಾಗೂ ಸುಂದರ ಗ್ರಾಮದಲ್ಲಿ ನೆಲೆಸಿರುವ ದಿವ್ಯಾ ಮತ್ತು ಸೌರವ್ ಎಂಬ ದಂಪತಿ, ತಮಗೆ ಹಿಮಾಲಯದ ಹಳ್ಳಿಯಲ್ಲಿ ವಾಸಿಸಲು ತಿಂಗಳಿಗೆ ಎಷ್ಟು ಖರ್ಚಾಗುತ್ತದೆ ಎಂಬುದರ ಸಂಪೂರ್ಣ ವಿವರವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಪ್ರಸ್ತುತ ವೈರಲ್ ಆಗಿದೆ.

ತಿಂಗಳ ಖರ್ಚಿನ ವಿವರ:

ಬಾಡಿಗೆ: ಸಾಮಾನ್ಯ 1BHK ಮನೆಗೆ ಸುಮಾರು ₹15,000 ಹಾಗೂ 2BHK ಮನೆಗೆ ಸುಮಾರು ₹25,000 ಬಾಡಿಗೆ ತಗುಲುತ್ತದೆ (ಇವರು ಹೋಮ್‌ಸ್ಟೇ ನಡೆಸುವುದರಿಂದ 4BHK ನಲ್ಲಿದ್ದಾರೆ).

ಆಹಾರ ಮತ್ತು ದಿನಸಿ: ಹೆಚ್ಚಾಗಿ ಮನೆಯಲ್ಲೇ ಅಡುಗೆ ಮಾಡಿಕೊಳ್ಳುವುದರಿಂದ ತಿಂಗಳ ದಿನಸಿ ಬಿಲ್ ಸುಮಾರು ₹10,000 ಆಗುತ್ತದೆ. ಹೊರಗಡೆ ಊಟ ಮಾಡಲು ₹5,000 ಖರ್ಚಾಗುತ್ತದೆ.

ಇಂಧನ ಖರ್ಚು: ಬಹುತೇಕ ಕಡೆ ಕಾಲ್ನಡಿಗೆಯಲ್ಲೇ ತೆರಳುವುದರಿಂದ ಇಂಧನಕ್ಕೆ ಕೇವಲ ₹3,000 ಖರ್ಚಾಗುತ್ತದೆ.

ವಿದ್ಯುತ್ ಮತ್ತು ನೀರು: ನೀರು ಉಚಿತವಾಗಿದ್ದು, ವಿದ್ಯುತ್ ಬಿಲ್ ತಿಂಗಳಿಗೆ ಸುಮಾರು ₹1,000 ಬರುತ್ತದೆ.

ಸಣ್ಣಪುಟ್ಟ ಪ್ರವಾಸಗಳು: ಪ್ರಕೃತಿ ಮಡಿಲಿನಲ್ಲಿ ಪ್ರವಾಸ ಮಾಡಲು ಯಾವುದೇ ವೆಚ್ಚವಿಲ್ಲದಿದ್ದರೂ, ಸಣ್ಣಪುಟ್ಟ ಸಾಹಸ ಪ್ರವಾಸಗಳಿಗೆ ₹3,000 ಖರ್ಚಾಗುತ್ತದೆ.

ಒಟ್ಟಾರೆಯಾಗಿ, ಹಿಮಾಲಯದ ಈ ಸುಂದರ ಗ್ರಾಮದಲ್ಲಿ ಅತ್ಯಂತ ಆರಾಮದಾಯಕ ಹಾಗೂ ಪ್ರಶಾಂತ ಜೀವನ ನಡೆಸಲು ತಿಂಗಳಿಗೆ ಸುಮಾರು ₹50,000 ಖರ್ಚಾಗುತ್ತದೆ ಎಂದು ಈ ದಂಪತಿ ತಿಳಿಸಿದ್ದಾರೆ. ಪ್ರಕೃತಿಯ ಮಡಿಲಲ್ಲಿ ಕುಳಿತು ಕೆಲಸ ಮಾಡುವ (Remote Work) ಆಸಕ್ತಿ ಹೊಂದಿರುವ ಅನೇಕರಿಗೆ ಈ ವಿಡಿಯೋ ಪ್ರೇರಣೆಯಾಗಿದೆ.