ಸೂಳೆಕೆರೆ ಒತ್ತುವರಿ ವಿವಾದ: ಲೋಕಾಯುಕ್ತ ತನಿಖೆ ಬೆನ್ನಲ್ಲೇ ತಹಸೀಲ್ದಾರ್ ಸಭೆ; ಭ್ರಷ್ಟಾಚಾರದ ವಿರುದ್ಧ ಸಿಡಿದೆದ್ದ ಖಡ್ಗ ಸಂಘ!

ದಾವಣಗೆರೆ: ಏಷ್ಯಾ ಖಂಡದ ಎರಡನೇ ಅತಿದೊಡ್ಡ ಮಾನವ ನಿರ್ಮಿತ ಕೆರೆ ಎಂಬ ಖ್ಯಾತಿ ಹೊಂದಿರುವ ಚನ್ನಗಿರಿಯ ಐತಿಹಾಸಿಕ ಸೂಳೆಕೆರೆ (ಶಾಂತಿ ಸಾಗರ) ಒತ್ತುವರಿ ತೆರವು ಮತ್ತು ಆಡಳಿತಾತ್ಮಕ ವೈಫಲ್ಯಗಳ ವಿರುದ್ಧ ಹೋರಾಟ ತೀವ್ರಗೊಂಡಿದೆ. ಕರ್ನಾಟಕ ನೀರಾವರಿ ನಿಗಮದ ಭ್ರಷ್ಟಾಚಾರ ಮತ್ತು ಲೋಕಾಯುಕ್ತ ತನಿಖೆಯಿಂದ ತಪ್ಪಿಸಿಕೊಳ್ಳಲು ಅಧಿಕಾರಿಗಳು ನಡೆಸುತ್ತಿರುವ ತಂತ್ರಗಾರಿಕೆಯನ್ನು ಖಂಡಿಸಿ ಖಡ್ಗ ಸಂಘ ಬೃಹತ್ ಸಾರ್ವಜನಿಕ ಪ್ರತಿಭಟನೆಗೆ ಕರೆ ನೀಡಿದೆ.

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಸಂಘಟನೆಯ ಅಧ್ಯಕ್ಷ ಬಿ. ಆರ್. ರಘು ಅವರು ಕಳೆದ ಹತ್ತು ವರ್ಷಗಳಿಂದ ಸೂಳೆಕೆರೆಯು ಕರ್ನಾಟಕ ನೀರಾವರಿ ನಿಗಮದ ವ್ಯಾಪ್ತಿಗೆ ಬರುತ್ತದೆ ಎಂದು ಅಧಿಕಾರಿಗಳೇ ದಾಖಲೆ ನೀಡಿದ್ದರು. ಆದರೆ, ಒತ್ತುವರಿ ತೆರವಿಗೆ ಸಂಬಂಧಿಸಿದ ದೂರು ಲೋಕಾಯುಕ್ತ ನ್ಯಾಯಾಲಯದಲ್ಲಿ ಅಂತಿಮ ಹಂತ ತಲುಪುತ್ತಿದ್ದಂತೆಯೇ, ಅಧಿಕಾರಿಗಳು ಈಗ ಜವಾಬ್ದಾರಿಯಿಂದ ನುಣುಚಿಕೊಳ್ಳಲು ಯತ್ನಿಸುತ್ತಿದ್ದಾರೆ ಎಂದು ಸಂಘವು ಗಂಭೀರ ಆರೋಪ ಮಾಡಿದರು.

ಸಂಘದ ಪ್ರಮುಖ ಆಕ್ಷೇಪಣೆಗಳು:

ಸರ್ವೆ ವರದಿ ಮರೆಮಾಚುವಿಕೆ: 2020ರಲ್ಲಿ ಸರ್ಕಾರ ₹11 ಲಕ್ಷ ಬಿಡುಗಡೆ ಮಾಡಿ ಜಂಟಿ ಸರ್ವೆ ನಡೆಸಿದ್ದರೂ, ಇಲ್ಲಿಯವರೆಗೆ ಅದರ ಅಧಿಕೃತ ದಾಖಲೆಗಳನ್ನು ಸಾರ್ವಜನಿಕಗೊಳಿಸಿಲ್ಲ.

ನ್ಯಾಯಾಂಗ ನಿಂದನೆ: ಪ್ರಧಾನ ಮಂತ್ರಿ ಹಾಗೂ ಮುಖ್ಯಮಂತ್ರಿಗಳ ಕಾರ್ಯಾಲಯದ ನಿರ್ದೇಶನಗಳಿದ್ದರೂ ಒತ್ತುವರಿ ತೆರವುಗೊಳಿಸದಿರುವುದು ಆಡಳಿತಾತ್ಮಕ ಉಲ್ಲಂಘನೆಯಾಗಿದೆ.

ತಹಸೀಲ್ದಾರ್ ಸಭೆಗೆ ವಿರೋಧ: ದಿನಾಂಕ 22/04/2026 ರಂದು ಚನ್ನಗಿರಿ ತಹಸೀಲ್ದಾರರು ಕರೆದಿರುವ 35 ಇಲಾಖೆಗಳ ಸಭೆಯು ಕೇವಲ ಜವಾಬ್ದಾರಿಯಿಂದ ತಪ್ಪಿಸಿಕೊಳ್ಳುವ “ಕಣ್ಣೊರೆಸು ತಂತ್ರ” ಎಂದು ಸಂಘ ಆಕ್ರೋಶ ವ್ಯಕ್ತಪಡಿಸಿದೆ.

ಖಡ್ಗ ಸಂಘದ ಎಚ್ಚರಿಕೆ:

ಒತ್ತುವರಿ ತೆರವಿಗೆ ಶೀಘ್ರ ಕ್ರಮ ಕೈಗೊಳ್ಳದಿದ್ದರೆ ಹೈಕೋರ್ಟ್‌ನಲ್ಲಿ ರಿಟ್ ಅರ್ಜಿ ಸಲ್ಲಿಸುವುದಾಗಿ ಮತ್ತು “Public Trust Doctrine” ಅಡಿಯಲ್ಲಿ ನ್ಯಾಯಾಂಗದ ಹಸ್ತಕ್ಷೇಪ ಮಾಡಬೇಕೆಂದು ಕೋರಲಾಗುವುದು ಎಂದು ಹೇಳಿದರು.

ಅಧಿಕಾರ ವ್ಯಾಪ್ತಿಯ ಗೊಂದಲ ಮತ್ತು ‘ಕಳ್ಳಾಟ’

ಹತ್ತು ವರ್ಷಗಳಿಂದ ಕರ್ನಾಟಕ ನೀರಾವರಿ ನಿಗಮದ (KNNL) ವ್ಯಾಪ್ತಿಯಲ್ಲಿದ್ದ ಕೆರೆಯನ್ನು, ಈಗ ಲೋಕಾಯುಕ್ತ ತನಿಖೆಯಿಂದ ತಪ್ಪಿಸಿಕೊಳ್ಳಲು “ನಮ್ಮ ವ್ಯಾಪ್ತಿಗೆ ಸೇರಿಸಿಕೊಳ್ಳಬೇಕು” ಎಂದು ಹೊಸ ನಾಟಕವಾಡುವುದು Estoppel ತತ್ವದ ಅಡಿಯಲ್ಲಿ ಪ್ರಶ್ನಾರ್ಹವಾಗಿದೆ. ಈಗಾಗಲೇ ಲಿಖಿತವಾಗಿ ಒಪ್ಪಿಕೊಂಡ ಮೇಲೆ ಈಗ ಮಾತು ಬದಲಿಸುವುದು ಕಾನೂನುಬಾಹಿರ ಎಂದು ದೂಿದರು.

ಸಾರ್ವಜನಿಕ ಹಣದ ದುರುಪಯೋಗ

2020ರಲ್ಲಿ ಸರ್ವೆ ಕಾರ್ಯಕ್ಕಾಗಿ ₹11 ಲಕ್ಷ ಬಿಡುಗಡೆಯಾಗಿದ್ದರೂ, ಅದರ ವರದಿಯನ್ನು ಅಧಿಕೃತವಾಗಿ ಬಹಿರಂಗಪಡಿಸದಿರುವುದು Information Commission (RTI) ಮತ್ತು Lokayukta ಕಾಯ್ದೆಯಡಿ ಗಂಭೀರ ಅಪರಾಧವಾಗಿದೆ. ಇದು ಕರ್ತವ್ಯ ಲೋಪ (Dereliction of Duty) ಮಾತ್ರವಲ್ಲದೆ, ಸಾರ್ವಜನಿಕ ಹಣದ ದುರುಪಯೋಗವೂ ಹೌದು ಎಂದು ಹೇಳಿದರು.

ಖಡ್ಗ ಸಂಘವು ಕೈಗೊಳ್ಳಬಹುದಾದ ಮುಂದಿನ ಕಾನೂನು ಕ್ರಮಗಳು:

(ಪರಮಾದೇಶ): ಹೈಕೋರ್ಟ್‌ನಲ್ಲಿ ರಿಟ್ ಅರ್ಜಿ ಸಲ್ಲಿಸಿ, ಕೆರೆ ಒತ್ತುವರಿ ತೆರವುಗೊಳಿಸಲು ಮತ್ತು ಸರ್ವೆ ವರದಿ ನೀಡಲು ಅಧಿಕಾರಿಗಳಿಗೆ ಕಟ್ಟುನಿಟ್ಟಿನ ಆದೇಶ ನೀಡುವಂತೆ ಕೋರುವುದು.

(ನ್ಯಾಯಾಂಗ ನಿಂದನೆ): ಒಂದು ವೇಳೆ ಈ ಹಿಂದೆ ನ್ಯಾಯಾಲಯವು ಒತ್ತುವರಿ ತೆರವಿಗೆ ಆದೇಶ ನೀಡಿದ್ದರೆ ಮತ್ತು ಅಧಿಕಾರಿಗಳು ಅದನ್ನು ಪಾಲಿಸದಿದ್ದರೆ, ಅವರ ವಿರುದ್ಧ ಕಾಂಟೆಂಪ್ಟ್ ಅರ್ಜಿ ಸಲ್ಲಿಸುವುದು.

ಭ್ರಷ್ಟಾಚಾರ ನಿಯಂತ್ರಣ ಕಾಯ್ದೆಯಡಿ (Prevention of Corruption Act) ದಾಖಲೆಗಳ ಸಮೇತ ಅಧಿಕಾರಿಗಳ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ಹೂಡುವುದು.

ಸಾರ್ವಜನಿಕರಿಗೆ ಸೂಚನೆ:

ಏಪ್ರಿಲ್ 24 ರಂದು ನಡೆಯಲಿರುವ ಸಭೆಯಲ್ಲಿ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ, ಅಧಿಕಾರಿಗಳನ್ನು ಪ್ರಶ್ನಿಸುವ ಮೂಲಕ ಪ್ರಜಾಪ್ರಭುತ್ವದ ಶಕ್ತಿಯನ್ನು ಪ್ರದರ್ಶಿಸುವುದು ಅತ್ಯಗತ್ಯ ಎಂದು ರಘು ಅವರು ಕರೆ ನೀಡಿದರು.

ಗೋಷ್ಠಿಯಲ್ಲಿ ಖಡ್ಗ ಸಂಘಟನೆ ಮುಖಂಡರಾದ ಶಶಿಧರ ನುಗ್ಗೇಹಳ್ಳಿ, ಚಂದ್ರಹಾಸ್, ಮೊಹಮ್ಮದ್ ಶಫಿ ಮತ್ತಿತರರು ಹಾಜರಿದ್ದರು.