SUDDIKSHANA KANNADA NEWS/ DAVANAGERE/ DATE:14-12-2024
ದಾವಣಗೆರೆ : ವರುಷದ ಸಂಭ್ರಮದಲ್ಲಿರುವ ಜಿಎಂ ವಿಶ್ವವಿದ್ಯಾಲಯದಲ್ಲಿ ಎರಡು ದಿನ ಹಮ್ಮಿಕೊಂಡಿದ್ದ “ಓಪನ್ ಡೇ” ಕಾರ್ಯಕ್ರಮ ಸಂಪನ್ನ ಕಂಡಿತು.
ಡಿಸೇಂಬರ್ 13, 14 ಈ ಎರಡೂ ದಿನವೂ ಸೇರಿ ದಾವಣಗೆರೆ ಜಿಲ್ಲೆ ಸೇರಿದಂತೆ ಇತರೆ ಜಿಲ್ಲೆಗಳಿಂದಲ್ಲೂ ವಿವಿಧ ಕಾಲೇಜುಗಳಿಂದ ಒಟ್ಟು 3 ಸಾವಿರ ಪಿಯುಸಿ ಮತ್ತು ಪದವಿಯ ವಿದ್ಯಾರ್ಥಿಗಳು ಜಿಎಂ ವಿಶ್ವವಿದ್ಯಾಲಯಕ್ಕೆ ವಿಶೇಷ ಅತಿಥಿಗಳಾಗಿ ಆಗಮಿಸಿ ಕ್ಯಾಂಪಸ್ ಟೂರ್ ಮಾಡಿ ಭವ್ಯ ಭವಿಷ್ಯದ ಕೋರ್ಸ್ ಗಳ ಬಗ್ಗೆ ಮಾಹಿತಿ ಪಡೆದರಲ್ಲದೆ, ತಾವು ಇಚ್ಛೆಸುವ ಕೋರ್ಸ್ ಗಳ ಆಯ್ಕೆಯ ಸಂಭ್ರಮ ಅನುಭವಿಸಿದರು. ಅಲ್ಲದೆ ಸಂಗೀತದ ಸ್ವಾದವನ್ನು ಅನುಭವಿಸಿ ಮನರಂಜನೆ ಪಡೆದರು.
ಎರಡೂ ದಿನವೂ ವಿವಿಧ ವಿಭಾಗಗಳಲ್ಲಿ ಕೋರ್ಸ್ ಗಳ ಬಗ್ಗೆ ಆಯಾ ವಿಭಾಗಗಳ ಡೀನ್ ಗಳು, ಹೆಚ್ಒಡಿ, ಪ್ರೊಫೆಸರ್ ಗಳು, ನಿರ್ದೇಶಕರು ಮಾಹಿತಿ ನೀಡಿದರು. ಅಲ್ಲದೇ ಇಲ್ಲಿನ ಶೈಕ್ಷಣಿಕ ಕಾರ್ಯಕ್ರಮಗಳ ಲಭ್ಯತೆ ಬಗ್ಗೆ ಮಾಹಿತಿ ತಿಳಿಯುವ ಕ್ಯಾಂಪಸ್ ಟೂರ್ ಹಮ್ಮಿಕೊಳ್ಳಲಾಗಿತ್ತು. ಎಸ್ ಎಸ್ ಎಲ್ ಸಿ, ಐಟಿಐ, ಪಿಯುಸಿ, ಡಿಪ್ಲೋಮೋ ಮತ್ತು ಯಾವುದೇ ಪದವಿಯಾದ ವಿದ್ಯಾರ್ಥಿಗಳಿಗೆ ಮುಂದಿನ ಉತ್ತಮ ಭವಿಷ್ಯಕ್ಕಾಗಿ ಅನುಭವಿ ಉಪನ್ಯಾಸಕರುಗಳಿಂದ ಮಾಹಿತಿ ಕೂಡ ದೊರಕಿತು. ವೃತ್ತಿಪರ ಶಿಕ್ಷಣದ ಕೋರ್ಸ್ ಗಳ ಅನುಕೂಲಗಳು ಹಾಗೂ ಪ್ಲೇಸ್ಮೆಂಟ್ ಬಗ್ಗೆ ತಿಳಿಸಲಾಯಿತು. ಇದೇ ಸಂದರ್ಭದಲ್ಲಿ ಪ್ರೇರಕ ಭಾಷಣಕಾರರು ವಿದ್ಯಾರ್ಥಿಗಳಿಗೆ ಶಿಕ್ಷಣದ ಬಗ್ಗೆ ಅರಿವು ಮೂಡಿಸಿದರು.
ಅಲ್ಲದೇ ಕಾಡುಗಳ ರಕ್ಷಣೆ, ಗಡಿ ಭಾಗಗಳ ಭದ್ರತೆ, ಆರೋಗ್ಯ, ಕೃಷಿ ಉಪಯೋಗಿ ಸೇರಿದಂತೆ ಜಿಎಂ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳ ಸಮಾಜಮುಖಿಯಾದ ಹೊಸ ಹೊಸ ಆವಿಷ್ಕಾರದ ಮಾದರಿಗಳ ಪ್ರದರ್ಶನ ವೀಕ್ಷಿಸಿ
ಪ್ರೇರಣೆ ಪಡೆದರು.
ವಿದ್ಯಾರ್ಥಿಗಳ ಕಲರವ ವೀಕ್ಷಿಸಿದ ಜಿ.ಎಂ. ಸಿದ್ದೇಶ್ವರ : ಅಂತಿಮ ದಿನವಾದ ಡಿಸೇಂಬರ್ 14ರಂದು ಓಪನ್ ಡೇ ಕಾರ್ಯಕ್ರಮಕ್ಕೆ ಆಗಮಿಸಿದ ಮಾಜಿ ಕೇಂದ್ರ ಸಚಿವರಾದ ಜಿ.ಎಂ. ಸಿದ್ದೇಶ್ವರ ಅವರು ಓಪನ್ ಡೇ ವಿಶೇಷತೆಗಳ
ವೀಕ್ಷಿಸಿದ್ದರಲ್ಲದೇ, ಜಿಎಂ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳ ಹೊಸ ಆವಿಷ್ಕಾರದ ಮಾದರಿಗಳ ಪ್ರದರ್ಶನ ವೀಕ್ಷಿಸಿ, ಸಲಹೆ ನೀಡಿದರು. ಓಪನ್ ಡೇ ಯಶಸ್ವಿ ಸಂಭ್ರಮಕ್ಕೆ ಸಾಕ್ಷಿಯಾದರು.
ಈ ಸಂದರ್ಭದಲ್ಲಿ ಜಿಎಂ ವಿಶ್ವವಿದ್ಯಾಲಯದ ಕುಲಸಚಿವರಾದ ಡಾ. ಬಿ.ಎಸ್. ಸುನಿಲ್ ಕುಮಾರ್, ಜಿಎಂ ತಾಂತ್ರಿಕ ಮಹಾವಿದ್ಯಾಲಯದ ಪ್ರಾಂಶುಪಾಲರಾದ ಡಾ. ಎಂ.ಬಿ. ಸಂಜಯ್ ಪಾಂಡೆ, ಮಾನವ ಸಂಪನ್ಮೂಲ ನಿರ್ದೇಶಕರು, ಓಪನ್ ಡೇ ವಿದ್ಯಾರ್ಥಿಗಳ ಕಲರವ ವೀಕ್ಷಿಸಿದ ಸಂಚಾಲಕರಾದ ಡಾ. ಟಿ.ಎಂ. ವೀರ ಗಂಗಾಧರ ಸ್ವಾಮಿ ಸೇರಿದಂತೆ ವಿವಿಧ ವಿಭಾಗಗಳ ಮುಖ್ಯಸ್ಥರು, ಪ್ರಾಂಶುಪಾಲರು, ಡೀನ್ ಗಳು, ನಿರ್ದೇಶಕರು, ಕಾಲೇಜು ನೌಕರರು, ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
ರಾಹುಲ್ ಡಿಟ್-ಓ ಸಾಂಗ್ ಗೆ ವಿದ್ಯಾರ್ಥಿಗಳು ರಾಕ್ : ಕೊನೆಯ ದಿನವಾದ ಶನಿವಾರ ರಾಪರ್ ಸಿಂಗರ್ ರಾಹುಲ್ ಡಿಟ್-ಓ ತಮ್ಮ ರಾಪರ್ ಗೀತೆಗಳ ಮೂಲಕ ವಿದ್ಯಾರ್ಥಿಗಳ ಮನರಂಜಿಸಿದರು. ಇತ್ತ ಹಾಡು ಹಾಡುತ್ತಾ, ಹೆಜ್ಜೆ ಹಾಕಿದಂತೆ ವಿದ್ಯಾರ್ಥಿಗಳು ಕೂತಲ್ಲಿ ನಿಂತಲ್ಲಿ ಶಿಳ್ಳೆ ಕೇಕೆ ಹಾಕುತ್ತಾ ರಾಪರ್ ಗೀತೆಗಳಿಗೆ ಹೆಜ್ಜೆಯನ್ನು ಹಾಕಿ ಖುಷಿಯ ಸಂಭ್ರಮ ವ್ಯಕ್ತಪಡಿಸಿದರು.
