KMF GUMUL Recruitment 2026: ಕಲ್ಬುರ್ಗಿ-ಬೀದರ್-ಯಾದಗಿರಿ ಹಾಲಿನ ಒಕ್ಕೂಟದಲ್ಲಿ ಭರ್ಜರಿ ನೇಮಕಾತಿ; 55 ಹುದ್ದೆಗಳಿಗೆ ಅರ್ಜಿ ಆಹ್ವಾನ, ಇಂದೇ ಅರ್ಜಿ ಹಾಕಿ!

ಕಲಬುರಗಿ: ನಿರುದ್ಯೋಗಿ ಯುವಕ-ಯುವತಿಯರಿಗೆ ಕರ್ನಾಟಕ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟ (KMF) ಭರ್ಜರಿ ಸಿಹಿ ಸುದ್ದಿ ನೀಡಿದೆ. ಕಲಬುರಗಿ-ಬೀದರ್ ಮತ್ತು ಯಾದಗಿರಿ ಜಿಲ್ಲಾ ಸಹಕಾರಿ ಹಾಲು ಉತ್ಪಾದಕರ ಸಂಘಗಳ ಒಕ್ಕೂಟ ನಿಯಮಿತದಲ್ಲಿ (GUMUL) ಖಾಲಿ ಇರುವ ವಿವಿಧ 55 ಆಡಳಿತಾತ್ಮಕ, ತಾಂತ್ರಿಕ ಮತ್ತು ಗುಮಾಸ್ತರ ಹುದ್ದೆಗಳ ಭರ್ತಿಗೆ ಅಧಿಕೃತ ಅಧಿಸೂಚನೆ ಹೊರಡಿಸಲಾಗಿದೆ.

ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಆನ್‌ಲೈನ್ ಮೂಲಕ ಮಾತ್ರ ಅರ್ಜಿಯನ್ನು ಸಲ್ಲಿಸಬಹುದಾಗಿದೆ. ಆನ್‌ಲೈನ್ ಅರ್ಜಿ ಸಲ್ಲಿಕೆ ಈಗಾಗಲೇ ಮೇ 29, 2026 ರಿಂದ ಆರಂಭವಾಗಿದ್ದು, ಅರ್ಜಿ ಸಲ್ಲಿಸಲು ಜೂನ್ 27, 2026ರ ರಾತ್ರಿ 11:59 ರವರೆಗೆ ಕಾಲಾವಕಾಶ ನೀಡಲಾಗಿದೆ.

ಹುದ್ದೆಗಳ ವಿವರ ಮತ್ತು ವೇತನ ಶ್ರೇಣಿ:

ಒಟ್ಟು 55 ಹುದ್ದೆಗಳಿದ್ದು, ವಿವಿಧ ಹುದ್ದೆಗಳಿಗೆ ಅನುಗುಣವಾಗಿ ಆಕರ್ಷಕ ಮಾಸಿಕ ವೇತನವನ್ನು ನಿಗದಿಪಡಿಸಲಾಗಿದೆ:

ಅಸಿಸ್ಟೆಂಟ್ ಮ್ಯಾನೇಜರ್ (P.V.): 4 ಹುದ್ದೆಗಳು (ವೇತನ: ₹83,700 – ₹1,55,200)

ಅಕೌಂಟೆಂಟ್ (ಲೆಕ್ಕಿಗರು): 1 ಹುದ್ದೆ (ವೇತನ: ₹69,250 – ₹1,34,200)

ಟೆಕ್ನಿಕಲ್ ಆಫೀಸರ್ (Q.T.): 1 ಹುದ್ದೆ (ವೇತನ: ₹69,250 – ₹1,34,200)

ಸೀನಿಯರ್ ಕೆಮಿಸ್ಟ್: 2 ಹುದ್ದೆಗಳು (ವೇತನ: ₹65,950 – ₹1,24,900)

ಡೈರಿ ಸೂಪರ್ ವೈಸರ್ ಗ್ರೇಡ್-2: 5 ಹುದ್ದೆಗಳು

ಎಕ್ಸ್‌ಟೆನ್ಶನ್ ಆಫೀಸರ್ ಗ್ರೇಡ್-3: 13 ಹುದ್ದೆಗಳು

ಅಡ್ಮಿನಿಸ್ಟ್ರೇಟಿವ್ ಅಸಿಸ್ಟೆಂಟ್ ಗ್ರೇಡ್-3: 6 ಹುದ್ದೆಗಳು

ಅಕೌಂಟ್ಸ್ ಅಸಿಸ್ಟೆಂಟ್ / ವೆಲ್ಫೇರ್ ಅಸಿಸ್ಟೆಂಟ್ ಗ್ರೇಡ್-3: 8 ಹುದ್ದೆಗಳು (ವೇತನ: ₹34,100 – ₹67,600)

ಮಾರ್ಕೆಟ್ ಅಸಿಸ್ಟೆಂಟ್ ಗ್ರೇಡ್-3: 10 ಹುದ್ದೆಗಳು (ವೇತನ: ₹34,100 – ₹67,600)

ಜೂನಿಯರ್ ಟೆಕ್ನಿಷಿಯನ್ (ಫಿಟ್ಟರ್, ಎಲೆಕ್ಟ್ರಿಕಲ್, ಬಾಯ್ಲರ್, ಸಿವಿಲ್): 5 ಹುದ್ದೆಗಳು (ವೇತನ: ₹34,100 – ₹99,400 ರವರೆಗೆ ಹುದ್ದೆಯ ದರ್ಜೆಯ ಮೇರೆಗೆ)

ಶೈಕ್ಷಣಿಕ ಅರ್ಹತೆ:

ಹುದ್ದೆಗಳಿಗೆ ಅನುಗುಣವಾಗಿ ಎಸ್‌ಎಸ್‌ಎಲ್‌ಸಿ ಜೊತೆಗೆ ಐಟಿಐ (ITI), ಡಿಪ್ಲೋಮಾ, ಬಿ.ಎಸ್ಸಿ, ಬಿ.ಕಾಂ, ಬಿಬಿಎ/ಬಿಬಿಎಂ, ಬಿ.ವಿ.ಎಸ್ಸಿ, ಎಂ.ಕಾಂ ಹಾಗೂ ಬಿ.ಇ/ಬಿ.ಟೆಕ್ ಪದವಿ ಪಡೆದ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಜೊತೆಗೆ ಕಂಪ್ಯೂಟರ್ ಜ್ಞಾನ ಕಡ್ಡಾಯವಾಗಿದೆ.

ವಯೋಮಿತಿ ವಿವರಗಳು:

ಅರ್ಜಿ ಸಲ್ಲಿಸಲು ಕನಿಷ್ಠ 18 ವರ್ಷ ತುಂಬಿರಬೇಕು. ವರ್ಗಾವಾರು ಗರಿಷ್ಠ ವಯೋಮಿತಿ ಈ ಕೆಳಗಿನಂತಿದೆ:

ಸಾಮಾನ್ಯ ವರ್ಗ (GM): 35 ವರ್ಷ (ಗರಿಷ್ಠ ಸಡಿಲಿಕೆಯೊಂದಿಗೆ 40 ವರ್ಷ)

ಹಿಂದುಳಿದ ವರ್ಗಗಳು (2A, 2B, 3A, 3B): 38 ವರ್ಷ (ಗರಿಷ್ಠ ಸಡಿಲಿಕೆಯೊಂದಿಗೆ 43 ವರ್ಷ)

ಪರಿಶಿಷ್ಟ ಜಾತಿ / ಪರಿಶಿಷ್ಟ ಪಂಗಡ ಹಾಗೂ ಪ್ರವರ್ಗ-1: 40 ವರ್ಷ (ಗರಿಷ್ಠ ಸಡಿಲಿಕೆಯೊಂದಿಗೆ 45 ವರ್ಷ)

ವಿಧವೆಯರಿಗೆ ಗರಿಷ್ಠ 10 ವರ್ಷಗಳ ವಯೋಮಿತಿ ಸಡಿಲಿಕೆ ಇರಲಿದೆ.

ಆಯ್ಕೆ ಪ್ರಕ್ರಿಯೆ ಹೇಗೆ?

ಅರ್ಹ ಅಭ್ಯರ್ಥಿಗಳನ್ನು ಒಟ್ಟು 200 ಅಂಕಗಳ ಲಿಖಿತ ಪರೀಕ್ಷೆ ಹಾಗೂ 15 ಅಂಕಗಳ ವೈಯಕ್ತಿಕ ಸಂದರ್ಶನದ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಲಿಖಿತ ಪರೀಕ್ಷೆಯಲ್ಲಿ ಕನ್ನಡ ಭಾಷೆ (50 ಅಂಕ), ಇಂಗ್ಲಿಷ್ ಭಾಷೆ (25 ಅಂಕ), ಸಾಮಾನ್ಯ ಜ್ಞಾನ (25 ಅಂಕ), ಸಹಕಾರ ಕಾಯ್ದೆ ಮತ್ತು ಕಂಪ್ಯೂಟರ್ (50 ಅಂಕ), ಭಾರತದ ಸಂವಿಧಾನ (25 ಅಂಕ) ಹಾಗೂ ಡೈರಿ ಸಹಕಾರ ಸಂಘಗಳಿಗೆ ಸಂಬಂಧಿಸಿದ ವಿಷಯಗಳ (25 ಅಂಕ) ಮೇಲೆ ಪ್ರಶ್ನೆಗಳನ್ನು ಕೇಳಲಾಗುತ್ತದೆ. ಲಿಖಿತ ಪರೀಕ್ಷೆಯಲ್ಲಿ ಶೇ. 85 ಕ್ಕಿಂತ ಹೆಚ್ಚು ಅಂಕ ಗಳಿಸಿದವರನ್ನು 1:5 ಅನುಪಾತದಲ್ಲಿ ಸಂದರ್ಶನಕ್ಕೆ ಕರೆಯಲಾಗುತ್ತದೆ.

ಅರ್ಜಿ ಶುಲ್ಕ:

ಸಾಮಾನ್ಯ ಮತ್ತು ಹಿಂದುಳಿದ ವರ್ಗಗಳ ಅಭ್ಯರ್ಥಿಗಳಿಗೆ: ₹1,000/- + ಗೇಟ್‌ವೇ ಶುಲ್ಕ.

SC/ST/ಪ್ರವರ್ಗ-1 ಹಾಗೂ ವಿಕಲಚೇತನ ಅಭ್ಯರ್ಥಿಗಳಿಗೆ: ₹500/- + ಗೇಟ್‌ವೇ ಶುಲ್ಕ.

ಅರ್ಜಿ ಸಲ್ಲಿಸುವುದು ಹೇಗೆ?

ಅರ್ಹ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್ ಪೋರ್ಟಲ್ ಆದ [https://virtualofficeerp.com/gumul2026](https://virtualofficeerp.com/gumul2026) (ಸಾಮಾನ್ಯ ಹುದ್ದೆಗಳಿಗೆ) ಅಥವಾ [https://virtualofficeerp.com/gumulbl2026](https://virtualofficeerp.com/gumulbl2026) (ಬ್ಯಾಕ್‌ಲಾಗ್ ಹುದ್ದೆಗಳಿಗೆ) ಭೇಟಿ ನೀಡಿ ಜೂನ್ 27ರ ಒಳಗೆ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬೇಕು.

ತಾಂತ್ರಿಕ ತೊಂದರೆಗಳಿದ್ದಲ್ಲಿ ಸಹಾಯವಾಣಿ ಸಂಖ್ಯೆ 9036072155 ಅನ್ನು ಬೆಳಗ್ಗೆ 10 ರಿಂದ ಸಂಜೆ 5 ರವರೆಗೆ ಸಂಪರ್ಕಿಸಬಹುದು.