ಹಾರ್ಮೋನಿಯಂ ನುಡಿಸುತ್ತಾ ‘ಮೋದಿ ಕಹಿ ನಹೀ ಜಾಯೆಂಗೆ’ ಹಾಡಿದ ಕೇಂದ್ರ ಸಚಿವ ಅರ್ಜುನ್ ರಾಮ್ ಮೇಘವಾಲ್: ದೇಶಾದ್ಯಂತ ಟ್ರೆಂಡ್ ಆದ ಹಾಡು, ಮಲ್ಲಿಕಾರ್ಜನ ಖರ್ಗೆಗೆ ವಿಭಿನ್ನ ತಿರುಗೇಟು!

ಹೊಸದೆಹಲಿ: ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರ ವಿವಾದಾತ್ಮಕ ಹೇಳಿಕೆಗೆ ಪ್ರತಿಕ್ರಿಯೆಯಾಗಿ ಭಾರತೀಯ ಜನತಾ ಪಾರ್ಟಿ ನಾಯಕರು ವಿಭಿನ್ನ ಹಾಗೂ ವಿನೂತನ ಶೈಲಿಯಲ್ಲಿ ತಿರುಗೇಟು ನೀಡುತ್ತಿದ್ದಾರೆ. ಇದರ ಭಾಗವಾಗಿ ಕೇಂದ್ರ ಸಚಿವ ಅರ್ಜುನ್ ರಾಮ್ ಮೇಘವಾಲ್ ಅವರು ಹಾರ್ಮೋನಿಯಂ ನುಡಿಸುತ್ತಾ ಭಜನೆಯ ಶೈಲಿಯಲ್ಲಿ “ಮೋದಿ ಕಹಿ ನಹೀ ಜಾಯೆಂಗೆ” (ಮೋದಿ ಎಲ್ಲೂ ಹೋಗುವುದಿಲ್ಲ) ಎಂದು ಹಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದೆ.

ವಿಡಿಯೋ ವೀಕ್ಷಿಸಲು ಈ ಲಿಂಕ್ ಕ್ಲಿಕ್ ಮಾಡಿ:

“कहीं नहीं जाएंगे मोदी, कहीं नहीं जाएंगे मोदी…” #ModiKahiNahiJayega#SaveDemocracyRemoveAnarchy pic.twitter.com/8GBdoWla4K

— Arjun Ram Meghwal (@arjunrammeghwal) November 3, 2026

युवाओं की हुंकार, हर जन का ऐतबार…
140 करोड़ देशवासियों की एक ही पुकार – #ModiKahinNahiJayega 🇮🇳

देश का युवा आज विकास, सुशासन और आत्मनिर्भर भारत के संकल्प के साथ मजबूती से खड़ा है। यही विश्वास और जनसमर्थन बताता है कि भारत की प्रगति का यह अभियान रुकने वाला नहीं है।

इसी जनभावना… pic.twitter.com/JX8HvINqZV

— Haryana BJP (@BJP4Haryana) November 3, 2026

ಕಾಂಗ್ರೆಸ್ ಮುಖ್ಯಸ್ಥ ಮಲ್ಲಿಕಾರ್ಜುನ ಖರ್ಗೆ ಅವರು ಇತ್ತೀಚೆಗೆ ಪಕ್ಷದ ಕಾರ್ಯಕ್ರಮವೊಂದರಲ್ಲಿ “ಮೋದಿ ಕಾ ಬಾಪ್ ಭೀ ಜಾಯೇಗಾ” (ಮೋದಿ ಅವರ ತಂದೆಯೂ ಹೋಗಬೇಕಾಗುತ್ತದೆ) ಎಂದು ಹರಿಹಾಯ್ದಿದ್ದರು. ಈ ಹೇಳಿಕೆಯ ಬಳಿಕ ಬಿಜೆಪಿ ನಾಯಕರು ದೇಶಾದ್ಯಂತ ‘ಮೋದಿ ಕೊಹಿ ನಹೀ ಜಾಯೆಂಗೆ’ ಅಭಿಯಾನವನ್ನು ತೀವ್ರಗೊಳಿಸಿದ್ದು, ಪ್ರಧಾನಿ ನರೇಂದ್ರ ಮೋದಿ ಅವರು ಮೂರನೇ ಅವಧಿಗೂ ಮುನ್ನಡೆಸುತ್ತಿದ್ದು ದೇಶದಲ್ಲೇ ಇರಲಿದ್ದಾರೆ ಎಂದು ಬಲವಾಗಿ ಪ್ರತಿಪಾದಿಸುತ್ತಿದ್ದಾರೆ.

ಕೇಂದ್ರ ಸಚಿವರ ಸಂಗೀತ ರೂಪದ ತಿರುಗೇಟು: 72 ವರ್ಷದ ಸಚಿವ ಅರ್ಜುನ್ ರಾಮ್ ಮೇಘವಾಲ್ ಅವರು ಹಾರ್ಮೋನಿಯಂ ಬಾರಿಸುತ್ತಾ, “ಮೋದಿ ಕಹಿ ನಹೀ ಜಾಯೆಂಗೆ, ಯಾರು ತಮ್ಮ ವಿಶ್ವಾಸಾರ್ಹತೆ ಕಳೆದುಕೊಂಡಿದ್ದಾರೋ ಅವರು ಹೋಗುತ್ತಾರೆ” ಎಂದು ಹಾಡಿ, ಉಚಿತ ರಾಶನ್, ಅನಿಲ ಸಿಲಿಂಡರ್, ಮನೆ, ವಿದ್ಯುತ್ ಹಾಗೂ ಸ್ವಚ್ಛ ಭಾರತ ಅಭಿಯಾನದಂತಹ ಯೋಜನೆಗಳ ಸಾಧನೆಗಳನ್ನು ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದಾರೆ.

ಬಿಜೆಪಿ ನಾಯಕರಿಂದ ಸರಣಿ ಅಭಿಯಾನ: ಖರ್ಗೆ ಹೇಳಿಕೆಗೆ ಪ್ರತಿಕ್ರಿಯೆಯಾಗಿ ದೆಹಲಿ ಸಚಿವ ಕಪಿಲ್ ಮಿಶ್ರಾ, ಸಂಸದ ಮನೋಜ್ ತಿವಾರಿ, ಹರಿಯಾಣ ಬಿಜೆಪಿ ಘಟಕದಿಂದ ಟಿ-ಶರ್ಟ್‌ಗಳು ಹಾಗೂ ಹುಡಿಗಳನ್ನು (Hoodie) ಬಿಡುಗಡೆ ಮಾಡಲಾಗಿದ್ದು, ‘ಮೋದಿ ಕહીં ನಹೀ ಜಾಯೆಂಗೆ’ ಎನ್ನುವ ಘೋಷಣೆ ರಾಷ್ಟ್ರವ್ಯಾಪಿ ಸದ್ದು ಮಾಡುತ್ತಿದೆ.

2029ರ ಗುರಿ: ಮುಂಬರುವ 2029ರ ಲೋಕಸಭೆ ಚುನಾವಣೆಯಲ್ಲೂ ಮೋದಿಯೇ ಮತ್ತೆ ಅಧಿಕಾರಕ್ಕೆ ಬರಲಿದ್ದಾರೆ ಎಂದು ಬಿಜೆಪಿ ನಾಯಕರು ಹಾಡುಗಳ ಮೂಲಕ ದೃಢ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಗುಜರಾತ್‌ನ ಬನಾಸ್‌ಕಂಠದಲ್ಲಿ ಪ್ರಧಾನಿ ಮೋದಿ ರೋಡ್‌ಶೋ ವೇಳೆ ಸಾರ್ವಜನಿಕರು ಸಹ ಇದೇ ಘೋಷಣೆಯ ಪ್ಲೇಕಾರ್ಡ್‌ಗಳನ್ನು ಹಿಡಿದು ಬೆಂಬಲ ಸೂಚಿಸಿದ್ದು, ಪ್ರಧಾನಿ ಮೋದಿ ತಮ್ಮ ಜೀವಿತಾವಧಿಯ ಕೊನೆಯ ಕ್ಷಣದವರೆಗೆ ಜನರ ಸೇವೆ ಮಾಡುವುದಾಗಿ ತಿಳಿಸಿದ್ದಾರೆ.