BSNL Recruitment 2026: ಬಿಎಸ್ಎನ್‌ಎಲ್‌ನಲ್ಲಿ ಇಂಜಿನಿಯರಿಂಗ್ ಪದವೀಧರರಿಗೆ ಸುವರ್ಣಾವಕಾಶ; 100 ಜೆಟಿಒ ಹುದ್ದೆಗಳಿಗೆ ಅರ್ಜಿ ಆಹ್ವಾನ, ಕರ್ನಾಟಕದಲ್ಲೇ ಅತಿ ಹೆಚ್ಚು ಸೀಟುಗಳು!

ನವದೆಹಲಿ: ಕೇಂದ್ರ ಸರ್ಕಾರದ ಸ್ವಾಮ್ಯದ ಪ್ರಮುಖ ದೂರಸಂಪರ್ಕ ಸಂಸ್ಥೆಯಾದ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL), ಮುಕ್ತ ಮಾರುಕಟ್ಟೆಯಿಂದ ನೇರ ನೇಮಕಾತಿ ಮೂಲಕ ಒಟ್ಟು 100 ಜೂನಿಯರ್ ಟೆಲಿಕಾಂ ಆಫೀಸರ್ (Junior Telecom Officer – JTO) ಹುದ್ದೆಗಳನ್ನು ಭರ್ತಿ ಮಾಡಲು ಅಧಿಕೃತ ಅಧಿಸೂಚನೆ ಹೊರಡಿಸಿದೆ. ಅರ್ಹ ಇಂಜಿನಿಯರಿಂಗ್ ಹಾಗೂ ಸ್ನಾತಕೋತ್ತರ ಪದವೀಧರರಿಂದ ಆನ್‌ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ.

ಜೂನ್ 4, 2026 ರಿಂದಲೇ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗಿದ್ದು, ಅರ್ಜಿ ಸಲ್ಲಿಸಲು ಜುಲೈ 3, 2026 ಕೊನೆಯ ದಿನವಾಗಿದೆ. ವಿಶೇಷವೆಂದರೆ, ದೇಶದ ಒಟ್ಟು 21 ಬಿಎಸ್ಎನ್‌ಎಲ್ ವಲಯಗಳ ಪೈಕಿ ನಮ್ಮ ಕರ್ನಾಟಕ ವಲಯದಲ್ಲೇ ಅತಿ ಹೆಚ್ಚು (26 ಹುದ್ದೆಗಳು) ಖಾಲಿ ಇವೆ.

ಹುದ್ದೆಗಳ ವಿವರ ಮತ್ತು ವೇತನ ಶ್ರೇಣಿ

• ಹುದ್ದೆಯ ಹೆಸರು: ಜೂನಿಯರ್ ಟೆಲಿಕಾಂ ಆಫೀಸರ್ (JTO – ಟೆಲಿಕಾಂ)

• ಒಟ್ಟು ಹುದ್ದೆಗಳು: 100 (ತಾತ್ಕಾಲಿಕ)

• ವೇತನ ಶ್ರೇಣಿ: ಐಡಿಎ ವೇತನ ಶ್ರೇಣಿ [E-1] ಅನ್ವಯ ತಿಂಗಳಿಗೆ ರೂ. 16,400 ರಿಂದ ರೂ. 40,500/- (ಇದರೊಂದಿಗೆ ಇತರೆ ಭತ್ಯೆಗಳು ಸಿಗಲಿವೆ).

• ಪರಿವೀಕ್ಷಣಾ ಅವಧಿ (Probation): 2 ವರ್ಷಗಳು.

• ಸೇವಾ ಬಾಂಡ್: ಆಯ್ಕೆಯಾದ ಅಭ್ಯರ್ಥಿಗಳು ಕನಿಷ್ಠ 5 ವರ್ಷಗಳ ಕಾಲ ಸೇವೆ ಸಲ್ಲಿಸುವುದಾಗಿ ರೂ. 6 ಲಕ್ಷ ಮೊತ್ತದ ಬಾಂಡ್ ಬರೆದುಕೊಡಬೇಕಿರುತ್ತದೆ.

ವಲಯವಾರು ಪ್ರಮುಖ ಹುದ್ದೆಗಳ ಹಂಚಿಕೆ:

• ಕರ್ನಾಟಕ: 26 ಹುದ್ದೆಗಳು

• ಮಹಾರಾಷ್ಟ್ರ: 16 ಹುದ್ದೆಗಳು

• ಕೇರಳ: 15 ಹುದ್ದೆಗಳು

• ಆಂಧ್ರಪ್ರದೇಶ: 13 ಹುದ್ದೆಗಳು

• (ಉಳಿದ ಹುದ್ದೆಗಳನ್ನು ದೇಶದ ಇತರೆ ವಲಯಗಳಿಗೆ ಹಂಚಿಕೆ ಮಾಡಲಾಗಿದೆ).

ಶೈಕ್ಷಣಿಕ ಅರ್ಹತೆಗಳು

ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಕೆಳಗಿನ ಯಾವುದಾದರೂ ಒಂದು ವಿಭಾಗದಲ್ಲಿ ಇಂಜಿನಿಯರಿಂಗ್ ಪದವಿ (B.E / B.Tech) ಪೂರ್ಣಗೊಳಿಸಿರಬೇಕು:

• ಟೆಲಿಕಮ್ಯೂನಿಕೇಷನ್ಸ್, ಎಲೆಕ್ಟ್ರಾನಿಕ್ಸ್, ರೇಡಿಯೋ, ಕಂಪ್ಯೂಟರ್ ಸೈನ್ಸ್, ಎಲೆಕ್ಟ್ರಿಕಲ್, ಮಾಹಿತಿ ತಂತ್ರಜ್ಞಾನ (IT), ಅಥವಾ ಇನ್ಸ್ಟ್ರುಮೆಂಟೇಶನ್.

• ಅಥವಾ ಎಲೆಕ್ಟ್ರಾನಿಕ್ಸ್/ಕಂಪ್ಯೂಟರ್ ಸೈನ್ಸ್ ವಿಷಯದಲ್ಲಿ M.Sc ಪದವಿ ಪಡೆದವರೂ ಸಹ ಅರ್ಜಿ ಸಲ್ಲಿಸಬಹುದು. (M.Tech ಮಾಡಿದವರಿಗೂ ಅವಕಾಶವಿದೆ).

• ಸೂಚನೆ: ಅಭ್ಯರ್ಥಿಗಳಿಗೆ ಕಣ್ಣಿನ ದೋಷ ಇರಬಾರದು (Binocular Vision ಕಡ್ಡಾಯ) ಹಾಗೂ ಬಣ್ಣಗಳನ್ನು ಗುರುತಿಸುವ ಸಾಮರ್ಥ್ಯ ಹೊಂದಿರಬೇಕು.

ವಯೋಮಿತಿ (ಜುಲೈ 3, 2026 ಕ್ಕೆ ಅನ್ವಯಿಸುವಂತೆ)

• ಕನಿಷ್ಠ ವಯಸ್ಸು: 20 ವರ್ಷಗಳು.

• ಗರಿಷ್ಠ ವಯಸ್ಸು (ಸಾಮಾನ್ಯ/EWS ಅಭ್ಯರ್ಥಿಗಳಿಗೆ): 30 ವರ್ಷಗಳು.

• ವಯೋಮಿತಿ ಸಡಿಲಿಕೆ: ಒಬಿಸಿ (NCL) ಅಭ್ಯರ್ಥಿಗಳಿಗೆ 3 ವರ್ಷ, ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಿಗೆ 5 ವರ್ಷ ಹಾಗೂ ದಿವ್ಯಾಂಗ (PwBD) ಅಭ್ಯರ್ಥಿಗಳಿಗೆ ಗರಿಷ್ಠ 10 ವರ್ಷಗಳವರೆಗೆ ವಯೋಮಿತಿ ಸಡಿಲಿಕೆ ಇರಲಿದೆ.

ಅರ್ಜಿ ಶುಲ್ಕ

• ಸಾಮಾನ್ಯ (UR) / ಒಬಿಸಿ / ಇಡಬ್ಲ್ಯೂಎಸ್ ಅಭ್ಯರ್ಥಿಗಳಿಗೆ: ರೂ. 2,000/-

• ಎಸ್‌ಸಿ / ಎಸ್‌ಟಿ / ದಿವ್ಯಾಂಗ ಅಭ್ಯರ್ಥಿಗಳಿಗೆ: ರೂ. 1,000/-

• (ಶುಲ್ಕವನ್ನು ಆನ್‌ಲೈನ್ ಬ್ಯಾಂಕಿಂಗ್, ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಮೂಲಕ ಮಾತ್ರ ಪಾವತಿಸಬೇಕು).

ಆಯ್ಕೆ ವಿಧಾನ ಹೇಗೆ?

ಅಭ್ಯರ್ಥಿಗಳನ್ನು 3 ಹಂತಗಳಲ್ಲಿ ಆಯ್ಕೆ ಮಾಡಲಾಗುತ್ತದೆ:

1. ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT): ಒಟ್ಟು 480 ಅಂಕಗಳಿಗೆ 3 ಗಂಟೆಗಳ ಕಾಲ ಪರೀಕ್ಷೆ ನಡೆಯಲಿದ್ದು, ಇದು 2026ರ ಆಗಸ್ಟ್ ತಿಂಗಳಲ್ಲಿ ನಡೆಯುವ ಸಾಧ್ಯತೆ ಇದೆ. ತಪ್ಪು ಉತ್ತರಗಳಿಗೆ ಮೈನಸ್ ಅಂಕ (-1 ನೆೆಗೆಟಿವ್ ಮಾರ್ಕಿಂಗ್) ಇರಲಿದೆ.

2. ದಾಖಲೆಗಳ ಪರಿಶೀಲನೆ (Document Verification)

3. ವೈದ್ಯಕೀಯ ತಪಾಸಣೆ (Medical Examination)

ಅರ್ಜಿ ಸಲ್ಲಿಸುವುದು ಹೇಗೆ?

ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಬಿಎಸ್ಎನ್‌ಎಲ್‌ನ ಅಧಿಕೃತ ಪರೀಕ್ಷಾ ಪೋರ್ಟಲ್ www.externalexam.bsnl.co.in ಗೆ ಭೇಟಿ ನೀಡಿ ಆನ್‌ಲೈನ್ ಮೂಲಕವೇ ಅರ್ಜಿ ಸಲ್ಲಿಸಬೇಕು. ಅರ್ಜಿ ಸಲ್ಲಿಸುವಾಗ ಅಭ್ಯರ್ಥಿಗಳು ಎಲ್ಲಾ 21 ವಲಯಗಳ ಆದ್ಯತೆಯನ್ನು (Circle Preferences) ತಪ್ಪದೇ ನಮೂದಿಸಲು ಸೂಚಿಸಲಾಗಿದೆ.

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಆರಂಭ: ಜೂನ್ 04, 2026

• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಜುಲೈ 03, 2026 (ಬೆಳಿಗ್ಗೆ 10:00 ಗಂಟೆಯವರೆಗೆ)

ಹೆಚ್ಚಿನ ವಿವರಗಳಿಗಾಗಿ ಮತ್ತು ಅಧಿಕೃತ ಅಧಿಸೂಚನೆಗಾಗಿ ಬಿಎಸ್ಎನ್‌ಎಲ್ ವೆಬ್‌ಸೈಟ್ ಆದ www.bsnl.co.in ಗೆ ಭೇಟಿ ನೀಡಬಹುದು.