SUDDIKSHANA KANNADA NEWS/ DAVANAGERE/ DATE:18-09-2024
ದಾವಣಗೆರೆ: ತಾಲ್ಲೂಕಿನ ಬಿ.ಕಲ್ಪನಹಳ್ಳಿ ಗ್ರಾಮಕ್ಕೆ ಸಂಸದರಾದ ಡಾ.ಪ್ರಭಾ ಮಲ್ಲಿಕಾರ್ಜುನ್ ಭೇಟಿ ನೀಡಿದರು. ಗ್ರಾಮಸ್ಥರು ಆಯೋಜಿಸಿದ್ದ ಗಣೇಶೋತ್ಸವದಲ್ಲಿ ಪಾಲ್ಗೊಂಡ ಸಂಸದರು ನಂತರ ಗ್ರಾಮದ ಅಂಗನವಾಡಿ ಕೇಂದ್ರಕ್ಕೆ ಭೇಟಿ ನೀಡಿದರು.
ಈ ವೇಳೆ ಅಂಗನವಾಡಿ ಕೇಂದ್ರದ ಸ್ವಚ್ಚ ಪರಿಸರ, ಉತ್ತಮ ವಾತಾವರಣದ ಮಧ್ಯೆ ಮಕ್ಕಳ ಕಲರವ ಕಂಡು ಮೆಚ್ಚುಗೆ ಸೂಚಿಸಿದರು.
ಅಂಗನವಾಡಿ ಕೇಂದ್ರದಲ್ಲಿ ಮಾಹಿತಿ ಫಲಕ, ಕೇಂದ್ರದಲ್ಲಿ ಮಕ್ಕಳ ಪರಿಕರಗಳು ಹಾಗೂ ಸ್ವಚ್ಚತೆಗೆ ಶ್ಲಾಘನೆ ವ್ಯಕ್ತಪಡಿಸಿದರಲ್ಲದೇ ಸಂದರ್ಶಕರ ದಿನಚರಿಯಲ್ಲಿ ಅಂಗನವಾಡಿ ಶಿಕ್ಷಕರ ಕಾರ್ಯ ಹಾಗೂ ಸ್ವಚ್ಚತೆಗೆ ಪ್ರಶಂಸೆ
ಬರೆದು ಮೆಚ್ಚುಗೆ ವ್ಯಕ್ತಪಡಿಸಿದರು. ಈ ವೇಳೆ ಗ್ರಾಮದ ಮುಖಂಡರು ಹಾಗೂ ಅಂಗನವಾಡಿ ಶಿಕ್ಷಕರು ಉಪಸ್ಥಿತರಿದ್ದರು.
