ಅನಿಲ್ ಕಪೂರ್ ನಿವಾಸದಲ್ಲಿ ಕರ್ವ ಚೌತ್ ಸಂಭ್ರಮ: ಅಮೀರ್ ಖಾನ್ ಮತ್ತು ಪತ್ನಿ ಗೌರಿ ಸೇರಿ ಸಾಂಪ್ರದಾಯಿಕ ಉಡುಪಿನಲ್ಲಿ ಕಂಗೊಳಿಸಿದ ಬಾಲಿವುಡ್ ತಾರೆಯರು!

ನವದೆಹಲಿ: ಬಾಲಿವುಡ್‌ ಸೂಪರ್‌ಸ್ಟಾರ್ ಅಮೀರ್ ಖಾನ್ ಮತ್ತು ಅವರ ಪತ್ನಿ ಗೌರಿ ಸ್ಪ್ರಟ್ ಅವರು ತಮ್ಮ ಮದುವೆಯ ನಂತರದ ಮೊದಲ ಕರ್ವ ಚೌತ್ (Karwa Chauth) ಹಬ್ಬವನ್ನು ಅತ್ಯಂತ ಸಡಗರದಿಂದ ಆಚರಿಸಿದ್ದಾರೆ.

ಬಾಲಿವುಡ್‌ನ ಖ್ಯಾತ ನಟ ಅನಿಲ್ ಕಪೂರ್ ಮತ್ತು ಸುನೀತಾ ಕಪೂರ್ ಅವರ ನಿವಾಸದಲ್ಲಿ ಗುರುವಾರ ಸಂಜೆ ನಡೆದ ವಿಶೇಷ ಸಮಾರಂಭದಲ್ಲಿ ಈ ದಂಪತಿಗಳು ಭಾಗವಹಿಸಿದ್ದರು. ಈ ವರ್ಷದ ಜುಲೈನಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದ ಈ ಜೋಡಿಯ ಮೊದಲ ಕರ್ವ ಚೌತ್ ಹಬ್ಬ ಇದಾಗಿದ್ದು, ಪಾಪರಾಜಿಗಳ ಕ್ಯಾಮೆರಾಗೆ ಸಾಂಪ್ರದಾಯಿಕ ಉಡುಪಿನಲ್ಲಿ ಕಾಣಿಸಿಕೊಂಡಿದ್ದಾರೆ.

ಅಮೀರ್ ಖಾನ್ ಡೀಪ್ ಬ್ಲೂ ಬಣ್ಣದ ಹೂವಿನ ವಿನ್ಯಾಸದ ಕುರ್ತಾ ಹಾಗೂ ಹರಮ್ ಪ್ಯಾಂಟ್ ಧರಿಸಿದ್ದರೆ, ಗೌರಿ ಸ್ಪ್ರಟ್ ನೇರಳೆ ಬಣ್ಣದ ಬ್ರೊಕೇಡ್ ಶರಾರಾದಲ್ಲಿ ಮಿಂಚಿದರು. ಕಪೂರ್ ನಿವಾಸದಲ್ಲಿ ನಡೆದ ಈ ಆಚರಣೆಯಲ್ಲಿ ಗೌರಿ ಖಾನ್, ಶಿಲ್ಪಾ ಶೆಟ್ಟಿ, ವರುಣ್ ಧವನ್, ಮಹೀಪ್ ಕಪೂರ್, ಮೀರಾ ಕಪೂರ್ ಹಾಗೂ ಸೋನಮ್ ಕಪೂರ್ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು. ಬೋನಿ ಕಪೂರ್ ಅವರ ಪುತ್ರಿ ಅನ್ಶುಲಾ ಕಪೂರ್ ಕೂಡ ತಮ್ಮ ಪತಿ ರೋಹನ್ ಠಕ್ಕರ್ ಜೊತೆ ತಮ್ಮ ಮೊದಲ ಕಾವ್ಯ ಚೌತ್ ಆಚರಿಸಿಕೊಂಡಿದ್ದಾರೆ.

ಮೊದಲ ಹಬ್ಬದ ಸಂಭ್ರಮ: ಜುಲೈ 2026 ರಲ್ಲಿ ಮದುವೆಯಾದ ಅಮೀರ್ ಖಾನ್ ಮತ್ತು ಗೌರಿ ಸ್ಪ್ರಟ್ ದಂಪತಿಯ ಮೊದಲ ಕರ್ವ ಚೌತ್ ಆಚರಣೆ.

ಸೆಲೆಬ್ರಿಟಿಗಳ ಸಂಗಮ: ಅನಿಲ್ ಕಪೂರ್ ನಿವಾಸದಲ್ಲಿ ಬಾಲಿವುಡ್ ತಾರೆಯರಾದ ಶಿಲ್ಪಾ ಶೆಟ್ಟಿ, ವರುಣ್ ಧವನ್, ಗೌರಿ ಖಾನ್ ಭಾಗಿ.

ಸಾಂಪ್ರದಾಯಿಕ ಲುಕ್: ಸಾಂಪ್ರದಾಯಿಕ ಉಡುಪಿನಲ್ಲಿ ದಂಪತಿಗಳು ಪಾಪರಾಜಿಗಳಿಗೆ ಪೋಸ್ ನೀಡಿ ಗಮನ ಸೆಳೆದಿದ್ದಾರೆ.

ಅಮೀರ್ ಖಾನ್ ಅವರ ಮೂರನೇ ಮದುವೆಯಾಗಿರುವ ಗೌರಿ ಜೊತೆಗಿನ ಈ ವಿಶೇಷ ಹಬ್ಬದ ಕ್ಷಣಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳಿಂದ ಶುಭಾಶಯಗಳು ಹರಿದುಬರುತ್ತಿವೆ.