Home ದಾವಣಗೆರೆ ‘ಪ್ರೀತಿಯಲ್ಲಿ ಬೀಳಲು ಹೋಟೆಲ್‌ಗೆ ಹೋಗಿ, ಆದರೆ ಚಿಕನ್ ಚಾಸಿರ್ ತಿನ್ನಬೇಡಿ’: ಕೇಂಬ್ರಿಡ್ಜ್ ರೆಸ್ಟೋರೆಂಟ್‌ನಲ್ಲಿ ರಾಹುಲ್ ಗಾಂಧಿ ಡೇಟಿಂಗ್ ಅನುಭವ!
ದಾವಣಗೆರೆನವದೆಹಲಿಬೆಂಗಳೂರು

‘ಪ್ರೀತಿಯಲ್ಲಿ ಬೀಳಲು ಹೋಟೆಲ್‌ಗೆ ಹೋಗಿ, ಆದರೆ ಚಿಕನ್ ಚಾಸಿರ್ ತಿನ್ನಬೇಡಿ’: ಕೇಂಬ್ರಿಡ್ಜ್ ರೆಸ್ಟೋರೆಂಟ್‌ನಲ್ಲಿ ರಾಹುಲ್ ಗಾಂಧಿ ಡೇಟಿಂಗ್ ಅನುಭವ!

Share
ರಾಹುಲ್ ಗಾಂಧಿ
Share

ನವದೆಹಲಿ: ತಾಯಿ ಸೋನಿಯಾ ಗಾಂಧಿ ಅವರ ಚೊಚ್ಚಲ ಆತ್ಮಕತೆ ‘ಬಿಲಾಂಗಿಂಗ್’ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ಲೋಕಸಭೆಯ ವಿಪಕ್ಷ ನಾಯಕ ರಾಹುಲ್ ಗಾಂಧಿ, ತಂದೆ-ತಾಯಿ (ರಾಜೀವ್ ಹಾಗೂ ಸೋನಿಯಾ) ಮೊದಲ ಬಾರಿಗೆ ಭೇಟಿಯಾಗಿದ್ದ ಕೇಂಬ್ರಿಡ್ಜ್‌ನ ಹೋಟೆಲ್‌ಗೆ ತಮ್ಮ ಗೆಳತಿಯೊಂದಿಗೆ ತೆರಳಿದ್ದ ರೋಚಕ ಹಾಗೂ ತಮಾಷೆಯ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ.

ಪೋಷಕರ ಪ್ರೇಮ ಕಥೆಯಿದ್ದ ಆ ರೆಸ್ಟೋರೆಂಟ್‌ನ ಊಟ ತಮಗೆ ತುಂಬಾ ನಿರಾಶೆ ಮೂಡಿಸಿತು ಎಂದು ಅವರು ನಗುತ್ತಾ ಸ್ಮರಿಸಿದ್ದಾರೆ.

ತಮ್ಮ ತಂದೆ-ತಾಯಿ ಪ್ರೀತಿಗೆ ಸಾಕ್ಷಿಯಾಗಿದ್ದ ಕೇಂಬ್ರಿಡ್ಜ್‌ನ ‘ವರ್ಸಿಟಿ ರೆಸ್ಟೋರೆಂಟ್’ ಬಗ್ಗೆ ಬಹಳಷ್ಟು ಪೌರಾಣಿಕ ಕಥೆಗಳನ್ನು ಕೇಳಿದ್ದ ರಾಹುಲ್ ಗಾಂಧಿ, ಒಮ್ಮೆ ಅಲ್ಲಿಗೆ ತೆರಳಿದ್ದಾಗ ತಮ್ಮ ಜೊತೆಗಿದ್ದ ಗೆಳತಿಗೆ ವಿಷಯ ತಿಳಿಸದೆ ನೇರವಾಗಿ ಆ ಹೋಟೆಲ್‌ಗೆ ಕರೆದೊಯ್ದಿದ್ದರು. ಅಲ್ಲಿ ಹಳದಿ ಬಣ್ಣದ ಬಾಗಿಲು ಹಾಗೂ ಅದನ್ನು ಗುರುತಿಸಿದ ವ್ಯಕ್ತಿಯ ಜತೆಗಿನ ಸಂಭಾಷಣೆಯನ್ನು ಅವರು ಮೆಲುಕು ಹಾಕಿದರು. ಆದರೆ ಅಲ್ಲಿ ‘ಚಿಕನ್ ಚಾಸಿರ್’ ತಿಂದ ಬಳಿಕ ಅನುಭವಿಸಿದ ನಿರಾಶೆಯನ್ನು ನೆನಪಿಸಿಕೊಂಡು ಸಭಿಕರಲ್ಲಿ ನಗು ಮೂಡಿಸಿದರು.

ಕೇಂಬ್ರಿಡ್ಜ್ ನೆನಪುಗಳು: ರಾಜೀವ್-ಸೋನಿಯಾ ಪ್ರೇಮಕ್ಕೆ ಸಾಕ್ಷಿಯಾಗಿದ್ದ ‘ವರ್ಸಿಟಿ ರೆಸ್ಟೋರೆಂಟ್’ಗೆ ತಮ್ಮ ಗೆಳತಿಯೊಂದಿಗೆ ತೆರಳಿದ್ದ ಅನುಭವವನ್ನು ರಾಹುಲ್ ಗಾಂಧಿ ಹಂಚಿಕೊಂಡಿದ್ದಾರೆ.

ಹೋಟೆಲ್‌ನ ಊಟಕ್ಕೆ ಅತೃಪ್ತಿ: ಪೋಷಕರು ಊಟ ಬಹಳ ಅದ್ಭುತವಾಗಿತ್ತು ಎಂದು ಹೇಳುತ್ತಿದ್ದರೆ, ತಮಗೆ ಮಾತ್ರ ಅಲ್ಲಿನ ‘ಚಿಕನ್ ಚಾಸಿರ್’ ಊಟ ಬಹಳ ಕೆಟ್ಟದಾಗಿ ಅನಿಸಿತು ಎಂದು ತಮಾಷೆಯಾಗಿ ಎಚ್ಚರಿಸಿದರು.

ಭಾವನಾತ್ಮಕ ಮಾತುಗಳು: ಇದೇ ವೇಳೆ ಪೋಷಕರ ಅನ್ಯೂನ್ಯತೆ, ಅಜ್ಜಿ ಇಂದಿರಾ ಗಾಂಧಿ ಹಾಗೂ ತಂದೆ ರಾಜೀವ್ ಗಾಂಧಿ ಹತ್ಯೆಯ ಬಳಿಕ ತಾಯಿ ಸೋನಿಯಾ ಗಾಂಧಿ ಅನುಭವಿಸಿದ ಕಷ್ಟಗಳು ಮತ್ತು ಅವರ ಧೈರ್ಯದ ಬಗ್ಗೆ ರಾಹುಲ್ ಗಾಂಧಿ ಭಾವುಕರಾಗಿ ಮಾತನಾಡಿದರು.

ಸಮಾರಂಭದ ಬಳಿಕ ಮಾಧ್ಯಮದವರು ಆ ಗೆಳತಿ ಯಾರು ಎಂದು ಪ್ರಶ್ನಿಸಿದಾಗ, “ಅವರು ನನ್ನೊಬ್ಬ ಸ್ನೇಹಿತೆ” ಎಂದು ರಾಹುಲ್ ಗಾಂಧಿ ಉತ್ತರಿಸಿದ್ದಾರೆ.

Share

Leave a comment

Leave a Reply

Your email address will not be published. Required fields are marked *

Related Articles