ಈ ಟಚ್ಚಲಿ ಏನೋ ಇದೆ… ಬಾ ಬಾರೋ ರಸಿಕ ಎನ್ನುವಂತಿದ್ದ ಯುವತಿ ವರ್ತನೆಗೆ ಧೃತಿಗೆಡದೇ ಸಂಯಮ ಕಾಯ್ದುಕೊಂಡ ವೀರ!

ನವದೆಹಲಿ: ದೆಹಲಿ ಮೆಟ್ರೋದಲ್ಲಿ ಪ್ರತಿದಿನವೂ ಒಂದಲ್ಲ ಒಂದು ವಿಚಿತ್ರ ಘಟನೆಗಳು ನಡೆಯುತ್ತಲೇ ಇರುತ್ತವೆ. ಇದೀಗ ಅಂತಹದ್ದೇ ಮತ್ತೊಂದು ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಮೆಟ್ರೋ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ಯುವಕನೊಬ್ಬನಿಗೆ ಯುವತಿಯೊಬ್ಬಳು ಪದೇಪದೇ ಅಸಹಜವಾಗಿ ಸ್ಪರ್ಶಿಸಿ ಮುಜುಗರ ಉಂಟುಮಾಡುತ್ತಿರುವ ದೃಶ್ಯ ವೈರಲ್ ಆಗಿದೆ.

ಘಟನೆಯ ವಿವರ:

ವೈರಲ್ ಆಗಿರುವ ವಿಡಿಯೋದಲ್ಲಿ, ಯುವತಿಯೊಬ್ಬಳು ಅಪರಿಚಿತ ಯುವಕನ ಕೈ ಹಿಡಿಯುವುದು, ಆತನನ್ನು ಅಪ್ಪಿಕೊಳ್ಳಲು ಯತ್ನಿಸುವುದು ಮತ್ತು ಪದೇಪದೇ ಸ್ಪರ್ಶಿಸುವುದನ್ನು ಕಾಣಬಹುದು. ಯುವಕ ಆಕೆಯ ವರ್ತನೆಯನ್ನು ಸ್ಪಷ್ಟವಾಗಿ ವಿರೋಧಿಸಿ, ಹಿಂದಕ್ಕೆ ಸರಿಯುತ್ತಿದ್ದರೂ ಯುವತಿ ಮಾತ್ರ ಆತನನ್ನು ಬಿಡದೆ ಮುಜುಗರಕ್ಕೀಡು ಮಾಡುತ್ತಿದ್ದಳು. ಯುವಕ ಯಾವುದೇ ಅತಿರೇಕದ ವರ್ತನೆ ತೋರದೆ ಸಂಯಮದಿಂದ ಆಕೆಯಿಂದ ದೂರ ಸರಿಯುತ್ತಿರುವುದು ವಿಡಿಯೋದಲ್ಲಿದೆ.

ನೆಟ್ಟಿಗರ ಚರ್ಚೆ ಮತ್ತು ಆಕ್ರೋಶ:

ಈ ವಿಡಿಯೋಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.

• “ಯುವಕನ ಜಾಗದಲ್ಲಿ ಬೇರೆ ಯಾರಾದರೂ ಇದ್ದಿದ್ದರೆ ಪರಿಸ್ಥಿತಿಯೇ ಬದಲಾಗುತ್ತಿತ್ತು, ಯುವಕ ಅತ್ಯಂತ ಸಭ್ಯವಾಗಿ ವರ್ತಿಸಿದ್ದಾನೆ” ಎಂದು ಹಲವರು ಆತನ ಸಂಯಮವನ್ನು ಶ್ಲಾಘಿಸಿದ್ದಾರೆ.

• ಇದು ಕೇವಲ ಸೋಷಿಯಲ್ ಮೀಡಿಯಾ ಪ್ರ್ಯಾಂಕ್ ಅಥವಾ ಲಾಯಲ್ಟಿ ಟೆಸ್ಟ್ (Loyalty Test) ಗಾಗಿ ಮಾಡಿದ ವಿಡಿಯೋ ಇರಬಹುದು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.

• ಸಾರ್ವಜನಿಕ ಸ್ಥಳಗಳಲ್ಲಿ, ವಿಶೇಷವಾಗಿ ಮೆಟ್ರೋದಂತಹ ಸಾರಿಗೆ ವ್ಯವಸ್ಥೆಯಲ್ಲಿ ಇಂತಹ ಅನಪೇಕ್ಷಿತ ವರ್ತನೆಗಳು ಸರಿಯಲ್ಲ ಎಂದು ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ.