Home ದಾವಣಗೆರೆ ಯೋಗಿ ಆದಿತ್ಯನಾಥ್ ಮೂಲ ಮತ್ತು ಕುಟುಂಬದ ಹಿನ್ನೆಲೆ: ಸಾಧಾರಣ ಜೀವನ ನಡೆಸುತ್ತಿರುವ ಕುಟುಂಬ ವರ್ಗ, ತಾಯಿ ಸಾವಿತ್ರಿ ದೇವಿ ನಿಧನದ ಬಳಿಕ ಮುನ್ನೆಲೆಗೆ ಬಂದ ಪಂಚೂರ್ ಗ್ರಾಮ!
ದಾವಣಗೆರೆನವದೆಹಲಿಬೆಂಗಳೂರು

ಯೋಗಿ ಆದಿತ್ಯನಾಥ್ ಮೂಲ ಮತ್ತು ಕುಟುಂಬದ ಹಿನ್ನೆಲೆ: ಸಾಧಾರಣ ಜೀವನ ನಡೆಸುತ್ತಿರುವ ಕುಟುಂಬ ವರ್ಗ, ತಾಯಿ ಸಾವಿತ್ರಿ ದೇವಿ ನಿಧನದ ಬಳಿಕ ಮುನ್ನೆಲೆಗೆ ಬಂದ ಪಂಚೂರ್ ಗ್ರಾಮ!

Share
ಪಂಚೂರ್
Share

ಡೆಹ್ರಾಡೂನ್/ಲಕ್ನೋ: ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ತಾಯಿ ಸಾವಿತ್ರಿ ದೇವಿ (91) ನಿಧನದ ಬೆನ್ನಲ್ಲೇ, ಉತ್ತರಾಖಂಡದ ಪೌರಿ ಗಢ್ವಾಲ್ ಜಿಲ್ಲೆಯ ಪಂಚೂರ್ ಗ್ರಾಮದಲ್ಲಿರುವ ಅವರ ಕುಟುಂಬದ ಹಿನ್ನೆಲೆ ಮತ್ತೊಮ್ಮೆ ರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಸಿಎಂ ಯೋಗಿ ಆದಿತ್ಯನಾಥ್ ದೇಶದ ಪ್ರಮುಖ ರಾಜಕೀಯ ನಾಯಕರಾಗಿದ್ದರೂ, ಅವರ ಕುಟುಂಬವರ್ಗವು ರಾಜಕೀಯ ಪ್ರಭಾವದಿಂದ ದೂರವಿಳಿದು ಅತ್ಯಂತ ಸಾಧಾರಣ ಜೀವನ ನಡೆಸುತ್ತಿರುವುದು ವಿಶೇಷವಾಗಿದೆ.

ಅಜಯ್ ಸಿಂಗ್ ಬಿಶ್ತ್ ಎಂಬ ಹೆಸರಿನೊಂದಿಗೆ 1972ರ ಜೂನ್ 5ರಂದು ಜನಿಸಿದ ಯೋಗಿ ಆದಿತ್ಯನಾಥ್, ಗೋರಖ್‌ನಾಥ ಮಠದ ಗುರು ಮಹಂತ್ ಅವೈದ್ಯನಾಥ್ ಅವರ ಪ್ರಭಾವದಿಂದ ಸನ್ಯಾಸತ್ವ ಸ್ವೀಕರಿಸಿ ರಾಜಕೀಯಕ್ಕೆ ಪ್ರವೇಶಿಸಿದರು. ಇವರ ತಂದೆ ದಿವಂಗತ ಆನಂದ್ ಸಿಂಗ್ ಬಿಶ್ತ್ ಅರಣ್ಯ ಇಲಾಖೆಯಲ್ಲಿ ರೇಂಜರ್ ಆಗಿ ಸೇವೆ ಸಲ್ಲಿಸಿ ನಿವೃತ್ತರಾಗಿದ್ದರು.

ಕುಟುಂಬದ ಹಿನ್ನೆಲೆ: ಯೋಗಿ ಆದಿತ್ಯನಾಥ್ ಅವರು ನಾಲ್ವರು ಸಹೋದರರು ಹಾಗೂ ಮೂವರು ಸಹೋದರಿಯರು ಸೇರಿದಂತೆ ಒಟ್ಟು ಏಳು ಮಕ್ಕಳ ಕುಟುಂಬದಿಂದ ಬಂದವರು.

ಸಹೋದರರ ವೃತ್ತಿಜೀವನ: ಹಿರಿಯ ಸಹೋದರ ಮನ್ವೇಂದ್ರ ಮೋಹನ್ ಕಾಲೇಜಿನಲ್ಲಿ ಕೆಲಸ ಮಾಡುತ್ತಿದ್ದರೆ, ಕಿರಿಯ ಸಹೋದರ ಶೈಲೇಂದ್ರ ಮೋಹನ್ ಭಾರತೀಯ ಸೇನೆಯಲ್ಲಿ ಸುಬೆದಾರರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಮತ್ತೊಬ್ಬ ಸಹೋದರ ಮಹೇಂದ್ರ ಮೋಹನ್ ಶಾಲೆಯೊಂದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಸಹೋದರಿ ಶಶಿ ಪಾಯಲ್: ಉತ್ತರಾಖಂಡದ ಮತಾ ಭುವನೇಶ್ವರಿ ದೇವಾಲಯದ ಬಳಿ ಸಣ್ಣದೊಂದು ಅಂಗಡಿ ನಡೆಸಿ ಚಹಾ, ತಿಂಡಿ ಹಾಗೂ ಪೂಜಾ ಸಾಮಗ್ರಿಗಳನ್ನು ಮಾರಾಟ ಮಾಡುವ ಮೂಲಕ ಸ್ವಾವಲಂಬಿ ಜೀವನ ನಡೆಸುತ್ತಿದ್ದಾರೆ.

ರಾಜಕೀಯದಿಂದ ದೂರ: ಸಿಎಂ ಯೋಗಿ ಅವರ ಕುಟುಂಬದ ಸದಸ್ಯರು ಯಾವುದೇ ಅಧಿಕಾರ ಅಥವಾ ರಾಜಕೀಯ ಪ್ರಭಾವವಿಲ್ಲದೆ, ಅತ್ಯಂತ ಸರಳ ಬದುಕುಕಟ್ಟಿಕೊಂಡಿದ್ದಾರೆ.

2020ರಲ್ಲಿ ಕೋವಿಡ್ ಲಾಕ್‌ಡೌನ್ ಕಠಿಣ ನಿಯಮಗಳಿದ್ದ ಕಾರಣ, ತಂದೆ ಆನಂದ್ ಸಿಂಗ್ ಬಿಶ್ತ್ ನಿಧನದ ಅಂತಿಮ ಸಂಸ್ಕಾರಕ್ಕೂ ಸಿಎಂ ಯೋಗಿ ಆದಿತ್ಯನಾಥ್ ತೆರಳಿರಲಿಲ್ಲ. “ಉತ್ತರ ಪ್ರದೇಶದ ಜನತೆಯೇ ನನ್ನ ಕುಟುಂಬ” ಎಂದು ಘೋಷಿಸಿರುವ ಯೋಗಿ ಆದಿತ್ಯನಾಥ್, ತಮ್ಮ ಸಾರ್ವಜನಿಕ ಜವಾಬ್ದಾರಿಗೆ ಹೆಚ್ಚಿನ ಆದ್ಯತೆ ನೀಡುತ್ತಾ ಬಂದಿದ್ದಾರೆ.

Share

Recent Posts

Recent Comments

No comments to show.
Related Articles