No products in the cart.

Home ದಾವಣಗೆರೆ ಸಜ್ಜಾಗುತ್ತಿದೆ ಸಿರಿಗೆರೆ: ಶಿವಕುಮಾರ ಶಿವಾಚಾರ್ಯ ಮಹಾಸ್ವಾಮಿಗಳವರ ಶ್ರದ್ಧಾಂಜಲಿ ಮಹಾಪರ್ವಕ್ಕೆ: 5 ಸಾವಿರ ಆಸನಗಳ ವ್ಯವಸ್ಥೆ, ದಾಸೋಹ–ಬಫೆ, ಕೃಷಿ–ಸಾಹಿತ್ಯ ಮಳಿಗೆಗಳಿಂದ ಭಕ್ತರ ಸೇವೆಗೆ ಸರ್ವಸಿದ್ಧತೆ

ದಾವಣಗೆರೆ ಬೆಂಗಳೂರು

ಸಜ್ಜಾಗುತ್ತಿದೆ ಸಿರಿಗೆರೆ: ಶಿವಕುಮಾರ ಶಿವಾಚಾರ್ಯ ಮಹಾಸ್ವಾಮಿಗಳವರ ಶ್ರದ್ಧಾಂಜಲಿ ಮಹಾಪರ್ವಕ್ಕೆ: 5 ಸಾವಿರ ಆಸನಗಳ ವ್ಯವಸ್ಥೆ, ದಾಸೋಹ–ಬಫೆ, ಕೃಷಿ–ಸಾಹಿತ್ಯ ಮಳಿಗೆಗಳಿಂದ ಭಕ್ತರ ಸೇವೆಗೆ ಸರ್ವಸಿದ್ಧತೆ

YogarajUpdated 49 minutes Ago1 Mins read17

ಸಿರಿಗೆರೆ: ಲಿಂಗೈಕ್ಯ ಶ್ರೀ ಶಿವಕುಮಾರ ಶಿವಾಚಾರ್ಯ ಮಹಾಸ್ವಾಮಿಗಳವರ 35ನೇ ಶ್ರದ್ಧಾಂಜಲಿ ಕಾರ್ಯಕ್ರಮವನ್ನು ಭಕ್ತಿಭಾವ, ಶಿಸ್ತು ಹಾಗೂ ಅಚ್ಚುಕಟ್ಟಾದ ವ್ಯವಸ್ಥೆಯೊಂದಿಗೆ ನಡೆಸಲು ಸಿರಿಗೆರೆಯಲ್ಲಿ ಸಿದ್ಧತೆಗಳು ಭರದಿಂದ ಸಾಗುತ್ತಿವೆ. ಸೆ.22ರಿಂದ ಆರಂಭಗೊಳ್ಳಲಿದ್ದು ಎಲ್ಲಾ ಸಿದ್ಧತೆ ಮಾಡಿಕೊಳ್ಳಲಾಗಿದೆ.

ರಾಜ್ಯದ ವಿವಿಧ ಭಾಗಗಳಿಂದ ಅಪಾರ ಸಂಖ್ಯೆಯಲ್ಲಿ ಭಕ್ತರು ಆಗಮಿಸುವ ನಿರೀಕ್ಷೆಯ ಹಿನ್ನೆಲೆಯಲ್ಲಿ, ಕಾರ್ಯಕ್ರಮದ ಯಶಸ್ವಿ ನಿರ್ವಹಣೆಗೆ ಅಗತ್ಯವಾದ ಆಸನ, ಅನ್ನದಾಸೋಹ, ಕುಡಿಯುವ ನೀರು, ವೀಕ್ಷಣೆ ಹಾಗೂ ಇತರ ಮೂಲಸೌಕರ್ಯಗಳ ವ್ಯವಸ್ಥೆ ಕೈಗೊಳ್ಳಲಾಗುತ್ತಿದೆ.

10 ಸಾವಿರ ಭಕ್ತರಿಗೆ ಆಸನ: ಎಲ್ಲೆಡೆಯಿಂದಲೂ ಕಾರ್ಯಕ್ರಮ ವೀಕ್ಷಣೆಗೆ ವ್ಯವಸ್ಥೆ

ಶ್ರದ್ಧಾಂಜಲಿ ಸಭಾ ಕಾರ್ಯಕ್ರಮವನ್ನು ವೀಕ್ಷಿಸಲು ಆಗಮಿಸುವ ಭಕ್ತರಿಗಾಗಿ ಸುಮಾರು 10 ಸಾವಿರ ಆಸನಗಳ ವ್ಯವಸ್ಥೆ ಮಾಡಲಾಗಿದೆ. ಸಭಾ ಸ್ಥಳದಲ್ಲಿ ಎಲ್ಲ ಭಕ್ತರಿಗೂ ಕಾರ್ಯಕ್ರಮ ಸುಗಮವಾಗಿ ಗೋಚರಿಸುವಂತೆ ಅಗತ್ಯ ವ್ಯವಸ್ಥೆ ರೂಪಿಸಲಾಗುತ್ತಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವ ಭಕ್ತರ ಅನುಕೂಲಕ್ಕಾಗಿ ಎಲ್‌ಇಡಿ ಪರದೆಗಳನ್ನೂ ಅಳವಡಿಸಲಾಗುತ್ತಿದೆ.

ಮುಖ್ಯ ವೇದಿಕೆಯಿಂದ ದೂರದಲ್ಲಿ ಕುಳಿತುಕೊಳ್ಳುವ ಭಕ್ತರೂ ಕಾರ್ಯಕ್ರಮದ ವಿಚಾರಗಳನ್ನು ಸ್ಪಷ್ಟವಾಗಿ ಆಲಿಸಿ, ವೀಕ್ಷಿಸಲು ಸಾಧ್ಯವಾಗುವಂತೆ ವ್ಯವಸ್ಥೆ ಮಾಡುತ್ತಿರುವುದು ಕಾರ್ಯಕ್ರಮದ ಸುವ್ಯವಸ್ಥಿತ ನಿರ್ವಹಣೆಗೆ ಸಾಕ್ಷಿಯಾಗಿದೆ.

ಅನ್ನದಾಸೋಹದ ಮೂಲಕ ಭಕ್ತಸೇವೆ

ಶ್ರದ್ಧಾಂಜಲಿ ಕಾರ್ಯಕ್ರಮಕ್ಕೆ ಆಗಮಿಸುವ ಭಕ್ತರ ಅನ್ನದಾಸೋಹಕ್ಕೂ ವಿಶೇಷ ಆದ್ಯತೆ ನೀಡಲಾಗಿದೆ. ಸುಮಾರು 5ಸಾವಿರ ಭಕ್ತರಿಗೆ ದಾಸೋಹದ ವ್ಯವಸ್ಥೆ, ಮತ್ತೂ 5 ಸಾವಿರ ಭಕ್ತರಿಗೆ ಬಫೆ ವ್ಯವಸ್ಥೆ ಕಲ್ಪಿಸಲಾಗುತ್ತಿದೆ.

ಗುರುಪರಂಪರೆಯ ಸೇವಾ ಸಂಸ್ಕೃತಿಯಲ್ಲಿ ಅನ್ನದಾಸೋಹಕ್ಕೆ ವಿಶೇಷ ಸ್ಥಾನವಿದ್ದು, ಕಾರ್ಯಕ್ರಮಕ್ಕೆ ಆಗಮಿಸುವ ಭಕ್ತರಿಗೆ ಯಾವುದೇ ಅಸೌಕರ್ಯವಾಗದಂತೆ ಆಹಾರ ಹಾಗೂ ಕುಡಿಯುವ ನೀರಿನ ವ್ಯವಸ್ಥೆಗಳನ್ನು ಸಮರ್ಪಕವಾಗಿ ರೂಪಿಸಲಾಗುತ್ತಿದೆ.