ತಪ್ಪಿಗೆ ಸಮರ್ಥನೆಯಿಲ್ಲ, ಕ್ಷಮೆ ಕೇಳುತ್ತೇನೆ: ಎನ್‌ವಿಡಿಯಾ ಸಿಇಒ ಜೆನ್ಸನ್ ಹುವಾಂಗ್ ಚೀನಾ ಗೂಢಚಾರಿ ಜತೆಗಿನ ಅಕ್ರಮ ಸಂಬಂಧ ಒಪ್ಪಿಗೆ ಬಳಿಕ ಸ್ಪಷ್ಟನೆ!

ವಾಷಿಂಗ್ಟನ್: ವಿಶ್ವದ ಪ್ರಮುಖ ಕೃತಕ ಬುದ್ಧಿಮತ್ತೆ ಚಿಪ್ ದೈತ್ಯ ‘ಎನ್‌ವಿಡಿಯಾ’ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ  ಜೆನ್ಸನ್ ಹುವಾಂಗ್, ಚೀನಾದ ಗುಪ್ತಚರ ಸಂಸ್ಥೆಯ ಗುರಿಯಾಗಿದ್ದ ಚೀನಾ ಮೂಲದ ಉದ್ಯಮಿ ಮಹಿಳೆ ಆಲಿಸ್ ಹುವಾಂಗ್ ಅವರೊಂದಿಗಿನ ಅಕ್ರಮ ಸಂಬಂಧವನ್ನು ಬಹಿರಂಗವಾಗಿ ಒಪ್ಪಿಕೊಂಡಿದ್ದಾರೆ.

ತಮ್ಮ ತಪ್ಪಿಗೆ ಯಾವುದೇ ಸಮರ್ಥನೆ ಇಲ್ಲ ಎಂದು ತಿಳಿಸಿರುವ ಅವರು, ತಮ್ಮ ಕುಟುಂಬ ಹಾಗೂ ಕಂಪನಿಯ ಸಿಬ್ಬಂದಿಗೆ ಕ್ಷಮೆಯಾಚಿಸಿದ್ದಾರೆ. ಈ ಬೆಳವಣಿಗೆಯ ಬೆನ್ನಲ್ಲೇ ಎನ್‌ವಿಡಿಯಾ ಮಂಡಳಿಯು ಸ್ವತಂತ್ರ ತನಿಖೆಗೆ ಆದೇಶಿಸಿದೆ.

ಅಮೆರಿಕದ ಗುಪ್ತಚರ ಅಧಿಕಾರಿಗಳು ಚೀನಾ ಪರವಾಗಿ ಗೂಢಚರ್ಯೆ ನಡೆಸುತ್ತಿದ್ದಾರೆಂದು ಶಂಕಿಸಿರುವ ಆಲಿಸ್ ಹುವಾಂಗ್ ಜತೆಗಿನ ನಂಟು ರಾಷ್ಟ್ರೀಯ ಭದ್ರತೆಯ ಗಂಭೀರ ಕಳಕಳಿಗೆ ಕಾರಣವಾಗಿದೆ. ಈ ಕುರಿತು ಎನ್‌ವಿಡಿಯಾ ಸ್ವತಂತ್ರ ನಿರ್ದೇಶಕರ ಸಮಿತಿ ಮತ್ತು ಬಾಹ್ಯ ಕಾನೂನು ಸಲಹೆಗಾರರ ​​ಮೂಲಕ ಸಮಗ್ರ ತನಿಖೆ ನಡೆಸಲಾಗುತ್ತಿದೆ.

ಅಕ್ರಮ ಸಂಬಂಧದ ಒಪ್ಪಿಗೆ: ನನ್ನ ತಪ್ಪಿಗೆ ಯಾವುದೇ ಕ್ಷಮೆಯಿಲ್ಲ, ಇದರಿಂದ ನನ್ನ ಪತ್ನಿ ಹಾಗೂ ಮಕ್ಕಳಿಗೆ ನೋವಾಗಿದೆ ಎಂದು ಸಿಇಒ ಜೆನ್ಸನ್ ಹುವಾಂಗ್ ನೌಕರರಿಗೆ ಕಳುಹಿಸಿದ ಸಂದೇಶದಲ್ಲಿ ತಿಳಿಸಿದ್ದಾರೆ.

ಸ್ವತಂತ್ರ ತನಿಖೆ ಆರಂಭ: ಕಂಪನಿಯ ಮಂಡಳಿಯು ಈ ಬಗ್ಗೆ ಸ್ವತಂತ್ರ ತನಿಖೆಗೆ ಮುಂದಾಗಿದ್ದು, ರಾಷ್ಟ್ರೀಯ ಭದ್ರತೆ ಅಥವಾ ರಹಸ್ಯಗಳಿಗೆ ಯಾವುದೇ ಧಕ್ಕೆಯಾಗಿಲ್ಲ ಎಂದು ಪ್ರಾಥಮಿಕವಾಗಿ ತಿಳಿಸಿದೆ.

ಅಮೆರಿಕ ಸಂಸತ್ತಿನ ಗಮನ: ಯುಎಸ್ ರಾಷ್ಟ್ರೀಯ ಭದ್ರತೆ ಹಾಗೂ ರಫ್ತು ನಿಯಮಗಳ ಉಲ್ಲಂಘನೆ ಕುರಿತು ತನಿಖೆ ನಡೆಸಲು ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಸದಸ್ಯರು ಜೆನ್ಸನ್ ಹುವಾಂಗ್ ಅವರಿಗೆ ಸಮನ್ಸ್ ನೀಡಲು ಮುಂದಾಗಿದ್ದಾರೆ.

ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದಂತೆ ಯಾವುದೇ ರಹಸ್ಯಗಳು ಸೋರಿಕೆಯಾಗಿಲ್ಲ ಎಂದು ಕಂಪನಿ ಸ್ಪಷ್ಟಪಡಿಸಿದ್ದರೂ, ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ತಂತ್ರಜ್ಞಾನ ಹಾಗೂ ಜಾಗತಿಕ ಮಾರುಕಟ್ಟೆಯಲ್ಲಿ ಈ ತನಿಖೆ ಭಾರೀ ಸಂಚಲನ ಸೃಷ್ಟಿಸಿದೆ.