ಸ್ವಾತಂತ್ರ್ಯ ದಿನಾಚರಣೆ 2026: ರೈತರಿಗೆ ಪ್ರಧಾನಿ ಮೋದಿ ಬಿಗ್ ಆಫರ್: ಯೂರಿಯಾ, DAPಗೆ ಭಾರೀ ಸಬ್ಸಿಡಿ!

ನವದೆಹಲಿ: 79 ನೇ ಸ್ವಾತಂತ್ರ್ಯ ದಿನಾಚರಣೆಯ ಶುಭ ಸಂದರ್ಭದಲ್ಲಿ ನವದೆಹಲಿಯ ಐತಿಹಾಸಿಕ ಕೆಂಪುಕೋಟೆಯ ಮೇಲಿಂದ ದೇಶವನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಮಂತ್ರಿ ನರೇಂದ್ರ ಮೋದಿ, ದೇಶದ ರೈತರಿಗೆ ಬಿಗ್ ರಿಲೀಫ್ ನೀಡುವ ಪ್ರಮುಖ ಘೋಷಣೆ ಮಾಡಿದ್ದಾರೆ.

ಜಾಗತಿಕ ಮಟ್ಟದಲ್ಲಿ ರಸಗೊಬ್ಬರಗಳ ಬೆಲೆ ಗಗನಕ್ಕೇರುತ್ತಿದ್ದರೂ, ಭಾರತದ ರೈತರ ಮೇಲೆ ಅದರ ಬಿಸಿ ತಟ್ಟದಂತೆ ಕೇಂದ್ರ ಸರ್ಕಾರ ಸಬ್ಸಿಡಿ ನೀಡುತ್ತಿದೆ ಎಂದು ಅವರು ತಿಳಿಸಿದರು.

ಯೂರಿಯಾ ಮತ್ತು DAP ಮೇಲಿನ ಸಬ್ಸಿಡಿ ವಿವರ:

ಯೂರಿಯಾ (Urea): ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಒಂದು ಚೀಲ ಯೂರಿಯಾ ಬೆಲೆ ಸುಮಾರು ₹3,000 ಇದೆ. ಆದರೆ, ಭಾರತ ಸರ್ಕಾರವು ಅದನ್ನು ನಮ್ಮ ರೈತರಿಗೆ ಕೇವಲ ₹300 ಕ್ಕೆ ಒದಗಿಸುತ್ತಿದೆ.

ಡಿಎಪಿ (DAP): ಜಾಗತಿಕವಾಗಿ ಡಿಎಪಿ ರಸಗೊಬ್ಬರದ ಬೆಲೆ ₹5,000 ತಲುಪಿದೆ. ಆದಾಗ್ಯೂ, ಭಾರತೀಯ ರೈತರಿಗೆ ಇದನ್ನು ₹1,350 ಕ್ಕೆ ವಿತರಿಸಲಾಗುತ್ತಿದೆ.

“ಜಾಗತಿಕ ಸವಾಲುಗಳು ಮತ್ತು ಯುದ್ಧ ಪರಿಸ್ಥಿತಿಗಳ ನಡುವೆಯೂ ಭಾರತವು ತನ್ನದೇ ಆದ ಸ್ವಾವಲಂಬನೆಯ ಶಕ್ತಿಯಿಂದ ಮುಂದೆ ಸಾಗುತ್ತಿದೆ. ನಮ್ಮ ಸರ್ಕಾರವು ರೈತರ ಹಿತರಕ್ಷಣೆಗೆ ಸದಾ ಬದ್ಧವಾಗಿದೆ” ಎಂದು ಪ್ರಧಾನಿ ಮೋದಿ ತಮ್ಮ ಭಾಷಣದಲ್ಲಿ ಪ್ರತಿಪಾದಿಸಿದರು.