21 ವರ್ಷದ ಕಾಲೇಜು ವಿದ್ಯಾರ್ಥಿನಿ ಅನನ್ಯ ಅಗರ್ವಾಲ್ ಆರಂಭಿಸಿದ ಕೆಫೆ 50 ದಿನಗಳಲ್ಲಿ ಗಳಿಸಿತು 15 ಲಕ್ಷ ರೂ.!

ಗುರುಗ್ರಾಮ: ಸಾಮಾನ್ಯವಾಗಿ ಕಾಲೇಜು ವಿದ್ಯಾರ್ಥಿಗಳು ಅಸೈನ್‌ಮೆಂಟ್‌ಗಳು, ಪರೀಕ್ಷೆಗಳು ಹಾಗೂ ಮೊದಲ ಉದ್ಯೋಗದ ಹುಡುಕಾಟದಲ್ಲಿ ನಿರತರಾಗಿರುತ್ತಾರೆ. ಆದರೆ, 21 ವರ್ಷದ ಮ್ಯಾನೇಜ್‌ಮೆಂಟ್ ವಿದ್ಯಾರ್ಥಿನಿ ಅನನ್ಯ ಅಗರ್ವಾಲ್ ಮಾತ್ರ ತನ್ನ ಓಕ್ಜಿನ ಜೊತೆಜೊತೆಗೆ ಸ್ವಂತ ಉದ್ಯಮವೊಂದನ್ನು ಕಟ್ಟಿ ಗಮನ ಸೆಳೆದಿದ್ದಾರೆ.

ಹರಿಯಾಣದ ಗುರುಗ್ರಾಮದಲ್ಲಿ ಇವರು ಸಹ-ಸ್ಥಾಪಿಸಿರುವ ‘ಲ್ಯೂಮ್ & ಲೈಮ್’ ಸಸ್ಯಹಾರಿ ಕೆಫೆಯು ಆರಂಭವಾದ ಕೇವಲ 50 ದಿನಗಳಲ್ಲಿ ಬರೋಬ್ಬರಿ 15 ಲಕ್ಷ ರೂಪಾಯಿ ಆದಾಯ ಗಳಿಸುವ ಮೂಲಕ ವ್ಯಾಪಾರಲೋಕದಲ್ಲಿ ಸಂಚಲನ ಮೂಡಿಸಿದೆ.

ಮ್ಯಾನೇಜ್‌ಮೆಂಟ್ ಪದವಿಯ ಅಂತಿಮ ವರ್ಷದಲ್ಲಿರುವ ಅನನ್ಯ, ತಂದೆ-ತಾಯಿಗಳಾದ ಡಾ. ವಿಶಾಲ್ ಅಗರ್ವಾಲ್ ಹಾಗೂ ಪ್ರೀತಿ ಅಗರ್ವಾಲ್ ಅವರ ಸಹಯೋಗದೊಂದಿಗೆ ಈ ಉದ್ಯಮ ಆರಂಭಿಸಿದ್ದಾರೆ. ವಿದೇಶಿ ತಿನಿಸುಗಳನ್ನು ಭಾರತೀಯ ಶೈಲಿಗೆ ವಿಪರೀತವಾಗಿ ಬದಲಾಯಿಸದೆ, ಅವುಗಳ ಅಪ್ಪಟ ಸ್ವಾದವನ್ನು ಗ್ರಾಹಕರಿಗೆ ತಲುಪಿಸಬೇಕು ಎಂಬ ಉದ್ದೇಶದಿಂದ ಇಟಾಲಿಯನ್, ಮೆಕ್ಸಿಕನ್ ಹಾಗೂ ಮೆಡಿಟರೇನಿಯನ್ ಶೈಲಿಯ ಆಹಾರ ಪದಾರ್ಥಗಳನ್ನು ಈ ಕೆಫೆಯಲ್ಲಿ ಪರಿಚಯಿಸಲಾಗಿದೆ. ತಂದೆಯ 10 ವರ್ಷಗಳ ವ್ಯವಹಾರದ ಅನುಭವ ಹಾಗೂ ತನ್ನ ಶೈಕ್ಷಣಿಕ ಜ್ಞಾನವನ್ನು ಒಟ್ಟುಗೂಡಿಸಿ ಅನನ್ಯ ಈ ಯಶಸ್ಸು ಸಾಧಿಸಿದ್ದಾರೆ.

ಯುವ ಉದ್ಯಮಿ: 21 ವರ್ಷದ ಬ್ಯುಸಿನೆಸ್ ಮ್ಯಾನೇಜ್‌ಮೆಂಟ್ ವಿದ್ಯಾರ್ಥಿನಿ ಅನನ್ಯ ಅಗರ್ವಾಲ್ ಅವರಿಂದ ನವೀನ ಉದ್ಯಮ ಸಾಹಸ.

ಅಸಾಧಾರಣ ಗಳಿಕೆ: ಗುರುಗ್ರಾಮದಲ್ಲಿ ಆರಂಭವಾದ ‘ಲ್ಯೂಮ್ & ಲೈಮ್’ ಸಸ್ಯಹಾರಿ ಕೆಫೆಗೆ ಕೇವಲ 50 ದಿನಗಳಲ್ಲಿ 15 ಲಕ್ಷ ರೂ. ಆದಾಯ.

ವಿಶೇಷ ಮೆನು: ಇಟಾಲಿಯನ್, ಮೆಕ್ಸಿಕನ್ ಹಾಗೂ ಮೆಡಿಟರೇನಿಯನ್ ಶೈಲಿಯ ಹ್ಯಾಂಡ್‌ಮೇಡ್ ಪಾಸ್ಟಾ, ಬ್ರಿಕ್-ಓವನ್ ಪಿಜ್ಜಾ ಮತ್ತು ಸ್ಪೆಷಾಲಿಟಿ ಕಾಫಿ ಲಭ್ಯ.

ಕುಟುಂಬದ ಬೆಂಬಲ: ತಂದೆ-ತಾಯಿಗಳ ಜತೆಗೂಡಿ ಈ ಸಾಹಸ ಮಾಡಿದ್ದು, ತರಗತಿಯ ಪಾಠಗಳನ್ನು ನೇರವಾಗಿ ವ್ಯವಹಾರದಲ್ಲಿ ಪ್ರಯೋಗಿಸುತ್ತಿದ್ದಾರೆ.

ಕಾಲೇಜಿನ ತರಗತಿಗಳಿಗೆ ಹಾಜರಾಗುತ್ತಲೇ, ಹೋಟೆಲ್ ನಿರ್ವಹಣೆ, ಬ್ರ್ಯಾಂಡಿಂಗ್ ಹಾಗೂ ವ್ಯವಹಾರದ ಜಬಾವ್ದಾರಿಗಳನ್ನು ಯಶಸ್ವಿಯಾಗಿ ನಿರ್ವಹಿಸುತ್ತಿರುವ ಅನನ್ಯ ಅವರ ಈ ಸಾಧನೆ ಇಂದಿನ ಯುವ ಪೀಳಿಗೆಗೆ ಮಾದರಿಯಾಗಿದೆ.