Home ದಾವಣಗೆರೆ ಚಿನ್ನದ ಬೆಲೆಯಲ್ಲಿ 15 ತಿಂಗಳ ಕನಿಷ್ಠ ಮಟ್ಟಕ್ಕೆ ಕುಸಿತ, ಬೆಳ್ಳಿ ಕೂಡ ₹1.48 ಲಕ್ಷಕ್ಕೆ ಇಳಿಕೆ! ಬೆಲೆ ಕುಸಿತಕ್ಕೆ ಅಸಲಿ ಕಾರಣವೇನು?
ದಾವಣಗೆರೆನವದೆಹಲಿಬೆಂಗಳೂರುಸಿನಿಮಾ

ಚಿನ್ನದ ಬೆಲೆಯಲ್ಲಿ 15 ತಿಂಗಳ ಕನಿಷ್ಠ ಮಟ್ಟಕ್ಕೆ ಕುಸಿತ, ಬೆಳ್ಳಿ ಕೂಡ ₹1.48 ಲಕ್ಷಕ್ಕೆ ಇಳಿಕೆ! ಬೆಲೆ ಕುಸಿತಕ್ಕೆ ಅಸಲಿ ಕಾರಣವೇನು?

Share
ಚಿನ್ನ
Share

ನವದೆಹಲಿ: ಅಮೆರಿಕದ ಫೆಡರಲ್ ರಿಸರ್ವ್‌ನ ಕಠಿಣ ನಿಲುವುಗಳು, ಏರಿಕೆಯಾಗುತ್ತಿರುವ ಟ್ರೇಸರಿ ಇಳುವರಿ (Treasury Yields) ಹಾಗೂ ಬಲಗೊಳ್ಳುತ್ತಿರುವ ಡಾಲರ್ ಮೌಲ್ಯದ ಪರಿಣಾಮವಾಗಿ ದೇಶೀಯ ಮಾರುಕಟ್ಟೆಯಲ್ಲಿ ಅಮೂಲ್ಯ ಲೋಹಗಳ ಬೆಲೆಯಲ್ಲಿ ಭಾರಿ ಕುಸಿತ ಕಂಡುಬಂದಿದೆ. ಶುಕ್ರವಾರ ಚಿನ್ನದ ದೇಶೀಯ ಫ್ಯೂಚರ್ಸ್ ಬೆಲೆಯು 10 ಗ್ರಾಂಗೆ ₹1.23 ಲಕ್ಷಕ್ಕಿಂತ ಕೆಳಗೆ ಕುಸಿದಿದ್ದು, ಬೆಳ್ಳಿಯು ಪ್ರತಿ ಕೆಜಿಗೆ ₹1.48 ಲಕ್ಷದ ಹತ್ತಿರಕ್ಕೆ ಜಾರಿದೆ.

ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್‌ನಲ್ಲಿ (MCX) ಡಿಸೆಂಬರ್ ಡೆಲಿವರಿ ಚಿನ್ನದ ಬೆಲೆಯು ಶೇ. 3.84ರಷ್ಟು ಅಂದರೆ ₹4,891 ಕುಸಿದು ಪ್ರತಿ 10 ಗ್ರಾಂಗೆ ₹1,22,561ಕ್ಕೆ ತಲುಪಿದೆ. ಇದು 2025ರ ಆಗಸ್ಟ್ ಬಳಿಕದ ಅತ್ಯಂತ ಕಡಿಮೆ ಮಟ್ಟವಾಗಿದೆ.

ಹಾಗೆಯೇ ಡಿಸೆಂಬರ್ ಡೆಲಿವರಿ ಬೆಳ್ಳಿಯ ಬೆಲೆಯು ಶೇ. 5.99ರಷ್ಟು ಅಂದರೆ ರೂ. 9,432 ಕುಸಿದು ಪ್ರತಿ ಕೆಜಿಗೆ ₹1,48,050ಕ್ಕೆ ತಲುಪಿದೆ. ಕಳೆದ ಕೆಲವು ಅವಧಿಗಳಿಂದ ನಿರಂತರವಾಗಿ ಕುಸಿತ ಕಾಣುತ್ತಿರುವ ಚಿನ್ನ ಮತ್ತು ಬೆಳ್ಳಿ ಮಾರುಕಟ್ಟೆಯಲ್ಲಿ ಹೂಡಿಕೆದಾರರಿಗೆ ಭಾರೀ ಆಘಾತ ಉಂಟುಮಾಡಿದೆ.

ಅಮೆರಿಕ ಫೆಡ್ ರಿಸರ್ವ್ ಕಠಿಣ ನಿಲುವು: ಹಣದುಬ್ಬರ ನಿಯಂತ್ರಣಕ್ಕಾಗಿ ಬಡ್ಡಿ ದರಗಳನ್ನು ಹೆಚ್ಚಿಸುವ ಸುಳಿವು ನೀಡಿರುವುದು ಚಿನ್ನದ ಮೇಲಿನ ಆಕರ್ಷಣೆಯನ್ನು ತಗ್ಗಿಸಿದೆ.

ಏರಿಕೆಯಾದ ಬಾಂಡ್ ಇಳುವರಿ: ಅಮೆರಿಕದ 10 ವರ್ಷಗಳ ಟ್ರೇಸರಿ ಇಳುವರಿಯು ಶೇ. 5ರ ಗಡಿ ದಾಟಿ ಮುಂದುವರಿದಿರುವುದು ಬಡ್ಡಿ ರಹಿತ ಆಸ್ತಿಯಾದ ಚಿನ್ನದ ಮೇಲಿನ ಹೂಡಿಕೆಗೆ ಹಿನ್ನಡೆಯಾಗಿದೆ.

ಬಲಗೊಂಡ ಯುಎಸ್ ಡಾಲರ್: ಡಾಲರ್ ಸೂಚ್ಯಂಕ ಬಲಗೊಳ್ಳುತ್ತಿರುವುದರಿಂದ ಜಾಗತಿಕ ಮಾರುಕಟ್ಟೆಯಲ್ಲಿ ಡಾಲರ್-ಮೌಲ್ಯದ ಅಮೂಲ್ಯ ಲೋಹಗಳು ದುಬಾರಿಯಾಗಿ ಪರಿಣಮಿಸಿವೆ.

ಭಾರಿ ನಷ್ಟ: ಕಳೆದ 9 ಸೆಷನ್‌ಗಳಲ್ಲಿ ಚಿನ್ನವು ಸುಮಾರು ಶೇ. 15ರಷ್ಟು ಕುಸಿದಿದ್ದರೆ, ಬೆಳ್ಳಿಯು ಕಳೆದ 7 ಸೆಷನ್‌ಗಳಲ್ಲಿ ಸುಮಾರು ಶೇ. 20ರಷ್ಟು ಭಾರಿ ಕುಸಿತ ಕಂಡಿದೆ.

Share
Related Articles