SUDDIKSHANA KANNADA NEWS/ DAVANAGERE/ DATE:10-06-2024
ದಾವಣಗೆರೆ: ಜಿಲ್ಲೆಯ ಗಾಣಿಗರ ಮಹಿಳಾ ಸಮಾಜದ ವತಿಯಿಂದ 2023 -2024 ಸಾಲಿನ ಎಸ್ ಎಸ್ ಎಲ್ ಸಿ ಮತ್ತು ಪಿಯುಸಿಯಲ್ಲಿ ಹೆಚ್ಚಿನ ಅಂಕ ಪಡೆದ ಸಮಾಜದ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ, ಗಾಣಿಗ ವಧು ವರರ ಸಮಾವೇಶ ಹಾಗೂ ದೇಸಾಯಿ ಚಿತ್ರ ನಿರ್ಮಾಪಕ ನಟ, ಮಹಾಂತೇಶ್ ಚೋಳಚ ಗುಡ್ಡ, ನಟ ಪ್ರವೀಣ್ ರವರನ್ನು ಗೌರವಿಸಿ ಸನ್ಮಾನಿಸಲಾಯಿತು.
ನಗರದ ನಿಜಲಿಂಗಪ್ಪ ಬಡಾವಣೆಯಲ್ಲಿನ ಶಾರದಂಬ ದೇವಸ್ಥಾನದ ಬಳಿಯ ಜಿಲ್ಲಾ ಗಾಣಿಗ ಸಮಾಜದ ಸಮಾಜದಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಸುಮಾರು 30ಕ್ಕೂ ಹೆಚ್ಚು ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ಪ್ರತಿಭಾ ಪುರಸ್ಕಾರ ನೀಡಲಾಯಿತು.
ವೇದಿಕೆಯಲ್ಲಿ ಚಿತ್ರದುರ್ಗದ ಉದ್ಯಮಿ ಸುರೇಶ್ ಬಾಬು, ಪ್ರಕಾಶ್ ಟಿವಿ ಉಪ ವಿಭಾಗಾಧಿಕಾರಿಗಳು, ಉತ್ತರ ಕರ್ನಾಟಕ ನೆಲ ಮೂಲ ಸಂಸ್ಕೃತಿ ಕತೆಯನ್ನು ಆಧರಿಸಿದ “ದೇಸಾಯಿ “ಚಿತ್ರ ನಟರಾದ ಪ್ರವೀಣ್, ನಿರ್ಮಾಪಕ, ನಟ ಮಹಾಂತೇಶ್ ಚೊಳಚಗುಡ್ಡ ಅತಿಥಿಗಳಾಗಿ ಪಾಲ್ಗೊಂಡಿದ್ದರು.
ದಾವಣಗೆರೆ ಜಿಲ್ಲಾ ಮಹಿಳಾ ಗಾಣಿಗರ ಸಂಘದ ಅಧ್ಯಕ್ಷೆ ಉಮಾ ವೀರಭದ್ರಪ್ಪ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಗಾಣಿಗ ಸಮಾಜದ ಮುಖಂಡರು ಹಿರಿಯರು, ಗಾಣಿಗ ಸಂಘದ ಸದಸ್ಯರು, ಪದಾಧಿಕಾರಿಗಳು, ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು, ಪ್ರತಿವರ್ಷ ಕೂಡ ಸಮಾಜದ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಪ್ರದಾನ ಮಾಡುವ ಕಾರ್ಯಕ್ರಮ ನಡೆಸಿಕೊಂಡು ಬರಲಾಗುತ್ತಿದೆ.