SUDDIKSHANA KANNADA NEWS/ DAVANAGERE/ DATE-10-05-2025
ದಾವಣಗೆರೆ: ದಾವಣಗೆರೆ ಜಿಎಂ ವಿವಿ ಆವರಣದ ಆಂಪಿಥಿಯೇಟರ್ ನಲ್ಲಿ ಆಯೋಜಿಸಿದ್ದ ಫ್ಯಾಷನ್ ಮಸ್ತ್ ಮಸ್ತ್ ಆಗಿತ್ತು. ಹುಲಿ ಕಾರ್ತಿಕ್ ತಂಡದ ಹಾಸ್ಯ ಕಾರ್ಯಕ್ರಮ ನೋಡುಗರಿಗೆ ರಸದೂಟ ನೀಡಿತು.
ಮಲ್ಲಿಕಾ ಉತ್ಸವದ ಅಂಗವಾಗಿ ಹಮ್ಮಿಕೊಳ್ಳಲಾಗಿದ್ದ ಪ್ಯಾಷನ್‌ ಮಸ್ತಿಯಲ್ಲಿ ಸುಮಾರು 6 ವಿವಿಧ ಕಾಲೇಜ್‌ಗಳ ವಿದ್ಯಾರ್ಥಿಗಳು 14 ತಂಡಗಳಾಗಿ ದೇವರುಗಳ ವೇಷ ಭೂಷಣ ಸೇರಿದಂತೆ ಸಾಂಸ್ಕೃತಿಕ ಕಲೆ ಬಿಂಬಿಸುವ ಉಡುಪುಗಳು ಮತ್ತು
ವಿಶೇಷ ವೇಷ ಭೂಷಣಗಳ ಪ್ರದರ್ಶಿಸುತ್ತಾ ಮಿಂಚಿದರು.
ಕ್ಲಾಸಿಕಲ್ ಡ್ಯಾನ್ಸ್ ಸೋಲೋ, ಮೈಮ್ಸ್‌, ಸೋಲೋ ಸಿಂಗಿಂಗ್ – ಫಿಲ್ಮಿ, ಮ್ಯಾಡ್‌ ಆಡ್ಸ್‌, ಗ್ರೂಪ್ ಡ್ಯಾನ್ಸ್ ಜಾನಪದ, ಪ್ರತಿಭಾ ಪ್ರದರ್ಶನವಿತ್ತು. ಈ ಉತ್ಸವದ ಅಂಗವಾಗಿ ರಂಗೋಲಿ, ಮೆಹಂದಿ, ಛಾಯಾಗ್ರಹಣ, ಚಿತ್ರಕಲೆ, ಸ್ಟ್ಯಾಂಡಪ್ ಹಾಸ್ಯ, ವಾದ್ಯ ನುಡಿಸುವಿಕೆ- ತಾಳವಾದ್ಯೇತರ, ವಾದ್ಯ ನುಡಿಸುವಿಕೆ- ತಾಳವಾದ್ಯ, ಸಂಗೀತ ಕೊಲಾಜ್, ಮುಖ ಚಿತ್ರಕಲೆ, ಸೃಜನಾತ್ಮಕ ಬರವಣಿಗೆ (ಕಾನ್ ಮತ್ತು ಇಂಗ್ಲಿಷ್), ಚರ್ಚೆ, ಏಕವ್ಯಕ್ತಿ ಗಾಯನ – ಭಾವಗೀತೆ, ಕಿರುಚಿತ್ರ ನಿರ್ಮಾಣ ಗಳಂತಹ ಪ್ರೀ ಇವೆಂಟ್ಸ್‌ಗಳನ್ನು ನಡೆಸಲಾಯಿತು.
ಈ ಅದ್ದೂರಿ ಸಮಾರಂಭವು ಇಂಟರ್ ಕಾಲೇಜ್ ಫೆಸ್ಟಿವಲ್ ಆಗಿದ್ದು, ಈ ಸಮಾರಂಭಕ್ಕೆ ದಾವಣಗೆರೆ ಸೇರಿದಂತೆ ಚಿತ್ರದುರ್ಗ, ಶಿವಮೊಗ್ಗ, ರಾಣೇಬೆನ್ನೂರಿನ, ಹಾವೇರಿ ಇಂಜಿನಿಯರಿಂಗ್‌ ಮತ್ತು ಪದವಿಯ ಪ್ರತಿಷ್ಠಿತ ಕಾಲೇಜುಗಳ ವಿದ್ಯಾರ್ಥಿಗಳು ಪಾಲ್ಗೊಂಡು ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಭಾಗವಹಿಸಿದ್ದರು.
ಹುಲಿ ಕಾರ್ತಿಕ್ ತಂಡದಿಂದ ಹಾಸ್ಯ ಸಂಜೆ : ವೇದಿಕೆ ಸಮಾರಂಭದಲ್ಲಿ ವಿಶೇಷವಾಗಿ ಮಜಾಭಾರತ ಖ್ಯಾತಿಯ ಹಾಸ್ಯ ನಟರಾದ ಹುಲಿ ಕಾರ್ತಿಕ್, ಜಗ್ಗಪ್ಪ ಮತ್ತು ಸುಶ್ಮಿತಾ ದಂಪತಿ ತಮ್ಮ ಹಾಸ್ಯದ ಸ್ಕಿಟ್‌ ಗಳ ಮೂಲಕ ನೆರೆದಿದ್ದವರಿಗೆ ನಗೆಯನ್ನು ತರಿಸಿ ರಂಜಿಸಿದರು.
