Home ಕ್ರೈಂ ನ್ಯೂಸ್ ಪುತ್ರಿಯರು, ಅಳಿಯನ ಜೊತೆ ಸೇರಿ ಅಮಾಯಕ ಪುರುಷರಿಗೆ ಗಾಳ: ಒಮ್ಮೆಯೂ ವಿಚ್ಚೇದನ ಪಡೆಯದೇ 5 ಮದುವೆಯಾಗಿ ವಂಚಿಸಿದ್ದ ಹಸೀನಾ ಬಂಡವಾಳ ಬಯಲುಗೊಳಿಸಿ 2 ವರ್ಷ ಜೈಲು ಶಿಕ್ಷೆ ವಿಧಿಸಿದ ಕೋರ್ಟ್!
ಕ್ರೈಂ ನ್ಯೂಸ್ದಾವಣಗೆರೆನವದೆಹಲಿಬೆಂಗಳೂರು

ಪುತ್ರಿಯರು, ಅಳಿಯನ ಜೊತೆ ಸೇರಿ ಅಮಾಯಕ ಪುರುಷರಿಗೆ ಗಾಳ: ಒಮ್ಮೆಯೂ ವಿಚ್ಚೇದನ ಪಡೆಯದೇ 5 ಮದುವೆಯಾಗಿ ವಂಚಿಸಿದ್ದ ಹಸೀನಾ ಬಂಡವಾಳ ಬಯಲುಗೊಳಿಸಿ 2 ವರ್ಷ ಜೈಲು ಶಿಕ್ಷೆ ವಿಧಿಸಿದ ಕೋರ್ಟ್!

Share
ಮದುವೆ
Share

ಭೋಪಾಲ್ (ಮಧ್ಯಪ್ರದೇಶ): ಒಮ್ಮೆಯೂ ವಿಚ್ಛೇದನ ಪಡೆಯದೆ, ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಬರೋಬ್ಬರಿ ಐದು ಮದುವೆಗಳನ್ನು ಮಾಡಿಕೊಂಡು ಅಮಾಯಕ ಪುರುಷರಿಗೆ ವಂಚಿಸುತ್ತಿದ್ದ ಚಾಲಾಕಿ ಮಹಿಳೆಯೊಬ್ಬಳ ಅಸಲಿ ಬಣ್ಣವನ್ನು ಭೋಪಾಲ್ ನ್ಯಾಯಾಲಯ ಬಯಲಿಗೆಳೆದಿದೆ.

ವಂಚನೆ ಪ್ರಕರಣದ ವಿಚಾರಣೆ ಪೂರ್ಣಗೊಳಿಸಿರುವ ನ್ಯಾಯಾಲಯ, ಅಪರಾಧಿ ಹಸೀನಾ ಎಂಬಾಕೆಗೆ 2 ವರ್ಷಗಳ ಕಠಿಣ ಕಾರಾಗೃಹ ಶಿಕ್ಷೆ ಹಾಗೂ ದಂಡ ವಿಧಿಸಿ ಮಹತ್ವದ ತೀರ್ಪು ಪ್ರಕಟಿಸಿದೆ.

ಈಕೆಯ ವಂಚನೆಯ ಜಾಲವನ್ನು ಕಂಡು ನ್ಯಾಯಾಲಯದಲ್ಲಿದ್ದ ವಕೀಲರು ಮತ್ತು ಪೊಲೀಸರೇ ಬೆಚ್ಚಿಬಿದ್ದಿದ್ದಾರೆ. ಆರೋಪಿ ಹಸೀನಾ ತನ್ನ ಪುತ್ರಿಯರು ಹಾಗೂ ಅಳಿಯನೊಂದಿಗೆ ಸೇರಿಕೊಂಡು ಅಮಾಯಕ ಪುರುಷರನ್ನು ಬಲೆಗೆ ಬೀಳಿಸಿಕೊಂಡು ವಿವಾಹವಾಗುವ ಮೂಲಕ ಹಣ ಹಾಗೂ ಆಸ್ತಿಗಾಗಿ ವಂಚಿಸುತ್ತಿದ್ದಳು ಎಂಬ ಗಂಭೀರ ಆರೋಪ ಸಾಬೀತಾಗಿದೆ. ಸಾಕ್ಷಾತ್ ನ್ಯಾಯಾಲಯದಲ್ಲೇ ವಕೀಲರೊಬ್ಬರಿಗೆ ಸುಳ್ಳು ಹೇಳಲು ಹೋದಾಗ ಈಕೆಯ ಬಂಡವಾಳ ಬಯಲಾಗಿದೆ.

ಐವರು ಪತಿಯರಿಗೆ ವಂಚನೆ: ಮೊದಲ ಪತಿ ಸಲ್ಮಾನ್ ತನಗೆ ಈಗಾಗಲೇ ವಿಚ್ಛೇದನ ನೀಡಿದ್ದಾನೆ ಎಂದು ನ್ಯಾಯಾಲಯದಲ್ಲಿ ಸುಳ್ಳು ಹೇಳಿ ಮತ್ತೊಂದು ಮದುವೆಯಾಗಿದ್ದಳು. ಆದರೆ ವಿಚಾರಣೆ ವೇಳೆ ಆಕೆ ಯಾರಿಗೂ ವಿಚ್ಛೇದನ ನೀಡದೆಯೇ ಶಂಶೇರ್, ಮತ್ಲೂಬ್, ಹಸನ್, ಸಲ್ಮಾನ್ ಮತ್ತು ಸಾಬಿರ್ ಎಂಬ ಐದು ಮಂದಿಯನ್ನು ಮದುವೆಯಾಗಿರುವುದು ಬಯಲಾಗಿದೆ.

ನಕಲಿ ದಾಖಲೆಗಳ ಸೃಷ್ಟಿ: ಮದುವೆ ಮತ್ತು ವಿಚ್ಛೇದನಕ್ಕೆ ಸಂಬಂಧಿಸಿದಂತೆ ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಕಾನೂನಿನ ಕಣ್ಣಿಗೆ ಮಣ್ಣೆರಚುತ್ತಿದ್ದ ಈಕೆಯ ಕೃತ್ಯವು ತನಿಖೆಯಿಂದ ದೃಢಪಟ್ಟಿದೆ.

ಸಾರ್ವಜನಿಕ ವಲಯದಲ್ಲಿ ಚರ್ಚೆ: ಅಮಾಯಕರ ಜೀವನದೊಂದಿಗೆ ಆಟವಾಡಿ ಐದು ಮದುವೆಯಾದ ಇಂತಹ ವಂಚಕರಿಗೆ ಕೇವಲ ಎರಡು ವರ್ಷಗಳ ಜೈಲು ಶಿಕ್ಷೆ ಸಾಕೇ ಅಥವಾ ಇನ್ನೂ ಕಠಿಣವಾದ ಶಿಕ್ಷೆ ವಿಧಿಸಬೇಕೇ ಎಂಬ ಚರ್ಚೆ ಸಾರ್ವಜನಿಕ ವಲಯದಲ್ಲಿ ಜೋರಾಗಿದೆ.

Share

Recent Posts

Recent Comments

No comments to show.
Related Articles