ಅಯೋಧ್ಯೆಯ ವೈದ್ಯಕೀಯ ಕಾಲೇಜಿನಲ್ಲಿ ಬಾಂಬ್ ಮತ್ತು ಸ್ಫೋಟಕ ತಯಾರಿಕೆಯ ದಾಖಲೆ ಪತ್ತೆ: ವೈದ್ಯಕೀಯ ವಿದ್ಯಾರ್ಥಿ ಸರ್ಫರಾಜ್ ಬಂಧನ!

ಅಯೋಧ್ಯೆ: ಅಯೋಧ್ಯೆಯ ‘ರಾಜರ್ಷಿ ದಶರಥ ಸ್ವಾಯತ್ತ ರಾಜ್ಯ ವೈದ್ಯಕೀಯ ಕಾಲೇಜಿನ’ ಎಕ್ಸ್‌-ರೇ (X-ray) ಕೊಠಡಿಯಲ್ಲಿ ಬಾಂಬ್ ಹಾಗೂ ಸ್ಫೋಟಕಗಳನ್ನು ತಯಾರಿಸುವ ವಿಧಾನ ಹೊಂದಿದ್ದ ಕೈಬರಹದ ದಾಖಲೆಯೊಂದು ಪತ್ತೆಯಾಗಿದೆ. ಈ ಘಟನೆಗೆ ಸಂಬಂಧಿಸಿದಂತೆ ಪ್ರಥಮ ವರ್ಷದ ವೈದ್ಯಕೀಯ ವಿದ್ಯಾರ್ಥಿ ಸರ್ಫರಾಜ್ ಎಂಬಾತನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ತನಿಖೆಯ ಪ್ರಮುಖ ವಿವರಗಳು:

ದಾಖಲೆಯ ವಿವರ: ಪತ್ತೆಯಾದ ದಾಖಲೆಯಲ್ಲಿ ನೈಟ್ರಿಕ್ ಆಸಿಡ್, ರೆಡ್ ಫಾಸ್ಫರಸ್, ಅಮೋನಿಯಂ ಕಾರ್ಬೋನೇಟ್ ಮುಂತಾದ ಸ್ಫೋಟಕ ರಾಸಾಯನಿಕಗಳ ಪಟ್ಟಿ ಇತ್ತು.

ವಿಚಾರಣೆ: ಎಕ್ಸ್‌-ರೇ ಕೊಠಡಿಯಲ್ಲಿ ರಾತ್ರಿ ಕರ್ತವ್ಯದಲ್ಲಿದ್ದ ಸರ್ಫರಾಜ್‌ನನ್ನು ವಶಕ್ಕೆ ಪಡೆಯಲಾಗಿದ್ದು, ಆತನ ಜೊತೆಯಲ್ಲಿದ್ದ ಮತ್ತಿಬ್ಬರು ವಿದ್ಯಾರ್ಥಿಗಳನ್ನು ಪೊಲೀಸರು ತೀವ್ರ ವಿಚಾರಣೆಗೆ ಒಳಪಡಿಸಿದ್ದಾರೆ.

ಭದ್ರತೆ ಹೆಚ್ಚಳ: ಘಟನೆಯ ಬೆನ್ನಲ್ಲೇ ಕಾಲೇಜು ಆಡಳಿತ ಮಂಡಳಿಯು ಪೋಲಿಸರಿಗೆ ದೂರು ನೀಡಿದ್ದು, ಕ್ಯಾಂಪಸ್‌ನಲ್ಲಿ ಭದ್ರತೆಯನ್ನು ತೀವ್ರಗೊಳಿಸಿದೆ. ಪೊಲೀಸರು ಎಲ್ಲ ಕೋನಗಳಿಂದಲೂ ತನಿಖೆ ನಡೆಸುತ್ತಿದ್ದಾರೆ.