ಪ್ರೇಮಿ ಜೊತೆ ಸಿಕ್ಕಿಬಿದ್ದಿದ್ದಕ್ಕೆ ಅಜ್ಜನ್ನೇ ಕೊಂದು ಬಾವಿಗೆ ಎಸೆದ ಮೊಮ್ಮಗಳು: ರಕ್ತದ ಕಲೆ ಹತ್ತಿದ್ದ ಬಟ್ಟೆಯಿಂದ ಹೊರಬಂತು ಕೊಲೆಯ ರಹಸ್ಯ!

ಝಾನ್ಸಿ (ಉತ್ತರ ಪ್ರದೇಶ): ಅನೈತಿಕ ಸಂಬಂಧದ ವಿಷಯ ಅಜ್ಜನಿಗೆ ತಿಳಿದು ಎಲ್ಲಿ ಸಮಾಜದಲ್ಲಿ ಮಾನ ಹರಿಯುತ್ತದೋ ಎಂಬ ಭಯದಿಂದ, ಸ್ವಂತ ಮೊಮ್ಮಗಳೇ ತನ್ನ ಪ್ರೇಮಿಯೊಂದಿಗೆ ಸೇರಿ ಅಜ್ಜನನ್ನು ಕ್ರೂರವಾಗಿ ಕೊಲೆ ಮಾಡಿ ಬಾವಿಗೆ ಎಸೆದಿರುವ ಆಘಾತಕಾರಿ ಘಟನೆ ಉತ್ತರ ಪ್ರದೇಶದ ಝಾನ್ಸಿ ಜಿಲ್ಲೆಯ ಚಿರಾಂಗಾಂವ್ ಪೊಲೀಸ್ ಠಾಣೆ ವ್ಯಾಪ್ತಿಯ ಛಿರೋನಾ ಗ್ರಾಮದಲ್ಲಿ ನಡೆದಿದೆ.

ಅಂತ್ಯಸಂಸ್ಕಾರ ಮುಗಿದ ನಂತರ ಮನೆಯನ್ನು ಸ್ವಚ್ಛಗೊಳಿಸುವಾಗ ಕಾಂಚನ್‌ನ ರಕ್ತದ ಕಲೆಯಾಗಿದ್ದ ಬಟ್ಟೆಗಳು ಕುಟುಂಬಸ್ಥರಿಗೆ ಸಿಕ್ಕಿವೆ. ಇದನ್ನು ಕಂಡು ಅನುಮಾನಗೊಂಡ ಸಂಬಂಧಿಕರು ಕಾಂಚನ್‌ನನ್ನು ತೀವ್ರ ವಿಚಾರಣೆಗೆ ಒಳಪಡಿಸಿದಾಗ, ಆಕೆ ಕೊಲೆಯಾಗಿದ್ದ ನಿಜಾಂಶವನ್ನು ಬಾಯ್ಬಿಟ್ಟಿದ್ದಾಳೆ. ತಕ್ಷಣವೇ ಕುಟುಂಬಸ್ಥರು ಪೊಲೀಸರಿಗೆ ದೂರು ನೀಡಿದ್ದಾರೆ. ಝಾನ್ಸಿ ಗ್ರಾಮಾಂತರ ಎಸ್‌ಪಿ ಅರವಿಂದ್ ಕುಮಾರ್ ನೇತೃತ್ವದಲ್ಲಿ ದಾಳಿ ನಡೆಸಿದ ಪೊಲೀಸರು ಇಬ್ಬರೂ ಆರೋಪಿಗಳನ್ನು ಬಂಧಿಸಿ, ಕೊಲೆಗೆ ಬಳಸಿದ್ದ ಕಲ್ಲನ್ನು ವಶಪಡಿಸಿಕೊಂಡಿದ್ದಾರೆ.