‘ನನ್ನ ಯೋಗ್ಯತೆ ಸಾಬೀತುಪಡಿಸುವ ಅಗತ್ಯವಿಲ್ಲ’: 2027ರ ವಿಶ್ವಕಪ್ ಬಗ್ಗೆ ಮೌನ ಮುರಿದ ವಿರಾಟ್ ಕೊಹ್ಲಿ!

ಬೆಂಗಳೂರು: ಟೀಮ್ ಇಂಡಿಯಾದ ಮಾಜಿ ನಾಯಕ ಹಾಗೂ ಬ್ಯಾಟಿಂಗ್ ದಿಗ್ಗಜ ವಿರಾಟ್ ಕೊಹ್ಲಿ ತಮ್ಮ ನಿವೃತ್ತಿ ಮತ್ತು 2027ರ ಏಕದಿನ ವಿಶ್ವಕಪ್ ಕುರಿತಾದ ಚರ್ಚೆಗಳಿಗೆ ಸ್ಪಷ್ಟನೆ ನೀಡಿದ್ದಾರೆ.

ಇತ್ತೀಚೆಗೆ ನಡೆದ ಆರ್‌ಸಿಬಿ ಪಾಡ್‌ಕ್ಯಾಸ್ಟ್‌ನಲ್ಲಿ ಮಾತನಾಡಿದ ಅವರು, “ನನ್ನ ಶ್ರಮ ಮತ್ತು ಸಿದ್ಧತೆಯನ್ನು ಮೀರಿ ಪ್ರತಿ ಬಾರಿಯೂ ನನ್ನ ಯೋಗ್ಯತೆಯನ್ನು ಸಾಬೀತುಪಡಿಸಬೇಕಾದ ಅನಿವಾರ್ಯತೆ ಇರುವ ಜಾಗದಲ್ಲಿ ಇರಲು ನನಗೆ ಆಸಕ್ತಿಯಿಲ್ಲ” ಎಂದು ಮಾರ್ಮಿಕವಾಗಿ ಹೇಳಿದ್ದಾರೆ.

ಕೊಹ್ಲಿ ಪ್ರದರ್ಶನ – 2026)

37 ವರ್ಷದ ಕೊಹ್ಲಿ ಈಗಾಗಲೇ ಟಿ20 ಮತ್ತು ಟೆಸ್ಟ್ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದು, ಸದ್ಯ ಏಕದಿನ ಕ್ರಿಕೆಟ್‌ನಲ್ಲಿ ಮಾತ್ರ ಮುಂದುವರಿಯುತ್ತಿದ್ದಾರೆ. “ನಾನು ತಂಡಕ್ಕೆ ಮೌಲ್ಯ ತರುತ್ತೇನೆ ಎನಿಸಿದರೆ ಮತ್ತು ಆ ತಂಡದ ವಾತಾವರಣ ನನ್ನನ್ನು ಗೌರವಿಸಿದರೆ ಮಾತ್ರ ನಾನು ಅಲ್ಲಿ ಕಾಣಿಸಿಕೊಳ್ಳುತ್ತೇನೆ ಎಂದು ತಿಳಿಸಿದರು.

ನನ್ನ ಶಿಸ್ತು ಮತ್ತು ಸಿದ್ಧತೆಯಲ್ಲಿ ನಾನು ಸದಾ ಪ್ರಾಮಾಣಿಕವಾಗಿದ್ದೇನೆ. ಪ್ರತಿ ಎಸೆತವನ್ನೂ ನನ್ನ ವೃತ್ತಿಜೀವನದ ಕೊನೆಯ ಎಸೆತ ಎಂಬಂತೆ ಆಡುತ್ತೇನೆ,” ಎಂದು ಕೊಹ್ಲಿ ತಿಳಿಸಿದ್ದಾರೆ. 2027ರ ವಿಶ್ವಕಪ್ ಆಡುವ ಬಗ್ಗೆ ಕೇಳಿದ ಪ್ರಶ್ನೆಗೆ, “ನನ್ನ ಬಳಿ ಅದಕ್ಕೆ ಉತ್ತರವಿದೆ, ಆದರೆ ವಾತಾವರಣವು ಗೌರವಯುತವಾಗಿರಬೇಕು” ಎಂದು ಹೇಳುವ ಮೂಲಕ ತಮ್ಮ ಭವಿಷ್ಯದ ನಿರ್ಧಾರವನ್ನು ಮ್ಯಾನೇಜ್‌ಮೆಂಟ್‌ನ ವಿವೇಚನೆಗೆ ಬಿಟ್ಟಿದ್ದಾರೆ.