ಉದ್ಯಮಿ ಕೊಲೆ ಪ್ರಕರಣ: ‘ಸಿಕ್ಕಿಬಿದ್ದರೆ ಹೆಂಡತಿ ಹೆಸರು ಹೇಳು’ ಎಂದು ಸುಪಾರಿ ಕಿಲ್ಲರ್‌ಗೆ ಸೂಚಿಸಿದ್ದ ಮಗ ಬಂಧನ!

ಕಾನ್ಪುರ: ಉತ್ತರ ಪ್ರದೇಶದ ಕಾನಪುರದಲ್ಲಿ ಸೆಪ್ಟೆಂಬರ್ 5ರಂದು ನಡೆದ ಪ್ರಖ್ಯಾತ ಔಷಧ ಉದ್ಯಮಿ ವಿನೀತ್ ಮನೋಚಾ (60) ಅವರ ಭೀಕರ ಕೊಲೆ ಪ್ರಕರಣಕ್ಕೆ ಈಗ ಬಿಗ್ ಟ್ವಿಸ್ಟ್ ಸಿಕ್ಕಿದೆ. ಪ್ರಕರಣದ ಬೆನ್ನತ್ತಿದ ಕಾನಪುರ ಪೊಲೀಸರು, ಉದ್ಯಮಿಯ ಸ್ವಂತ ಮಗ ಸುಬ್ರತ್ ಮನೋಚಾ ಜತೆಗೆ ಸುಪಾರಿ ಶೂಟರ್‌ಗಳನ್ನು ಬಂಧಿಸಿ ಜೈಲಿಗಟ್ಟಿದ್ದಾರೆ.

ಹೊಸ ಸಿಮ್ ಕಾರ್ಡ್ ಬಳಸಿ ಕರೆ: ಕೊಲೆ ನಡೆಯುವುದಕ್ಕಿಂತ ಕೇವಲ ಎರಡೇ ದಿನಗಳ ಮುಂಚೆ ವಿಶಾಲ್ ಹೊಸ ಸಿಮ್ ಕಾರ್ಡ್ ಖರೀದಿಸಿ, ಅದರಿಂದ ಮೊದಲು ಸುಬ್ರತ್‌ಗೆ ಕರೆ ಮಾಡಿದ್ದ ಎನ್ನುವುದು ಕಾಲ್ ರೆಕಾರ್ಡ್ಸ್ (CDR) ಮೂಲಕ ದೃಢಪಟ್ಟಿದೆ.

ಸಾಕ್ಷ್ಯಗಳ ವಶ: ಕೃತ್ಯ ಎಸಗಿ ಓಡಿಹೋಗುವಾಗ ಎಸೆದಿದ್ದ ಅಪಾರ್ಟ್‌ಮೆಂಟ್‌ನ ಕೀಲಿಕೈಯನ್ನು ಖಾಲಿ ಜಾಗದಿಂದ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ರಕ್ತಸಿಕ್ತ ಉಡುಪು: ಮತ್ತೊಬ್ಬ ಆರೋಪಿ ರಾಜ್‌ಕಿಶೋರ್ ಸೂಚನೆ ಮೇರೆಗೆ ಕಾನಪುರ ಸೆಂಟ್ರಲ್ ರೈಲ್ವೆ ನಿಲ್ದಾಣದ ಸಾರ್ವಜನಿಕ ಶೌಚಾಲಯದ ಹಿಂಭಾಗದಲ್ಲಿದ್ದ ರಕ್ತಸಿಕ್ತ ಪ್ಯಾಂಟ್ ಹಾಗೂ ಕಪ್ಪು ಸ್ಕಾರ್ಫ್ ಅನ್ನು ಜಪ್ತಿ ಮಾಡಲಾಗಿದೆ.