Home ದಾವಣಗೆರೆ ಆಲಿಯಾ ಭಟ್ ಗರ್ಭದಲ್ಲಿದ್ದಾಗ ದಿನಕ್ಕೆ 100 ಸಿಗರೆಟ್ ಸೇದಿದ್ದೆ: ಶಾಕಿಂಗ್ ವಿಷಯ ಬಿಚ್ಚಿಟ್ಟ ತಾಯಿ ಸೋನಿ ರಾಜ್ದಾನ್!
ದಾವಣಗೆರೆನವದೆಹಲಿಬೆಂಗಳೂರುಸಿನಿಮಾ

ಆಲಿಯಾ ಭಟ್ ಗರ್ಭದಲ್ಲಿದ್ದಾಗ ದಿನಕ್ಕೆ 100 ಸಿಗರೆಟ್ ಸೇದಿದ್ದೆ: ಶಾಕಿಂಗ್ ವಿಷಯ ಬಿಚ್ಚಿಟ್ಟ ತಾಯಿ ಸೋನಿ ರಾಜ್ದಾನ್!

Share
ಆಲಿಯಾ ಭಟ್
Share

ಮುಂಬೈ: ಬಾಲಿವುಡ್ ನಟಿ ಆಲಿಯಾ ಭಟ್ ಅವರ ತಾಯಿ ಹಾಗೂ ಹಿರಿಯ ನಟಿ ಸೋನಿ ರಾಜ್ದಾನ್ ಅವರು ತಮ್ಮ ಗರ್ಭಾವಸ್ಥೆಯ ದಿನಗಳ ಅಚ್ಚರಿಯ ಸಂಗತಿಯೊಂದನ್ನು ಇತ್ತೀಚಿನ ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದಾರೆ.

ಆಲಿಯಾ ಭಟ್ ಗರ್ಭದಲ್ಲಿದ್ದಾಗ ತಮಗೆ ಗರ್ಭಿಣಿಯಾಗಿರುವ ವಿಷಯವೇ ತಿಳಿದಿರಲಿಲ್ಲ ಮತ್ತು ಆ ಸಮಯದಲ್ಲಿ ಸಿನಿಮಾ ದೃಶ್ಯವೊಂದರ ಚಿತ್ರೀಕರಣಕ್ಕಾಗಿ ಒಂದೇ ದಿನದಲ್ಲಿ ಸುಮಾರು 100 ಸಿಗರೆಟ್‌ಗಳನ್ನು ಸೇದಿದ್ದೆ ಎಂದು ಸೋನಿ ರಾಜ್ದಾನ್ ಬಹಿರಂಗಪಡಿಸಿದ್ದಾರೆ.

1993ರಲ್ಲಿ ಬಿಡುಗಡೆಯಾದ ಮಹೇಶ್ ಭಟ್ ನಿರ್ದೇಶನದ ‘ಗುಮ್ರಾ’  ಚಿತ್ರದ ಶೂಟಿಂಗ್ ವೇಳೆ ಈ ಘಟನೆ ನಡೆದಿತ್ತು. ಚಿತ್ರದಲ್ಲಿ ಧೂಮಪಾನ ಮಾಡುವ ಸುದೀರ್ಘ ದೃಶ್ಯವೊಂದನ್ನು ಚಿತ್ರೀಕರಿಸಲಾಗುತ್ತಿತ್ತು.

ನಿಜಜೀವನದಲ್ಲಿ ತಾವು ಧೂಮಪಾನಿಯಲ್ಲದಿದ್ದರೂ, ಪಾತ್ರದ ನೈಜತೆಗಾಗಿ ಒಂದೇ ದಿನದಲ್ಲಿ ಬರೋಬ್ಬರಿ 100 ಸಿಗರೆಟ್‌ಗಳನ್ನು ಸೇದಿದ್ದಾಗಿ ಅವರು ನೆನಪಿಸಿಕೊಂಡಿದ್ದಾರೆ. ಆ ದೃಶ್ಯದ ಚಿತ್ರೀಕರಣದ ನಂತರ ತಮಗೆ ಸಿಗರೆಟ್ ಸೇದುವ ಬಯಕೆ ಹೆಚ್ಚಾಗಿತ್ತು ಎಂಬುದನ್ನೂ ಅವರು ನಗುತ್ತಲೇ ಹೇಳಿಕೊಂಡಿದ್ದಾರೆ.

ಗರ್ಭಿಣಿಯಾಗಿದ್ದ ಅರಿವಿರಲಿಲ್ಲ: ‘ಗುಮ್ರಾ’ ಚಿತ್ರದ ಧೂಮಪಾನದ ದೃಶ್ಯ ಹಾಗೂ ಪ್ರಸಿದ್ಧ ಗಲ್ಲುಶಿಕ್ಷೆಯ (Gallows) ದೃಶ್ಯವನ್ನು ಚಿತ್ರೀಕರಿಸುವಾಗ ಆಲಿಯಾ ಭಟ್ ತಮ್ಮ ಗರ್ಭದಲ್ಲಿದ್ದಾರೆ ಎಂಬ ಸಣ್ಣ ಸುಳಿವೂ ಸೋನಿ ರಾಜ್ದಾನ್ ಅವರಿಗೆ ಇರಲಿಲ್ಲ.

ಬಟ್ಟೆ ಅಳತೆ ಬದಲಾದಾಗ ತಿಳಿದ ಸತ್ಯ: ಚಿತ್ರೀಕರಣಕ್ಕೆ ಸುಮಾರು 5 ತಿಂಗಳ ವಿರಾಮದ ನಂತರ ಸೋನಿ ರಾಜ್ದಾನ್ ಮತ್ತೆ ಸೆಟ್‌ಗೆ ಮರಳಿದಾಗ, ಅವರ ಹಳೆಯ ಕಾಸ್ಟ್ಯೂಮ್‌ಗಳು ಸರಿಹೊಂದಿರಲಿಲ್ಲ. ಆಗ ಬೇಬಿ ಬಂಪ್ ಕಾಣಿಸಿಕೊಂಡಿದ್ದು, ಬಟ್ಟೆಗಳ ಅಳತೆಯನ್ನು ಬದಲಾಯಿಸಬೇಕಾಯಿತು ಎಂದು ಅವರು ವಿವರಿಸಿದ್ದಾರೆ.

ಮೊದಲ ಗರ್ಭಾವಸ್ಥೆಯ ನೆನಪು: 1986ರ ಜನಪ್ರಿಯ ಧಾರಾವಾಹಿ ‘ಬುನಿಯಾದ್’  ಚಿತ್ರೀಕರಣದ ವೇಳೆ ಮೊದಲ ಮಗಳು ಶಾಹೀನ್ ಭಟ್ ಗರ್ಭದಲ್ಲಿದ್ದಾಗ, ನಿರ್ದೇಶಕ ರಮೇಶ್ ಸಿಪ್ಪಿ ಅವರ ತಂಡ ಬೆಳಿಗ್ಗೆ 6 ಗಂಟೆಗೆ ಶೂಟಿಂಗ್‌ಗೆ ಬರಲು ಕಾರಿನ ವ್ಯವಸ್ಥೆ ಮಾಡಿ ತಮ್ಮನ್ನು ಅತ್ಯಂತ ಕಾಳಜಿಯಿಂದ ನೋಡಿಕೊಂಡಿತ್ತು ಎಂದು ಸೋನಿ ರಾಜ್ದಾನ್ ಸ್ಮರಿಸಿದ್ದಾರೆ.

Share

Leave a comment

Leave a Reply

Your email address will not be published. Required fields are marked *

Recent Comments

No comments to show.
Related Articles