RRB Technician Recruitment 2026: ರೈಲ್ವೇ ಇಲಾಖೆಯಲ್ಲಿ 6,565 ಹುದ್ದೆಗಳ ಭರ್ತಿಗೆ ಅಧಿಸೂಚನೆ

ಬೆಂಗಳೂರು: ದೇಶಾದ್ಯಂತ ಸರ್ಕಾರಿ ಉದ್ಯೋಗದ ನಿರೀಕ್ಷೆಯಲ್ಲಿದ್ದ ಯುವಜನತೆಗೆ ರೈಲ್ವೆ ನೇಮಕಾತಿ ಮಂಡಳಿಯು (RRB) ಭರ್ಜರಿ ಸಿಹಿ ಸುದ್ದಿ ನೀಡಿದೆ. ಭಾರತೀಯ ರೈಲ್ವೆ ಸಚಿವಾಲಯದ ಅಡಿಯಲ್ಲಿ ಖಾಲಿ ಇರುವ ಟೆಕ್ನಿಷಿಯನ್ ಗ್ರೇಡ್ 1 ಸಿಗ್ನಲ್ ಮತ್ತು ವಿವಿಧ ಟೆಕ್ನಿಷಿಯನ್ ಗ್ರೇಡ್ 3 ಹುದ್ದೆಗಳ ಭರ್ಜಿಗೆ ಅಧಿಕೃತ ಮುನ್ಸೂಚನಾ ಪ್ರಕಟಣೆಯನ್ನು (CEN No. 02/2026) ಬಿಡುಗಡೆ ಮಾಡಲಾಗಿದೆ.

ಈ 2026-27ರ ನೇಮಕಾತಿ ಚಕ್ರದಲ್ಲಿ ಒಟ್ಟು 6,565 ಹುದ್ದೆಗಳನ್ನು ಭರ್ತಿ ಮಾಡಲು ಉದ್ದೇಶಿಸಲಾಗಿದ್ದು, ಅರ್ಹ ಅಭ್ಯರ್ಥಿಗಳಿಂದ ಆನ್‌ಲೈನ್ ಮೂಲಕ ಮಾತ್ರ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ.

ಪ್ರಮುಖ ದಿನಾಂಕಗಳು:

ಮುನ್ಸೂಚನಾ ಪ್ರಕಟಣೆ ದಿನಾಂಕ: ಮೇ 23, 2026

ಆನ್‌ಲೈನ್ ಅರ್ಜಿ ಆರಂಭ: ಜೂನ್ 30, 2026

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಜುಲೈ 29, 2026 (ರಾತ್ರಿ 23:59 ರವರೆಗೆ)

ಹುದ್ದೆಗಳ ವಿವರ ಮತ್ತು ವೇತನ:

ಟೆಕ್ನಿಷಿಯನ್ ಗ್ರೇಡ್ I ಸಿಗ್ನಲ್ (ಲೆವೆಲ್ 5): 323 ಹುದ್ದೆಗಳು (ಆರಂಭಿಕ ವೇತನ: ₹29,200/-)

ಟೆಕ್ನಿಷಿಯನ್ ಗ್ರೇಡ್ III (ಲೆವೆಲ್ 2): 6,242 ಹುದ್ದೆಗಳು (ಆರಂಭಿಕ ವೇತನ: ₹19,900/-)

ಅರ್ಹತೆ ಮತ್ತು ವಯೋಮಿತಿ:

ಶಿಕ್ಷಣ: ಗ್ರೇಡ್ I ಸಿಗ್ನಲ್ ಹುದ್ದೆಗಳಿಗೆ ಸಂಬಂಧಪಟ್ಟ ವಿಷಯದಲ್ಲಿ ಬಿ.ಎಸ್ಸಿ ಅಥವಾ ಇಂಜಿನಿಯರಿಂಗ್ ಡಿಪ್ಲೊಮಾ/ಡಿಗ್ರಿ ಹೊಂದಿರಬೇಕು. ಗ್ರೇಡ್ III ಹುದ್ದೆಗಳಿಗೆ 10ನೇ ತರಗತಿ ಉತ್ತೀರ್ಣತೆಯೊಂದಿಗೆ ಐಟಿಐ (ITI) ಅಥವಾ ಅಪ್ರೆಂಟಿಸ್‌ಶಿಪ್ ಪೂರ್ಣಗೊಳಿಸಿರಬೇಕು.

ವಯೋಮಿತಿ (ಜುಲೈ 1, 2026 ಕ್ಕೆ ಅನ್ವಯಿಸುವಂತೆ): ಗ್ರೇಡ್ I ಹುದ್ದೆಗಳಿಗೆ 18 ರಿಂದ 33 ವರ್ಷ ಹಾಗೂ ಗ್ರೇಡ್ III ಹುದ್ದೆಗಳಿಗೆ 18 ರಿಂದ 30 ವರ್ಷ ನಿಗದಿಪಡಿಸಲಾಗಿದೆ. (SC/ST ಅಭ್ಯರ್ಥಿಗಳಿಗೆ 5 ವರ್ಷ ಹಾಗೂ OBC ಅಭ್ಯರ್ಥಿಗಳಿಗೆ 3 ವರ್ಷ ವಯೋಮಿತಿ ಸಡಿಲಿಕೆ ಇರಲಿದೆ).

ಆಯ್ಕೆ ಪ್ರಕ್ರಿಯೆ:

ಅಭ್ಯರ್ಥಿಗಳನ್ನು ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT), ದಾಖಲೆಗಳ ಪರಿಶೀಲನೆ (Document Verification) ಮತ್ತು ವೈದ್ಯಕೀಯ ತಪಾಸಣೆಯ (Medical Examination) ಮೂಲಕ ಆಯ್ಕೆ ಮಾಡಲಾಗುತ್ತದೆ. ಈ ಹುದ್ದೆಗಳಿಗೆ ಯಾವುದೇ ಆಪ್ಟಿಟ್ಯೂಡ್ ಪರೀಕ್ಷೆ (CBAT) ಇರುವುದಿಲ್ಲ. ಪರೀಕ್ಷೆಯಲ್ಲಿ ತಪ್ಪು ಉತ್ತರವೊಂದಕ್ಕೆ 1/3ರಷ್ಟು ನೆಗೆಟಿವ್ ಅಂಕಗಳ ಕಡಿತ ಇರಲಿದೆ.

ಅರ್ಹ ಅಭ್ಯರ್ಥಿಗಳು ನಿಗದಿತ ದಿನಾಂಕದೊಳಗೆ ಅಧಿಕೃತ ವೆಬ್‌ಸೈಟ್ ಆದ rrbapply.gov.in ಅಥವಾ ಆಯಾ ಪ್ರಾದೇಶಿಕ ಆರ್‌ಆರ್‌ಬಿ ಪೋರ್ಟಲ್‌ಗಳ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ.