ದಾವಣಗೆರೆ ಸೂರ್ಯ ಲಾಡ್ಜ್ ನಲ್ಲಿ ವೇಶ್ಕಾವಾಟಿಕೆ: ಮೂವರು ಪುರುಷರ ಬಂಧನ, ಮಹಿಳೆಯರಿಬ್ಬರ ರಕ್ಷಣೆ!

SUDDIKSHANA KANNADA NEWS/ DAVANAGERE/ DATE:18-03-2025

ದಾವಣಗೆರೆ: ನಗರದ ಹದಡಿ ರಸ್ತೆಯಲ್ಲಿನ ವಿದ್ಯಾರ್ಥಿ ಭವನ ಬಳಿ ಇರುವ ಸೂರ್ಯ ಲಾಡ್ಜ್ ನಲ್ಲಿ ವೇಶ್ಯಾವಾಟಿಕೆ ನಡೆಯುತ್ತಿದ್ದದ್ದು ಬೆಳಕಿಗೆ ಬಂದಿದೆ.

ಮೂವರು ಪುರುಷರನ್ನು ಬಂಧಿಸಲಾಗಿದ್ದು, ಇಬ್ಬರು ಮಹಿಳೆಯರನ್ನು ರಕ್ಷಿಸಲಾಗಿದೆ. ವೇಶ್ಯಾವಾಟಿಕೆ ನಡೆಸುತ್ತಿದ್ದ ಖಚಿತ ವರ್ತಮಾನದ ಮೇರೆಗೆ ಕೆಟಿಜೆ ನಗರ ಸಿಪಿಐ ಸುನೀಲ್ ಕುಮಾರ್ ನೇತೃತ್ವದಲ್ಲಿ ಪೊಲೀಸರು ದಾಳಿ ನಡೆಸಿದ್ದಾರೆ. ಈ ವೇಳೆ ಇಬ್ಬರು ಮಹಿಳೆಯರು ಹಾಗೂ ಮೂವರು ಪುರುಷರು ಇದ್ದದ್ದು ಕಂಡು ಬಂದಿದೆ.

ಲಾಡ್ಜ್ ನಡೆಸುತ್ತಿದ್ದ ನಾಗರಾಜ್ ಎಂಬಾತನು ನಾಪತ್ತೆಯಾಗಿದ್ದಾನೆ. ಆತ ಪತ್ತೆಗೆ ಪೊಲೀಸರು ಶೋಧ ನಡೆಸುತ್ತಿದ್ದಾರೆ. ಕೆಟಿಜೆ ನಗರ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಇರುವ ಲಾಡ್ಜ್ ಇದಾಗಿದೆ. ದಾವಣಗೆರೆ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದೆ.