ನಾನು “ದಿಮಾಗಿ ನಕ್ಸಲ್” ಎಂದಿರುವ ನಾಸಿರುದ್ದೀನ್ ಶಾ ಅಪಾಯಕಾರಿ ಅರ್ಬನ್ ನಕ್ಸಲ್: ಕೇಂದ್ರ ಸಚಿವ ಕಿರಣ್ ರಿಜಿಜು!

ನವದೆಹಲಿ: ಹಿರಿಯ ನಟ ನಾಸಿರುದ್ದೀನ್ ಶಾ ಅವರು ಇತ್ತೀಚೆಗೆ ಬಿಡುಗಡೆ ಮಾಡಿರುವ ‘ದಿಮಾಗಿ ನಕ್ಸಲ್’ ವಿಡಿಯೋ ಹೇಳಿಕೆಯು ರಾಜಕೀಯ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ವಿದ್ಯಾರ್ಥಿಗಳ ಪ್ರತಿಭಟನೆಗೆ ಬೆಂಬಲಿಸಿ ಮತ್ತು ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿ ನಟ ನಾಸಿರುದ್ದೀನ್ ಶಾ ಮಾಡಿರುವ ಟೀಕೆಗಳಿಗೆ ಕೇಂದ್ರ ಸಚಿವ ಕಿರಣ್ ರಿಜಿಜು ತೀವ್ರವಾಗಿ ತಿರುಗೇಟು ನೀಡಿದ್ದಾರೆ. ನಾಸಿರುದ್ದೀನ್ ಶಾ ಅವರನ್ನು ‘ಅಪಾಯಕಾರಿ ಅರ್ಬನ್ ನಕ್ಸಲ್’ ಹಾಗೂ ‘ಪ್ರಜಾಪ್ರಭುತ್ವಕ್ಕೆ ಮಾರಕ’ ಎಂದು ರಿಜಿಜು ಬಣ್ಣಿಸಿದ್ದಾರೆ.

ವಿಡಿಯೋ ವೀಕ್ಷಿಸಲು ಈ ಲಿಂಕ್ ಕ್ಲಿಕ್ ಮಾಡಿ:

I thought Naseeruddin Shah was just an ordinary actor. I used to respect & like him.. I never knew that he was a dangerous urban Dimagi Naxal !

मुझे उसके असली चरित्र के बारे में बहुत देर से पता चला।। भारत के लोकतंत्र के लिए अत्यंत हानिकारक है। pic.twitter.com/McSDNBJjPt

— Kiren Rijiju (@KirenRijiju) October 28, 2026

ಸಾಮಾಜಿಕ ಜಾಲತಾಣ ಎಕ್ಸ್ (X) ನಲ್ಲಿ ಪೋಸ್ಟ್ ಮಾಡಿರುವ ಕಿರಣ್ ರಿಜಿಜು, “ನಾನು ನಾಸಿರುದ್ದೀನ್ ಶಾ ಅವರನ್ನು ಕೇವಲ ಸಾಮಾನ್ಯ ನಟ ಎಂದು ಗೌರವಿಸುತ್ತಿದ್ದೆ. ಆದರೆ ಅವರು ಇಷ್ಟು ಅಪಾಯಕಾರಿ ಅರ್ಬನ್ ನಕ್ಸಲ್ ಎಂದು ನನಗೆ ತಿಳಿದಿರಲಿಲ್ಲ” ಎಂದು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಜಾಮಿಯಾ ಮಿಲಿಯಾ ಇಸ್ಲಾಮಿಯಾ ಮತ್ತು ಜೆಎನ್‌ಯು ವಿದ್ಯಾರ್ಥಿಗಳ ಹೋರಾಟವನ್ನು ಬೆಂಬಲಿಸಿ ಶಾ ನೀಡಿದ ಹೇಳಿಕೆಯು ಭಾರತದ ಪ್ರಜಾಪ್ರಭುತ್ವಕ್ಕೆ ಅತ್ಯಂತ ಹಾನಿಕಾರಕವಾಗಿದೆ ಎಂದು ಸಚಿವರು ಟೀಕಿಸಿದ್ದಾರೆ.

ಕಿರಣ್ ರಿಜಿಜು ತಿರುಗೇಟು: ನಾಸಿರುದ್ದೀನ್ ಶಾ ಅವರ ನಿಜವಾದ ಮುಖ ತಡವಾಗಿ ತಿಳಿದುಬಂದಿದೆ ಎಂದಿರುವ ಸಚಿವ ರಿಜಿಜು, ಅವರನ್ನು ಅಪಾಯಕಾರಿ ‘ಡಿಮಾಗಿ ನಕ್ಸಲ್’ ಎಂದು ಕರೆದಿದ್ದಾರೆ.

ಶಾ ವಿವಾದಾತ್ಮಕ ವಿಡಿಯೋ: ತಾವು ಹೆಮ್ಮೆಯಿಂದ ‘ದಿಮಾಗಿ ನಕ್ಸಲ್’ ಎಂದು ಹೇಳಿಕೊಳ್ಳುವುದಾಗಿ ಮತ್ತು ಸರ್ಕಾರದ ನೀತಿಗಳು ಹಾಗೂ ವಿದ್ಯಾರ್ಥಿಗಳ ಮೇಲಿನ ದಬ್ಬಾಳಿಕೆಯನ್ನು ನಟ ಶಾ ಪ್ರಶ್ನಿಸಿದ್ದರು.

ಪ್ರಜಾಪ್ರಭುತ್ವಕ್ಕೆ ಧಕ್ಕೆ ಆರೋಪ: ವಿದ್ಯಾರ್ಥಿ ಸಂಘಟನೆಗಳ ಚುನಾವಣೆ ಮತ್ತು ಶಿಕ್ಷಣ ಸಂಸ್ಥೆಗಳ ಸ್ವಾತಂತ್ರ್ಯದ ಪರವಾಗಿ ನಟ ಧ್ವನಿ ಎತ್ತಿರುವುದು ಆಡಳಿತ ಪಕ್ಷದ ನಾಯಕರ ಕೆಂಗಣ್ಣಿಗೆ ಗುರಿಯಾಗಿದೆ.