ಮುಖ್ಯಮಂತ್ರಿ ರೈತ ಚೈತನ್ಯ ಯೋಜನೆ ಘೋಷಣೆ: ಸಣ್ಣ ರೈತರಿಗೆ 50% ಸಬ್ಸಿಡಿಯಲ್ಲಿ ಕೃಷಿ ಯಂತ್ರ ಬಾಡಿಗೆ!

ಬೆಂಗಳೂರು: ರಾಜ್ಯದಲ್ಲಿ ಕೃಷಿ, ಕೈಗಾರಿಕೆ ಹಾಗೂ ತಂತ್ರಜ್ಞಾನ ಕ್ಷೇತ್ರಕ್ಕೆ ಹೊಸ ಮೆರುಗು ನೀಡಲು ಸರ್ಕಾರ ಹಲವು ಮಹತ್ವದ ಯೋಜನೆಗಳನ್ನು ಘೋಷಿಸಿದೆ. ಕೃಷಿಯಲ್ಲಿ ಆಧುನಿಕ ತಂತ್ರಜ್ಞಾನ ಅಳವಡಿಕೆಗೆ ‘ಮುಖ್ಯಮಂತ್ರಿ ರೈತ ಚೈತನ್ಯ ಯೋಜನೆ’ ಹಾಗೂ ಸಣ್ಣ ಉದ್ಯೋಗಿಗಳಿಗೆ ಮತ್ತು ಹೂಡಿಕೆದಾರರಿಗೆ ಬಲ ನೀಡಲು ‘ದೊಡ್ಡಬಳ್ಳಾಪುರ ಉತ್ಪಾದನಾ ಕ್ಲಸ್ಟರ್’ ಮತ್ತು ‘ಬಿಯಾಂಡ್ ಬೆಂಗಳೂರು’ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಸಿಎಂ ಡಿ ಕೆ ಶಿವಕುಮಾರ್ ಘೋಷಿಸಿದ್ದಾರೆ.

ಸ್ವಾತಂತ್ರ್ಯ ದಿನಾಚರಣೆ ಪ್ರಯುಕ್ತ ಧ್ವಜಾರೋಹಣ ನೆರವೇರಿಸಿ ಅವರು ಮಾತನಾಡಿದರು.

ಕೃಷಿಗೆ ಹೈಟೆಕ್ ಸ್ಪರ್ಶ: ‘ಮುಖ್ಯಮಂತ್ರಿ ರೈತ ಚೈತನ್ಯ’ ಹಾಗೂ ‘ರೈತ ಮಿತ್ರ’

ಡ್ರೋನ್ & ಸ್ಯಾಟಲೈಟ್ ಸಮೀಕ್ಷೆ: ಬೆಳೆಗಳ ನೈಜ ಸಮಯದ (Real-time) ಮಾಹಿತಿ, ರೋಗ-ಕೀಟ ಬಾಧೆ ಹಾಗೂ ಮಾರುಕಟ್ಟೆ ದರಗಳನ್ನು ತಿಳಿಯಲು ಉಪಗ್ರಹ ಹಾಗೂ ಡ್ರೋನ್ ತಂತ್ರಜ್ಞಾನ ಬಳಸಲಾಗುತ್ತದೆ.

ರೈತ ಮಿತ್ರ (50% ಸಬ್ಸಿಡಿ): 3 ಎಕರೆಗಿಂತ ಕಡಿಮೆ ಭೂಮಿ ಹೊಂದಿರುವ ಸಣ್ಣ ರೈತರಿಗೆ ಟ್ರಾಕ್ಟರ್, ರೋಟವೇಟರ್, ಟಿಲ್ಲರ್ ಮತ್ತು ಸೀಡ್ ಡ್ರಿಲ್‌ಗಳನ್ನು ಬಾಡಿಗೆಗೆ ಪಡೆಯಲು 50% ಸಬ್ಸಿಡಿ ನೀಡಲಾಗುತ್ತದೆ.

 2. 1 ಲಕ್ಷ ಉದ್ಯೋಗ ಸೃಷ್ಟಿಸುವ ‘ದೊಡ್ಡಬಳ್ಳಾಪುರ ಉತ್ಪಾದನಾ ಕ್ಲಸ್ಟರ್’

ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಸಮೀಪದ ದೊಡ್ಡಬಳ್ಳಾಪುರದಲ್ಲಿ ಅತ್ಯಾಧುನಿಕ ಉತ್ಪಾದನಾ ಕ್ಲಸ್ಟರ್ (Advanced Manufacturing Cluster) ಸ್ಥಾಪಿಸಲಾಗುವುದು.

ಇದರಡಿ ₹20,000 ಕೋಟಿ ಹೂಡಿಕೆಯ ಬದ್ಧತೆ ಬಂದಿದ್ದು, 1 ಲಕ್ಷ ಹೊಸ ಉದ್ಯೋಗಗಳು ಸೃಷ್ಟಿಯಾಗಲಿವೆ.

GIS ಆಧಾರಿತ ಡಿಜಿಟಲ್ ಕೈಗಾರಿಕಾ ಭೂಬ್ಯಾಂಕ್ ಮೂಲಕ ಹೂಡಿಕೆದಾರರಿಗೆ ಪಾರದರ್ಶಕ ಮಾಹಿತಿ ಲಭ್ಯವಾಗಲಿದೆ.

 ‘ಬಿಯಾಂಡ್ ಬೆಂಗಳೂರು’: 5 ನಗರಗಳಲ್ಲಿ GTC ಕೇಂದ್ರಗಳು

ಬೆಂಗಳೂರಿನ ಹೊರತಾಗಿಯೂ ತಂತ್ರಜ್ಞಾನ ಬೆಳೆಸಲು ‘ಲೀಪ್’ (LEAP) ಯೋಜನೆಯಡಿ ರಾಜ್ಯದ 5 ನಗರಗಳಲ್ಲಿ ಜಾಗತಿಕ ತಂತ್ರಜ್ಞಾನ ಕೇಂದ್ರಗಳನ್ನು (Global Technology Centres – GTCs) ಸ್ಥಾಪಿಸಲಾಗುತ್ತಿದೆ:

1. ಕಲಬುರಗಿ

2. ಬೆಳಗಾವಿ

3. ಹುಬ್ಬಳ್ಳಿ – ಧಾರವಾಡ

4. ಮಂಗಳೂರು

5. ಮೈಸೂರು

ಈ ಯೋಜನೆಗಳ ಮೂಲಕ ಪ್ರಾದೇಶಿಕ ಸಮೃದ್ಧಿ ಹಾಗೂ ಗ್ರಾಮೀಣ-ನಗರ ಪ್ರದೇಶಗಳ ಸಮಗ್ರ ಅಭಿವೃದ್ಧಿಗೆ ಹಾದಿ ಸುಗಮವಾಗಲಿದೆ.