“ಭಾರತದ ಆ 5 ವಿಷಯಗಳನ್ನು ನಾನು ಮಿಸ್ ಮಾಡಿಕೊಳ್ಳುತ್ತಿಲ್ಲ”: ಕೆನಡಾಗೆ ಹೋದ ಮೇಲೆಯೂ ಈ 5 ಅಭ್ಯಾಸಗಳನ್ನು ಮಿಸ್ ಮಾಡಿಕೊಳ್ಳದ ಭಾರತೀಯ ಮಹಿಳೆ! ಕಾರಣ ಏನು ಗೊತ್ತಾ?

ಕೆನಡಾ: ವಿದೇಶಕ್ಕೆ ವಲಸೆ ಹೋದಾಗ ಹುಟ್ಟೂರಿನ ಹಲವು ನೆನಪುಗಳು ಕಾಡುವುದು ಸಹಜ. ಆದರೆ, ಭಾರತದಿಂದ ಕೆನಡಾಕ್ಕೆ ತೆರಳಿ ನೆಲೆಸಿರುವ ಪರಿಣೂರ್ ಶರ್ಮಾ ಕೂನರ್ ಎಂಬ ಮಹಿಳೆ, ತಮಗೆ ಭಾರತದ ಕೆಲವು ದಿನನಿತ್ಯದ ಅಭ್ಯಾಸಗಳು ಮಾತ್ರ ನೆನಪಾಗುತ್ತಿಲ್ಲ ಎಂದು ಹೇಳಿಕೊಳ್ಳುವ ಮೂಲಕ ಸೋಷಿಯಲ್ ಮೀಡಿಯಾದಲ್ಲಿ ದೊಡ್ಡ ಚರ್ಚೆಗೆ ಗ್ರಾಸವಾಗಿದ್ದಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೋ ಹಂಚಿಕೊಂಡಿರುವ ಪರಿಣೂರ್, ತಮಗೆ ಭಾರತದ ಮೇಲಿರುವ ಪ್ರೀತಿ ಕಡಿಮೆಯಾಗಿಲ್ಲ. ಆದರೆ ವಿದೇಶಿ ಜೀವನ ಶೈಲಿಯು ತಮಗೆ ಹೊಸ ದೃಷ್ಟಿಕೋನ ನೀಡಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಭಾರತದಲ್ಲಿದ್ದಾಗ ತಾವು ಮಿಸ್ ಮಾಡಿಕೊಳ್ಳದಿರುವ 5 ಮುಖ್ಯ ವಿಷಯಗಳನ್ನು ಅವರು ಪಟ್ಟಿ ಮಾಡಿದ್ದಾರೆ:

ಅನಗತ್ಯವಾಗಿ ದಿಟ್ಟಿಸಿ ನೋಡುವುದು

ಕೆನಡಾದಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ, ಉದಾಹರಣೆಗೆ ಪಾರ್ಕ್ ಅಥವಾ ಬೀಚ್‌ಗಳಲ್ಲಿ ಮುಕ್ತವಾಗಿ ಸಮಯ ಕಳೆಯಬಹುದು. ಯಾರೂ ನಿಮ್ಮನ್ನು ಅನಗತ್ಯವಾಗಿ ದಿಟ್ಟಿಸಿ ನೋಡುವುದಿಲ್ಲ. ಈ ಸ್ವಾತಂತ್ರ್ಯ ನನಗೆ ತುಂಬಾ ಇಷ್ಟವಾಗಿದೆ ಎಂದಿದ್ದಾರೆ.

ಕರೆ ಮಾಡದೆ ಮನೆಗೆ ಬರುವುದು

ಭಾರತದಲ್ಲಿ ಮುನ್ಸೂಚನೆ ಇಲ್ಲದೆ ಮನೆಗೆ ಬರುವ ಅಭ್ಯಾಸವಿದೆ. ಆದರೆ ಕೆನಡಾದಲ್ಲಿ ಮೊದಲೇ ಸಮಯ ನಿಗದಿಪಡಿಸಿ, ಭೇಟಿ ನೀಡುವ ಸಂಸ್ಕೃತಿ ಇದೆ. ಇದು ವೈಯಕ್ತಿಕ ಸಮಯಕ್ಕೆ ಗೌರವ ನೀಡುತ್ತದೆ ಎಂದು ಅವರು ಹೇಳಿದ್ದಾರೆ.

ಕ್ಯೂ ಪಾಲನೆ ಮತ್ತು ಪರ್ಸನಲ್ ಸ್ಪೇಸ್:

ಸಾಮಾನ್ಯ ಕ್ಯೂಗಳಲ್ಲಿ ಸಾಲಾಗಿ ನಿಲ್ಲುವುದು ಮತ್ತು ಇತರರ ವೈಯಕ್ತಿಕ ಜಾಗಕ್ಕೆ (Personal Space) ಗೌರವ ಕೊಡುವುದು ಕೆನಡಾದಲ್ಲಿ ಹೆಚ್ಚಾಗಿದೆ.

ಸತತ ಹಾರ್ನ್ ಶಬ್ದ

ಭಾರತದ ವಾಹನಗಳ ಸತತ ಹಾರ್ನ್ ಶಬ್ದವನ್ನು ತಾವು ಮಿಸ್ ಮಾಡಿಕೊಳ್ಳುತ್ತಿಲ್ಲ ಎಂದಿದ್ದಾರೆ. ಆದರೆ ತಮಾಷೆಯೆಂದರೆ, ಕೆನಡಾಕ್ಕೆ ಹೋದ ಆರಂಭದಲ್ಲಿ ಈ ಶಬ್ದ ನೆನಪಾಗಿ ತಮ್ಮ ಕಾರಿನಲ್ಲೇ ಕುಳಿತು ಹಾರ್ನ್ ಬಾರಿಸಿದ್ದಾಗಿಯೂ ಅವರು ನೆನಪಿಸಿಕೊಂಡಿದ್ದಾರೆ.

ಲೇನ್ ಡ್ರೈವಿಂಗ್ ಸಿಸ್ಟಮ್ 

ಕೆನಡಾದ ರಸ್ತೆಗಳಲ್ಲಿ ಮಾರ್ಕ್ ಮಾಡಲಾದ ಲೇನ್‌ಗಳಲ್ಲಿ ಶಿಸ್ತಿನಿಂದ ವಾಹನ ಚಲಾಯಿಸುವ ಸಂಸ್ಕೃತಿಯನ್ನು ಅವರು ಶ್ಲಾಘಿಸಿದ್ದಾರೆ.

ನೆಟ್ಟಿಗರ ಪ್ರತಿಕ್ರಿಯೆ:

ಈ ವಿಡಿಯೋಗೆ ಸೋಷಿಯಲ್ ಮೀಡಿಯಾದಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಹಲವರು “ನೀವು ಹೇಳಿರುವುದು ನೂರಕ್ಕೆ ನೂರು ಸತ್ಯ, ವಿದೇಶದಲ್ಲಿದ್ದಾಗ ಈ ವ್ಯತ್ಯಾಸ ತಿಳಿಯುತ್ತದೆ” ಎಂದು ಬೆಂಬಲಿಸಿದರೆ, ಇನ್ನು ಕೆಲವರು ಸುರಕ್ಷತೆ ಮತ್ತು ಶಿಸ್ತಿನ ವಿಷಯದಲ್ಲಿ ವಿದೇಶಿ ಜೀವನವೇ ಮೇಲು ಎಂದು ಕಾಮೆಂಟ್ ಮಾಡಿದ್ದಾರೆ.