ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಹುಟ್ಟುಹಬ್ಬಕ್ಕೆ ರಿವೀಲ್‌ ಆದ ʼಟಾಕ್ಸಿಕ್ʼ ಬರ್ತ್ ಡೇ ಪೀಕ್‌ ಹೊಸ ದಾಖಲೆಯನ್ನು ಬರೆದಿದೆ.
ಬರ್ತ್ ಡೇ ಪೀಕ್‌ ಗ್ಲಿಂಪ್ಸ್‌ನಲ್ಲಿ ಯಶ್ ಹಿಂದೆಂದೂ ಕಾಣಿಸಿಕೊಳ್ಳದ ಬೋಲ್ಡ್‌ & ಡ್ಯಾಶಿಂಗ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಪಬ್‌ವೊಂದರಲ್ಲಿ ಪಾರ್ಟಿ ಮೂಡ್‌ನಲ್ಲಿ ಯಶ್ ಹಾಟ್‌ ಬೆಡಗಿಯರ ಜತೆ ಕಾಣಿಸಿಕೊಂಡಿದ್ದಾರೆ. ಗನ್‌ , ಗಾಂಜಾ ಹಾಗೂ ಗರ್ಲ್ಸ್‌ ಸುತ್ತ ಬರ್ತ್ ಡೇ ಪೀಕ್‌ ಗ್ಲಿಂಪ್ಸ್ ತೋರಿಸಲಾಗಿದೆ.
ಯಶ್ ಹುಟ್ಟುಹಬ್ಬಕ್ಕೆ ರಿಲೀಸ್‌ ಆದ ಈ ಗ್ಲಿಂಪ್ಸ್ ರಿಲೀಸ್‌ ಆದ ಕೆಲವೇ ಗಂಟೆಗಳಲ್ಲಿ ಇಂಟರ್‌ನೆಟ್‌ ಧೂಳು ಎಬ್ಬಿಸಿದೆ. ಹಲವು ದಾಖಲೆಗಳನ್ನು ಪುಡಿಗಟ್ಟಿ, ತನ್ನದೇ ಆದ ಹೊಸ ದಾಖಲೆಯನ್ನು ಬರೆದಿದೆ.
ಟಾಕ್ಸಿಕ್ʼ ಗ್ಲಿಂಪ್ಸ್ 13 ಗಂಟೆಯಲ್ಲಿ ಮಿಲಿಯನ್ ಗಟ್ಟಲೆ ವೀವ್ಸ್‌ ಪಡೆದುಕೊಂಡಿದೆ. ಟಾಕ್ಸಿಕ್ಸ್ ಗ್ಲಿಂಪ್ಸ್ 24 ಗಂಟೆಗಳಲ್ಲಿ ಅತಿ ಹೆಚ್ಚು ವೀಕ್ಷಿಸಲ್ಪಟ ಗ್ಲಿಂಪ್ಸ್ ಆಗಿ ಹೊರಹೊಮ್ಮಿದೆ. ಆ ಮೂಲಕ ಈ ಹಿಂದಿನ ʼಪುಷ್ಪ-2ʼ ದಾಖಲೆಯನ್ನು ʼಟಾಕ್ಸಿಕ್ʼ ಬ್ರೇಕ್‌ ಮಾಡಿದೆ. ʼಪುಷ್ಪ-2ʼ ಚಿತ್ರದ ಹಿಂದಿ ಆವೃತ್ತಿಯ ಗ್ಲಿಂಪ್ಸ್ 24 ಗಂಟೆಯಲ್ಲಿ 27.67 ಮಿಲಿಯನ್ ವೀಕ್ಷಣೆ ಆಗಿತ್ತು. ಟಾಕ್ಸಿಕ್ 13 ಗಂಟೆಯಲ್ಲೇ 28M+ ವೀಕ್ಷಣೆ ಕಂಡು ಈ ದಾಖಲೆಯನ್ನು ಬ್ರೇಕ್‌ ಮಾಡಿದೆ.
ʼಪುಷ್ಪ-2ʼ ಮಾತ್ರವಲ್ಲದೆ ದೇವ್ರ-26.17ಮಿಲಿಯನ್ ವೀಕ್ಷಣೆ, ಕಂಗುವ-20.77 ಮಿಲಿಯನ್ ವೀಕ್ಷಣೆಯ ದಾಖಲೆಯನ್ನೂ ʼಟಾಕ್ಸಿಕ್ʼ ಮುರಿದಿದೆ.
ಸದ್ಯ ಟಾಕ್ಸಿಕ್ ಗ್ಲಿಂಪ್ಸ್ 36 ಮಿಲಿಯನ್‌ಗೂ ಹೆಚ್ಚಿನ ವೀಕ್ಷಣೆಯಾಗಿದೆ.
