ದೀಪಾವಳಿಗೆ ಸಿಂಗಾಪುರದಿಂದ ಬಂದಿದ್ದ ಮಾಜಿ ಟೆಕ್ ಮಹೀಂದ್ರಾ ಎೆಕ್ಸಿಕ್ಯುಟಿವ್ ಹತ್ಯೆ: ಆರೋಪಿ ಅರೆಸ್ಟ್

ಫರಿದಾಬಾದ್ (ಹರಿಯಾಣ): ದೀಪಾವಳಿ ಹಬ್ಬ ಹಾಗೂ ಮದುವೆ ಕಾರ್ಯಕ್ರಮಕ್ಕಾಗಿ ಸಿಂಗಾಪುರದಿಂದ ಹರಿಯಾಣದ ಫರಿದಾಬಾದ್‌ಗೆ ಬಂದಿದ್ದ ಟೆಕ್ ಮಹೀಂದ್ರಾದ ಮಾಜಿ ಹಿರಿಯ ಉಪಾಧ್ಯಕ್ಷ ಪರಮ್‌ಜೀತ್ ಧಂಖರ್ (50) ಅವರನ್ನು ನೆರೆಹೊರೆಯವರೇ ಪಾರ್ಕಿಂಗ್ ವಿಚಾರದ ಗಲಾಕೆಯಲ್ಲಿ ಗುಂಡಿಕ್ಕಿ ಹತ್ಯೆ ಮಾಡಿರುವ ಆಘಾತಕಾರಿ ಘಟನೆ ವರದಿಯಾಗಿದೆ. ಸೆಕ್ಟರ್ 21ಸಿ ಯಲ್ಲಿ ಈ ದುರ್ಘಟನೆ ನಡೆದಿದ್ದು, ಪೊಲೀಸರು ಆರೋಪಿ ಮೋಹನ್ ಅಲಿಯಾಸ್ ಮನು ಶರ್ಮನನ್ನು ಬಂಧಿಸಿದ್ದಾರೆ.

ಮನೆಗಳ ನಡುವಿನ ಹಂಚಿಕೆಯ ಪಾರ್ಕಿಂಗ್ ಪ್ರದೇಶ ಹಾಗೂ ಗೇಟ್ ಹಾನಿ ವಿಚಾರವಾಗಿ ನೆರೆಹೊರೆಯವರಾದ ಮೋಹನ್ ಶರ್ಮಾ ಹಾಗೂ ಧಂಖರ್ ಕುಟುಂಬದ ನಡುವೆ ದ್ವೇಷವಿತ್ತು. ಈ ಕುರಿತು ಅಂಕೀರ್ ಪೊಲೀಸ್ ಠಾಣೆಗೆ ದೂರು ನೀಡಲು ಹೋದಾಗಲೂ ಆರೋಪಿ ಬೆದರಿಕೆ ಹಾಕಿದ್ದ ಎನ್ನಲಾಗಿದೆ. ಶನಿವಾರ ರಾತ್ರಿ ಪಾರ್ಕಿಂಗ್‌ನಲ್ಲಿ ವಾಹನ ತೆರವುಗೊಳಿಸುವ ವಿಚಾರವಾಗಿ ಮಾತಿಗೆ ಮಾತು ಬೆಳೆದಾಗ, ಆರೋಪಿ ತನ್ನ ಪರವಾನಗಿ ಪಡೆದ ಬಂದೂಕಿನಿಂದ ಗುಂಡಿನ ದಾಳಿ ನಡೆಸಿ ಧಂಖರ್ ಅವರನ್ನು ಹತ್ಯೆ ಮಾಡಿದ್ದಾನೆ. ಮೃತರ ಮಗ ಶೌರ್ಯ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಹಿನ್ನೆಲೆ: ಪರಮ್‌ಜೀತ್ ಧಂಖರ್ ಅವರು ಸಿಂಗಾಪುರದ ಎಫ್‌ಪಿಟಿ ಸಾಫ್ಟ್‌ವೇರ್‌ನಲ್ಲಿ ಎಸ್‌ವಿಪಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರು. ನವೆಂಬರ್ 5ರಂದು ಭಾರತಕ್ಕೆ ಬಂದಿದ್ದ ಇವರ ಸೋದರಳಿಯನ ಮದುವೆ ನವೆಂಬರ್ 24ರಂದು ನಿಗದಿಯಾಗಿತ್ತು.

ಪಾರ್ಕಿಂಗ್ ವಿವಾದ: ಗೇಟ್ ಹಾನಿ ಹಾಗೂ ಪಾರ್ಕಿಂಗ್ ಜಾಗದ ವಿಚಾರವಾಗಿ ನೆರೆಹೊರೆಯವರ ಜತೆ ದೀರ್ಘಕಾಲದಿಂದ ಜಗಳವಿತ್ತು. ಈ ಕುರಿತು ಪೊಲೀಸರಿಗೂ ದೂರು ನೀಡಲಾಗಿತ್ತು.

ಗುಂಡಿನ ದಾಳಿ: ವಾಗ್ವಾದದ ವೇಳೆ ಆರೋಪಿ ಮೋಹನ್ ಶರ್ಮಾ ಹತ್ತಿರದಿಂದ ಗುಂಡು ಹಾರಿಸಿದ್ದು, ಧಂಖರ್ ಅವರಿಗೆ 9 ಗುಂಡುಗಳು ತಗುಲಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಮಗನ ಮೇಲೂ ಗುಂಡು ಹಾರಿಸಲು ಯತ್ನಿಸಿದ್ದು, ಆಕೆ ವಾಹನಗಳ ಹಿಂದೆ ಅಡಗಿ ಬಚಾವ್ ಆಗಿದ್ದಾರೆ.

ಆರೋಪಿ ಬಂಧನ: ಕೃತ್ಯ ಎಸೆದು ತಲೆಮರೆಸಿಕೊಂಡಿದ್ದ ಸ್ಕ್ರ್ಯಾಪ್ ವ್ಯಾಪಾರಿ ಮೋಹನ್ ಶರ್ಮನನ್ನು ಬಲ್ಲಭಘಡದಲ್ಲಿ ಅಪರಾಧ ವಿಭಾಗದ ಪೊಲೀಸರು ಬಂಧಿಸಿದ್ದಾರೆ. ಮೃತರ ಮಗನ ದೂರಿನ ಮೇರೆಗೆ ಆತನ ಕುಟುಂಬಸ್ಥರ ವಿರುದ್ಧವೂ ಎಫ್‌ಐಆರ್ ದಾಖಲಾಗಿದೆ.