ಇ-ಖಾತಾ ಪಡೆಯಲು ಸುವರ್ಣ ಅವಕಾಶ: ಚನ್ನಗಿರಿ ಪಟ್ಟಣದಲ್ಲಿ ವಿಶೇಷ ‘ಇ-ಆಸ್ತಿ ಖಾತಾ ಅಭಿಯಾನ’ ಆರಂಭ

ದಾವಣಗೆರೆ: ಚನ್ನಗಿರಿ ಪುರಸಭೆ ವ್ಯಾಪ್ತಿಯ ಎಲ್ಲಾ ಅರ್ಹ ಆಸ್ತಿಗಳಿಗೆ ಇ-ಆಸ್ತಿ ತಂತ್ರಾಂಶದ ಮೂಲಕ ಅಂತಿಮ ಇ-ಖಾತಾ ವಿತರಿಸುವ ನಿಟ್ಟಿನಲ್ಲಿ ವಿಶೇಷ ‘ಇ-ಆಸ್ತಿ ಖಾತಾ ಅಭಿಯಾನ’ವನ್ನು ಹಮ್ಮಿಕೊಳ್ಳಲಾಗಿದೆ.

ಪುರಸಭೆ ವ್ಯಾಪ್ತಿಯಲ್ಲಿ ಈಗಾಗಲೇ ಇರುವ ಕರಡು ಇ-ಖಾತಾಗಳನ್ನು ಅಂತಿಮ ಖಾತಾಗಳಾಗಿ ಪರಿವರ್ತಿಸುವುದು ಹಾಗೂ ಹೊಸ ಇ-ಖಾತಾ ನೀಡುವ ಪ್ರಕ್ರಿಯೆಯನ್ನು ಈ ಅಭಿಯಾನದ ಮೂಲಕ ಚುರುಕುಗೊಳಿಸಲಾಗಿದೆ ಎಂದು ಚನ್ನಗಿರಿ ಪುರಸಭೆ ಮುಖ್ಯಾಧಿಕಾರಿ ತಿಳಿಸಿದ್ದಾರೆ.

ಆಸಕ್ತ ಹಾಗೂ ಅರ್ಹ ಆಸ್ತಿ ಮಾಲೀಕರು ಈ ಅಭಿಯಾನದ ಸದುಪಯೋಗಪಡಿಸಿಕೊಳ್ಳುವಂತೆ ಕೋರಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಪುರಸಭೆಯಲ್ಲಿ ಸ್ಥಾಪಿಸಲಾಗಿರುವ ಹೆಲ್ಪ್‌ಲೈನ್ ಸಂಖ್ಯೆ 08189-200321 ಅನ್ನು ಅಥವಾ ಜೂನಿಯರ್ ಪ್ರೋಗ್ರಾಮರ್ ವಿಶ್ವನಾಥಯ್ಯ ಟಿ.ಎಂ., ಕಂದಾಯ ವಿಭಾಗದ ಕರವಸೂಲಿಗಾರರು, ಕಂದಾಯ ನಿರೀಕ್ಷಕರು ಹಾಗೂ ಕಂದಾಯಾಧಿಕಾರಿಗಳನ್ನು ಸಂಪರ್ಕಿಸಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಅಭಿಯಾನದ ಉದ್ದೇಶ: ಚನ್ನಗಿರಿ ಪುರಸಭೆ ವ್ಯಾಪ್ತಿಯಲ್ಲಿ ಇ-ಆಸ್ತಿ ತಂತ್ರಾಂಶದ ಮೂಲಕ ಅಂತಿಮ ಇ-ಖಾತಾ ವಿತರಿಸುವುದು ಹಾಗೂ ಕರಡು ಖಾತಾಗಳನ್ನು ಅಂತಿಮಗೊಳಿಸುವುದು.

ಸಂಪರ್ಕ ಅಧಿಕಾರಿಗಳು: ಜೂನಿಯರ್ ಪ್ರೋಗ್ರಾಮರ್ ವಿಶ್ವನಾಥಯ್ಯ ಟಿ.ಎಂ., ಕಂದಾಯ ನಿರೀಕ್ಷಕರು, ಕರವಸೂಲಿಗಾರರು ಮತ್ತು ಕಂದಾಯಾಧಿಕಾರಿಗಳು.

ಹೆಲ್ಪ್‌ಲೈನ್ ಸಂಖ್ಯೆ: ಹೆಚ್ಚಿನ ಮಾಹಿತಿಗಾಗಿ 08189-200321 ಸಂಪರ್ಕಿಸಬಹುದು.