ನೀವು ಎಲ್ಲರನ್ನೂ ಸಂತುಷ್ಟಪಡಿಸಲು ಬಯಸಿದರೆ, ಹೋಗಿ ಐಸ್ ಕ್ರೀಮ್ ಮಾರಿ”: ಎಆರ್ ರೆಹಮಾನ್ ಖಡಕ್ ಪ್ರತಿಕ್ರಿಯೆ!

ಮುಂಬೈ: ನಿತೇಶ್ ತಿವಾರಿ ನಿರ್ದೇಶನದ ಬಹುನಿರೀಕ್ಷಿತ ‘ರಾಮಾಯಣ: ರೈಸ್ ಆಫ್ ಎ ಲೆಜೆಂಡ್’ ಚಿತ್ರದ ಹಾಡುಗಳ ಬಗ್ಗೆ ಕೇಳಿಬರುತ್ತಿರುವ ಟೀಕೆಗಳಿಗೆ ಆಸ್ಕರ್ ವಿಜೇತ ಸಂಗೀತ ನಿರ್ದೇಶಕ ಎಆರ್ ರೆಹಮಾನ್ ಖಡಕ್ ಪ್ರತಿಕ್ರಿಯೆ ನೀಡಿದ್ದಾರೆ.

ಚಿತ್ರದ ‘ಮಂಗಲ್ ರಂಗ್’ ಹಾಡು ಮತ್ತು ರಾವಣನ ತಾಂಡವದ ಸಂಗೀತ ಶೈಲಿಯ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಕ್ತವಾಗಿರುವ ವಿರೋಧದ ಕುರಿತು ಮಾತನಾಡಿದ ಅವರು, ಸ್ಟೀವ್ ಜಾಬ್ಸ್ ಅವರ ಪ್ರಸಿದ್ಧ ನುಡಿಯನ್ನು ಉಲ್ಲೇಖಿಸಿ, “ನೀವು ಎಲ್ಲರನ್ನೂ ಸಂತುಷ್ಟಪಡಿಸಲು ಬಯಸಿದರೆ, ಹೋಗಿ ಐಸ್ ಕ್ರೀಮ್ ಮಾರಿ” ಎಂದು ತಿರುಗೇಟು ನೀಡಿದ್ದಾರೆ.

ಸಂಗೀತವು ತಕ್ಷಣವೇ ಎಲ್ಲರಿಗೂ ಅರ್ಥವಾಗಬೇಕೆಂದಿಲ್ಲ ಎಂದಿರುವ ರೆಹಮಾನ್, ಕೆಲವು ಸಂಯೋಜನೆಗಳು ಹಳೆಯದಾದಂತೆ ಹೆಚ್ಚು ಇಷ್ಟವಾಗುತ್ತವೆ ಎಂದು ‘ಉಪ್ಪಿನಕಾಯಿ’ಯ ಉದಾಹರಣೆ ನೀಡಿದ್ದಾರೆ. ಹಾಡಿನ ಹಿಂದಿನ ಆಳವಾದ ಆಲೋಚನಾ ಕ್ರಮವನ್ನು ಅರ್ಥಮಾಡಿಕೊಳ್ಳಲು ಶ್ರೋತೃಗಳು ಸ್ವಲ್ಪ ಸಮಯ ನೀಡಬೇಕು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.  ರಣಬೀರ್ ಕಪೂರ್, ಸಾಯಿ ಪಲ್ಲವಿ ನಟಿಸಿರುವ ಈ ಮಹತ್ವದ ಚಿತ್ರಕ್ಕೆ ಹಾಲಿವುಡ್‌ ಖ್ಯಾತ ಸಂಗೀತ ಸಂಯೋಜಕ ಹ್ಯಾನ್ ಜಿಮ್ಮರ್ ಜೊತೆಗೂ ಕೈಜೋಡಿಸಿರುವುದು ಜಾಗತಿಕ ಮಟ್ಟದಲ್ಲಿ ಕುತೂಹಲ ಮೂಡಿಸಿದೆ.

ಸಂಗೀತದ ಬಗ್ಗೆ ಅಪಸ್ವರ: ‘ರಾಮಾಯಣ’ ಚಿತ್ರದ ‘ಮಂಗಲ್ ರಂಗ್’ ಹಾಡಿನ ಶೈಲಿ ಹಾಗೂ ಕವ್ವಾಲಿ ಶೈಲಿಯ ಧ್ವನಿಯ ಬಗ್ಗೆ ಕೇಳಿದ ಪ್ರಶ್ನೆಗಳಿಗೆ ರೆಹಮಾನ್ ಸ್ಪಷ್ಟನೆ ನೀಡಿದ್ದಾರೆ.

ಸಮಯದ ಮೌಲ್ಯ: ಕೆಲವು ಹಾಡುಗಳು ಹಾಗೂ ರಾಗಗಳ ಹಿನ್ನೆಲೆ ಹಾಗೂ ಆಳವಾದ ಚಿಂತನೆ ತಿಳಿಯಲು ಜನರಿಗೆ ಸಮಯಾವಕಾಶ ಬೇಕಾಗುತ್ತದೆ ಎಂದು ತಿಳಿಸಿದ್ದಾರೆ.

ಜಾಗತಿಕ ಸಹಯೋಗ: ಹ್ಯಾನ್ ಜಿಮ್ಮರ್ ಅವರ ಜೊತೆಗಿನ ಒಡನಾಟವು ವಿಶ್ವದಾದ್ಯಂತ ಹೊಸ ಪ್ರೇಕ್ಷಕರನ್ನು ಸೆಳೆಯಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಚಿತ್ರದ ಬಿಡುಗಡೆ: ನಿತೇಶ್ ತಿವಾರಿ ನಿರ್ದೇಶನದ ಈ ಮಹಾಕಾವ್ಯದ ಮೊದಲ ಭಾಗವು ನವೆಂಬರ್ 5 ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲಿದೆ.