SUDDIKSHANA KANNADA NEWS/ DAVANAGERE/ DATE:13-04-2025
ಬೆಂಗಳೂರು: ವಿಜಯಪುರದಲ್ಲಿ ಸ್ಕ್ಯಾನಿಂಗ್ ವೇಳೆ ಮಹಿಳೆಯನ್ನು ಅನುಚಿತವಾಗಿ ಸ್ಪರ್ಶಿಸಿದ ಆರೋಪ ವೈದ್ಯರೊಬ್ಬರ ಮೇಲೆ ಕೇಳಿ ಬಂದಿದೆ.
ಏಪ್ರಿಲ್ 9 ರಂದು ವಿಜಯಪುರ ಜಿಲ್ಲಾ ಆಸ್ಪತ್ರೆಯಲ್ಲಿ ಗರ್ಭಿಣಿಯಾಗಿದ್ದ ರೋಗಿಯನ್ನು ಸ್ಕ್ಯಾನ್ ಮಾಡಿಸಲಾಗಿದೆ. ನಂತರ, ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ವೈದ್ಯರು ತನ್ನನ್ನು ಅನುಚಿತವಾಗಿ ಸ್ಪರ್ಶಿಸಿದ್ದಾರೆ ಎಂದು ಅವರು ತನ್ನ ಪತಿಗೆ ತಿಳಿಸಿದ್ದಾರೆ ಎಂದು ವರದಿಯಾಗಿದೆ.
ಆಕೆಯ ಪತಿ ಮತ್ತು ಅವರ ಸ್ನೇಹಿತ ಆಸ್ಪತ್ರೆಗೆ ನುಗ್ಗಿ ರೇಡಿಯಾಲಜಿ ಸ್ನಾತಕೋತ್ತರ ವಿದ್ಯಾರ್ಥಿ ವೈದ್ಯರ ಮೇಲೆ ಹಲ್ಲೆ ನಡೆಸಿದ್ದಾರೆ. ಆದಾಗ್ಯೂ, ವೈದ್ಯರು ತಮ್ಮ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿಕೊಂಡರು. ಯಾವುದೇ ಅನುಚಿತ ವರ್ತನೆ
ಆಗಿಲ್ಲ ಎಂದು ನಿರಾಕರಿಸಿದರು.
ಈ ಘಟನೆಯು ಆಸ್ಪತ್ರೆಯೊಳಗೆ ವೈದ್ಯರ ಪ್ರತಿಭಟನೆಗೆ ಕಾರಣವಾಯಿತು. ಮಹಿಳೆಯನ್ನು ಮುಟ್ಟದೆ ಸ್ಕ್ಯಾನ್ ನಡೆಸಲು ಸಾಧ್ಯವಾಗುತ್ತಿರಲಿಲ್ಲ. ಹಾಗಾಗಿ ಸ್ಪರ್ಷಿಸಿದ್ದಾರೆ. ಇದನ್ನೇ ವಿವಾದ ಮಾಡಲಾಗಿದೆ ಎಂದು ಸಮರ್ಥನೆ ನೀಡಲು ಮುಂದಾದರು. ಈ ವೇಳೆ ಪೊಲೀಸರು ಭದ್ರತೆ ನೀಡುವಂತೆ ಕೇಳಿಕೊಂಡರು. ವೈದ್ಯಕೀಯ ಸೇವೆಗಳು ಒಂದೆರಡು ಗಂಟೆಗಳ ಕಾಲ ಸ್ಥಗಿತಗೊಂಡವು. ಪೊಲೀಸರು ಈ ವಿಷಯದ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.
