
ಸೇವಾನಿ (ಮಧ್ಯಪ್ರದೇಶ): ಮಧ್ಯಪ್ರದೇಶದ ಹೋಟೆಲ್ ಒಂದರಲ್ಲಿ ಯುವ ಜೋಡಿಯನ್ನು ಪ್ರಶ್ನಿಸಿದ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು, ಪೋಷಕರನ್ನು ಕರೆಯಲು ಮತ್ತು ಫೋನ್ ಅನ್ಲಾಕ್ ಮಾಡಲು ನಿರಾಕರಿಸಿದ ಹಿನ್ನೆಲೆಯಲ್ಲಿ ಯುವಕನ ಮೇಲೆ ಗಾಂಜಾ ಪ್ರಕರಣ ದಾಖಲಿಸುವುದಾಗಿ ಬೆದರಿಕೆ ಹಾಕಿರುವ ಘಟನೆ ವರದಿಯಾಗಿದೆ. ನವೆಂಬರ್ 13 ರಂದು ನಡೆದ ಈ ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ಸಿಸಿಟಿವಿ ದೃಶ್ಯಾವಳಿಗಳ ಪ್ರಕಾರ, ಹೆಚ್ಚುವರಿ ಎಸ್ಪಿ ದೀಪಕ್ ಮಿಶ್ರಾ, ಎಸ್ಡಿಒಪಿ ಚಂಚಲೇಶ್ ಮಾರ್ಕಮ್ ಮತ್ತು ಎಸ್ಎಚ್ಒ ಸತೀಶ್ ತಿವಾರಿ ಅವರು ಯುವ ಜೋಡಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ತಾವು ಮೇಲ್ಕಂಡಂತೆ ಪ್ರಾಯಕ್ಕೆ ಬಂದವರಾಗಿದ್ದು, ಒಂದೇ ಜಾತಿಯವರಾಗಿದ್ದೇವೆ ಮತ್ತು ಮದುವೆಯಾಗುವ ಉದ್ದೇಶ ಹೊಂದಿದ್ದೇವೆ ಎಂದು ಜೋಡಿ ತಿಳಿಸಿದರೂ, ಪೊಲೀಸರು ಪೋಷಕರನ್ನು ಕರೆಯುವಂತೆ ಬಲವಂತಪಡಿಸಿದ್ದಾರೆ. ಯುವತಿ ಫೋನ್ ನೀಡಲು ನಿರಾಕರಿಸಿದಾಗ, ಯುವಕನ ಬ್ಯಾಗ್ನಲ್ಲಿ ಗಾಂಜಾ ಇಡುವಂತೆ ಎಸ್ಪಿ ಮಿಶ್ರಾ ಸಿಬ್ಬಂದಿಗೆ ಆದೇಶಿಸಿರುವುದು ವಿಡಿಯೋದಲ್ಲಿದೆ.
ವೈರಲ್ ಆದ ಸಿಸಿಟಿವಿ ದೃಶ್ಯ: “ಹುಡುಗನ ಮೇಲೆ ಸ್ವಲ್ಪ ಗಾಂಜಾ ಹಾಕಿ” ಎಂದು ಹೆಚ್ಚುವರಿ ಎಸ್ಪಿ ದೀಪಕ್ ಮಿಶ್ರಾ ಹೋಟೆಲ್ ಸಿಬ್ಬಂದಿಗೆ ಹೇಳುತ್ತಿರುವ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿವೆ.
ಪೋಷಕರ ಆಕ್ಷೇಪವಿಲ್ಲದ ಪ್ರಾಯದ ಜೋಡಿ: ತಾವು ವಯಸ್ಕರಾಗಿದ್ದು, ಮದುವೆ ಉದ್ದೇಶದಿಂದ ಇರುವುದಾಗಿ ತಿಳಿಸಿದರೂ, ಪೋಷಕರಿಗೆ ತಿಳಿಸದೆ ಹೊರಟಿದ್ದೀರಿ ಎಂದು ಪೊಲೀಸರು ಜೋಡಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಪೊಲೀಸ್ ಅಧಿಕಾರಿಯ ದರ್ಪ: ಅಧಿಕಾರದ ದುರುಪಯೋಗಪಡಿಸಿಕೊಂಡು ಸುಳ್ಳು ಪ್ರಕರಣದಲ್ಲಿ ಸಿಲುಕಿಸುವುದಾಗಿ ಬೆದರಿಕೆ ಹಾಕಿರುವ ಈ ಘಟನೆಯ ವಿರುದ್ಧ ಕಠಿಣ ಕ್ರಮಕ್ಕೆ ಒತ್ತಾಯ ಕೇಳಿಬಂದಿದೆ.
ಸಂಬಂಧಪಟ್ಟ ಪೊಲೀಸ್ ಅಧಿಕಾರಿಗಳ ವಿರುದ್ಧ ಇಲ್ಲಿಯವರೆಗೆ ಯಾವುದೇ ಅಧಿಕೃತ ಕ್ರಮ ಕೈಗೊಂಡಿರುವ ಕುರಿತು ಮಾಹಿತಿ ಲಭ್ಯವಾಗಿಲ್ಲ.




