ಕೆಲಸ ಸಿಕ್ಕ ಮೇಲೆ ಬದಲಾದ ಬದುಕು: ‘ಸಾಮಾನ್ಯ ವಿಚಾರಗಳೂ ಈಗ ಲಕ್ಷುರಿ’ ಎಂದ ಯುವತಿ!

ನವದೆಹಲಿ: ಪೂರ್ಣಾವಧಿ ಉದ್ಯೋಗಕ್ಕೆ ಸೇರಿದ ನಂತರ ಮಾನವನ ದಿನನಿತ್ಯದ ಬದುಕಿನಲ್ಲಿ ಸಾಕಷ್ಟು ಬದಲಾವಣೆಗಳಾಗುತ್ತವೆ. ಉದ್ಯೋಗವಿಲ್ಲದಿದ್ದಾಗ ಅತ್ಯಂತ ಸಾಮಾನ್ಯ ಹಾಗೂ ಸಹಜ ಅನಿಸುತ್ತಿದ್ದ ವಿಷಯಗಳು, ಕೆಲಸಕ್ಕೆ ಸೇರಿದ ಮೇಲೆ ಅಪರೂಪದ ವಸ್ತು ಅಥವಾ ಸಮಯದಂತೆ ಭಾಸವಾಗತೊಡಗುತ್ತವೆ. ಈ ಬಗ್ಗೆ ಕುಲ್ಜೋತ್ ಕೌರ್ ಎಂಬ ಯುವತಿಯೊಬ್ಬರು ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೋ ಇದೀಗ ನೆಟ್ಟಿಗರ ಗಮನ ಸೆಳೆದಿದೆ.

ಈ ಲಿಂಕ್ ನಲ್ಲಿ ವಿಡಿಯೋ ವೀಕ್ಷಿಸಬಹುದು:

https://www.instagram.com/reel/Dd4afqWypwT/?utm_source=ig_embed&ig_rid=A3eU_N8hU7KVPfMco0swliV

ಉದ್ಯೋಗ ಕಂಡುಕೊಂಡ ನಂತರ ತಮ್ಮ ದೈನಂದಿನ ಜೀವನದಲ್ಲಾದ ಪ್ರಮುಖ ಬದಲಾವಣೆಗಳನ್ನು ಕುಲ್ಜೋತ್ ವಿವರಿಸಿದ್ದು, “ಗೋಲ್ಡನ್ ಎರಾ” (Golden Era) ಶೀರ್ಷಿಕೆಯಡಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ:

ಮಧ್ಯಾಹ್ನದ ನಿದ್ದೆ ಬಂದ್:

ಹಿಂದೆ ಅತ್ಯಂತ ಸಹಜವಾಗಿದ್ದ ಮಧ್ಯಾಹ್ನದ ನಿದ್ದೆ (Afternoon Nap) ಈಗ ಸಂಪೂರ್ಣವಾಗಿ ಇಲ್ಲದಂತಾಗಿದೆ. ಅದೊಂದು ದೊಡ್ಡ ‘ಲಕ್ಷುರಿ’ ಎಂಬುದು ಕೆಲಸಕ್ಕೆ ಸೇರಿದ ಮೇಲೆಯೇ ಅರಿವಾಯಿತು ಎಂದಿದ್ದಾರೆ.

ಸಾಮಾಜಿಕ ಜೀವನ ಹಾಗೂ ಶಾಂಪಿಂಗ್ ಕಷ್ಟ:

ಉದ್ಯೋಗವಿಲ್ಲದಿದ್ದಾಗ ವಾರದ ಕೆಲಸದ ದಿನಗಳಲ್ಲೂ ಗೆಳೆಯರನ್ನು ಭೇಟಿಯಾಗುತ್ತಿದ್ದೆ, ಶಾಂಪಿಂಗ್ ಹೋಗುತ್ತಿದ್ದೆ. ಆದರೆ ಈಗ ವಾರಾಂತ್ಯದಲ್ಲೂ (Weekend) ಹಾಸಿಗೆಯಿಂದ ಏಳಲು ಸಾಧ್ಯವಾಗದಷ್ಟು ಆಯಾಸವಾಗುತ್ತದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಸಂಜೆ 5 ಗಂಟೆಯ ನಂತರದ ಬದುಕು ಶೂನ್ಯ:

ಹಿಂದೆ ಸಂಜೆ 5 ಗಂಟೆಯ ನಂತರ ವೈಯಕ್ತಿಕ ಜೀವನಕ್ಕೆ ಸಾಕಷ್ಟು ಸಮಯ ಸಿಗುತ್ತಿತ್ತು. ಆದರೆ ಈಗ ಕೆಲಸ ಮುಗಿದ ನಂತರ ಸಂಪೂರ್ಣವಾಗಿ ದಣಿದು ಹೋಗುತ್ತಿರುವುದಾಗಿ ತಿಳಿಸಿದ್ದಾರೆ.

ಸಿನಿಮಾ ವೀಕ್ಷಣೆಯ ಶೈಲಿ ಬದಲಾವಣೆ:

ಹಿಂದೆ ಒಂದೇ ಬಾರಿಗೆ ಇಡೀ ಸಿನಿಮಾ ಮುಗಿಸುತ್ತಿದ್ದ ಕುಲ್ಜೋತ್, ಈಗ ಮರುದಿನ ಕೆಲಸಕ್ಕೆ ಹೋಗಬೇಕಿರುವುದರಿಂದ ಸಿನಿಮಾವನ್ನು ಕಂತು-ಕಂತುಗಳಲ್ಲಿ ವೀಕ್ಷಿಸುತ್ತಿದ್ದಾರೆ. “ನಾನು ಸಿನಿಮಾಗಳನ್ನೇ ವೆಬ್ ಸರಣಿಗಳನ್ನಾಗಿ (Web Series) ಪರಿವರ್ತಿಸಿದ್ದೇನೆ” ಎಂದು ಹಾಸ್ಯಮಯವಾಗಿ ಹೇಳಿದ್ದಾರೆ.

ಹಿನ್ನೆಲೆಗೆ ಸರಿದ ಹೂತುಗಳು:

ಹವ್ಯಾಸಗಳಿಗೆ ಪ್ರತ್ಯೇಕ ಸಮಯ ಮೀಸಲಿಡಬೇಕಾದ ಅಗತ್ಯ ಹಿಂದೆ ಇರಲಿಲ್ಲ. ಆದರೆ ಈಗ ಸಮಯವೇ ಸಿಗದಿರುವುದರಿಂದ ಹವ್ಯಾಸಗಳು ಸಂಪೂರ್ಣವಾಗಿ ನಿಂತುಹೋಗಿವೆ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.

ಪ್ರಸ್ತುತ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ವೈರಲ್ ಆಗುತ್ತಿದ್ದು, ಕಾರ್ಪೊರೇಟ್ ಹಾಗೂ ಫುಲ್ ಟೈಮ್ ಉದ್ಯೋಗಿಗಳು ಈ ವಿಡಿಯೋಗೆ ಭಾರೀ ಪ್ರಮಾಣದಲ್ಲಿ ರೀ-ರಿಯಾಕ್ಟ್ ಮಾಡುತ್ತಿದ್ದಾರೆ.