ಬಿಜೆಪಿಯೊಂದಿಗೆ ಮಾತುಕತೆ ಯಶಸ್ವಿ: ಕೌನ್ಸಿಲರ್ ಸ್ಥಾನಕ್ಕೆ ನೀಡಿದ್ದ ರಾಜೀನಾಮೆ ಹಿಂಪಡೆದ ಆರ್‌ ಶ್ರೀಲೇಖಾ!

ತಿರುವನಂತಪುರಂ: ಕೇರಳ ರಾಜಧಾನಿಯ ತಿರುವನಂತಪುರಂ ಮಹಾನಗರ ಪಾಲಿಕೆಯ ಬಿಜೆಪಿ ಕೌನ್ಸಿಲರ್ ಹಾಗೂ ರಾಜ್ಯದ ಮಾಜಿ ಡಿಜಿಪಿ ಆರ್‌. ಶ್ರೀಲೇಖಾ ಅವರು ನೀಡಿದ್ದ ರಾಜೀನಾಮೆ ನಿರ್ಧಾರದಿಂದ ಹಿಂದೆ ಸರಿದಿದ್ದಾರೆ. ಬಿಜೆಪಿ ಉನ್ನತ ನಾಯಕರೊಂದಿಗೆ ನಡೆದ ಸುದೀರ್ಘ ಮಾತುಕತೆಯ ನಂತರ ಅವರು ಕೌನ್ಸಿಲರ್ ಆಗಿ ಮುಂದುವರಿಯಲು ಸಮ್ಮತಿಸಿದ್ದು, ಬಿಜೆಪಿಗೆ ಎದುರಾಗಿದ್ದ ತೀವ್ರ ರಾಜಕೀಯ ಬಿಕ್ಕಟ್ಟು ಸದ್ಯ ಶಮನಗೊಂಡಿದೆ.