ಪದವಿ ಮತ್ತು ಪಿಯುಸಿ ಪಾಸ್ ಆದವರಿಗೆ ರೈಲ್ವೆಯಲ್ಲಿ ಗೋಲ್ಡನ್ ಚಾನ್ಸ್! ರೈಲ್ವೆ ಇಲಾಖೆಯಲ್ಲಿ 2026ರ ಆರ್‌ಆರ್‌ಬಿ ಎನ್‌ಟಿಪಿಸಿ ಅಡಿ 5,165 ಹುದ್ದೆಗಳ ಭರ್ತಿಗೆ ಗ್ರೀನ್ ಸಿಗ್ನಲ್!

ನವದೆಹಲಿ: ಸರ್ಕಾರಿ ಉದ್ಯೋಗದ ನಿರೀಕ್ಷೆಯಲ್ಲಿರುವ ಲಕ್ಷಾಂತರ ಯುವ ಜನತೆಗೆ ರೈಲ್ವೆ ಮಂಡಳಿಯು ಭರ್ಜರಿ ಸಿಹಿಸುದ್ದಿ ನೀಡಿದೆ. ಮುಂಬರುವ ರೈಲ್ವೆ ನೇಮಕಾತಿ ಮಂಡಳಿಯ (RRB) ತಾಂತ್ರಿಕೇತರ ಜನಪ್ರಿಯ ವರ್ಗಗಳ (NTPC) 2026ರ ನೇಮಕಾತಿಗಾಗಿ ಒಟ್ಟು 5,165 ಹುದ್ದೆಗಳಿಗೆ ರೈಲ್ವೆ ಮಂಡಳಿ ಅಧಿಕೃತ ಅನುಮೋದನೆ ನೀಡಿದೆ. ಈ ಕುರಿತು ವಲಯ ರೈಲ್ವೆಗಳು ಮತ್ತು ಉತ್ಪಾದನಾ ಘಟಕಗಳು ಸೆಪ್ಟೆಂಬರ್ 7 ರಿಂದ 26ರೊಳಗೆ ಅಂತಿಮ ಖಾಲಿ ಹುದ್ದೆಗಳ ವಿವರಗಳನ್ನು ಸಲ್ಲಿಸುವಂತೆ ಸೂಚಿಸಲಾಗಿದೆ.

ಹುದ್ದೆಗಳ ವಿವರ:

ಪದವಿ ಹಂತದ ಹುದ್ದೆಗಳು (Graduate Level – 3,477): ಇದರಲ್ಲಿ ಸರಕು ರೈಲು ವ್ಯವಸ್ಥಾಪಕ (Goods Train Manager) – 2,750, ಹಿರಿಯ ಗುಮಾಸ್ತ-ಕಮ್-ಟೈಪಿಸ್ಟ್ – 371, ಜೂನಿಯರ್ ಅಕೌಂಟ್ಸ್ ಅಸಿಸ್ಟೆಂಟ್ – 300 ಹಾಗೂ ಮುಖ್ಯ ವಾಣಿಜ್ಯ-ಕಮ್-ಟಿಕೆಟ್ ಮೇಲ್ವಿಚಾರಕ – 56 ಹುದ್ದೆಗಳು ಸೇರಿವೆ.

ಪಿಯುಸಿ/ಅರ್ಹತಾ ಹಂತದ ಹುದ್ದೆಗಳು (Undergraduate Level – 1,688): ವಾಣಿಜ್ಯ-ಕಮ್-ಟಿಕೆಟ್ ಕ್ಲರ್ಕ್ – 700, ಜೂನಿಯರ್ ಕ್ಲರ್ಕ್-ಕಮ್-ಟೈಪಿಸ್ಟ್ – 600, ಅಕೌಂಟ್ಸ್ ಕ್ಲರ್ಕ್ – 200 ಹಾಗೂ ರೈನ್ಸ್ ಕ್ಲರ್ಕ್ – 188 ಹುದ್ದೆಗಳು ಲಭ್ಯವಿವೆ.

ಶೀಘ್ರದಲ್ಲೇ ಕೇಂದ್ರೀಕೃತ ಉದ್ಯೋಗ ಅಧಿಸೂಚನೆ (CEN) ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟವಾಗಲಿದ್ದು, OIRMS ಪೋರ್ಟಲ್ ಮೂಲಕ ನೇಮಕಾತಿ ಪ್ರಕ್ರಿಯೆಗಳು ಚುರುಕುಗೊಂಡಿವೆ.

ಹುದ್ದೆಗಳು ಸೇರಿದಂತೆ ಒಟ್ಟು 5,165 ಸಿಎನ್‌ಜಿ ಪೋಸ್ಟ್‌ಗಳು.