No products in the cart.

Home ಕ್ರೈಂ ನ್ಯೂಸ್ ಬಾಡಿಗೆ ಫ್ಲ್ಯಾಟ್‌ನಲ್ಲೇ ಯುವತಿಯರ ನ್ಯೂಡ್ ವಿಡಿಯೋ ಕಾಲ್ ರ‍್ಯಾಕೆಟ್: 10ನೇ ತರಗತಿ ಪಾಸಾಗಿದ್ದ ಆರೋಪಿಯ “ದಂಧೆ” ಕಂಡು ಪೊಲೀಸರೇ ಬೆಸ್ತು!

ಕ್ರೈಂ ನ್ಯೂಸ್ದಾವಣಗೆರೆ ನವದೆಹಲಿ ಬೆಂಗಳೂರು

ಬಾಡಿಗೆ ಫ್ಲ್ಯಾಟ್‌ನಲ್ಲೇ ಯುವತಿಯರ ನ್ಯೂಡ್ ವಿಡಿಯೋ ಕಾಲ್ ರ‍್ಯಾಕೆಟ್: 10ನೇ ತರಗತಿ ಪಾಸಾಗಿದ್ದ ಆರೋಪಿಯ “ದಂಧೆ” ಕಂಡು ಪೊಲೀಸರೇ ಬೆಸ್ತು!

YogarajUpdated 2 hours Ago1 Mins read20

ವಡೋದರಾ (ಗುಜರಾತ್): ವಸತಿ ಪ್ರದೇಶದ ಫ್ಲ್ಯಾಟ್ ಒಂದರಲ್ಲಿ ಅಕ್ರಮವಾಗಿ ನಡೆಸಲಾಗುತ್ತಿದ್ದ ನ್ಯೂಡ್ ವಿಡಿಯೋ ಕಾಲ್ ರ‍್ಯಾಕೆಟ್ ಅನ್ನು ವಡೋದರಾ ಪೊಲೀಸರು ಭೇದಿಸಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ 10ನೇ ತರಗತಿ ಉತ್ತೀರ್ಣನಾಗಿದ್ದ ಮನೀಶ್ ಪಧಿಯಾರ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.

ಪ್ರಕರಣದ ವಿವರ:

ಆರೋಪಿ ಮನೀಶ್ ಪಧಿಯಾರ್ ಮಾಂಜಲಪುರ ಪ್ರದೇಶದ ಮೂರನೇ ಮಹಡಿಯ ಫ್ಲ್ಯಾಟ್ ಒಂದನ್ನು ಬಾಡಿಗೆಗೆ ಪಡೆದು ಈ ಅಕ್ರಮ ಜಾಲವನ್ನು ನಡೆಸುತ್ತಿದ್ದ. ‘ಸ್ಟ್ರಿಪ್‌ಚಾಟ್’ (Stripchat) ಎಂಬ ಆ್ಯಪ್ ಮೂಲಕ ಗ್ರಾಹಕರನ್ನು ಸಂಪರ್ಕಿಸಿ, ಆನ್‌ಲೈನ್‌ನಲ್ಲಿ ಯುವತಿಯರ ಮೂಲಕ ನಗ್ನ ವಿಡಿಯೋ ಕಾಲ್ ಸೇವೆ ಒದಗಿಸುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.

ಗ್ರಾಹಕರು 500 ರೂ.ನಿಂದ 5,000 ರೂ.ವರೆಗೆ ರೀಚಾರ್ಜ್ ಮಾಡಿಕೊಂಡು ಟೋಕನ್/ಕಾಯಿನ್ ರೂಪದಲ್ಲಿ ಪಾವತಿ ಮಾಡುತ್ತಿದ್ದರು.

ಬಂದ ಆದಾಯದಲ್ಲಿ ಶೇಕಡಾ 50 ರಷ್ಟು ಪಾಲನ್ನು ಯುವತಿಯರು ಪಡೆದರೆ, ಉಳಿದ ಶೇಕಡಾ 50 ರಷ್ಟನ್ನು ಆರೋಪಿ ಮನೀಶ್ ಪಡೆದುಕೊಳ್ಳುತ್ತಿದ್ದ. ಈ ಅಕ್ರಮ ಸಂಪಾದನೆಯಿಂದಲೇ ಆತ ವಡೋದರಾದಲ್ಲಿ 11 ಲಕ್ಷ ರೂ. ಮೌಲ್ಯದ ಫ್ಲ್ಯಾಟ್ ಖರೀದಿಸಿದ್ದ ಎಂದು ತನಿಖೆಯಿಂದ ತಿಳಿದುಬಂದಿದೆ.

ಏರ್‌ಹೋಸ್ಟೆಸ್ ವಿದ್ಯಾರ್ಥಿನಿಯೂ ಭಾಗಿಯಾದ ಶಂಕೆ:

ಈ ಹಿಂದೆ ಕಾಲ್ ಸೆಂಟರ್‌ನಲ್ಲಿ ಕೆಲಸ ಮಾಡಿದ್ದ ಮನೀಶ್, ಆ ಸಮಯದಲ್ಲಿ ಪರಿಚಯವಿದ್ದ ಯುವತಿಯರನ್ನು ಈ ಜಾಲಕ್ಕೆ ಬಳಸಿಕೊಂಡಿದ್ದ. ಪ್ರಸ್ತುತ ಘಾಜಿಯಾಬಾದ್‌ನ ಏರ್‌ಹೋಸ್ಟೆಸ್ ತರಬೇತಿ ಪಡೆಯುತ್ತಿರುವ ಯುವತಿಯೊಬ್ಬಳು ಕೂಡ ಇದರಲ್ಲಿ ಭಾಗಿಯಾಗಿದ್ದಾಳೆ ಎನ್ನಲಾಗಿದ್ದು, ಆಕೆಯ ವಿಚಾರಣೆ ನಡೆಯುತ್ತಿದೆ.

ಅನೈತಿಕ ಸಂಚಾರ (ತಡೆ) ಕಾಯ್ದೆ ಹಾಗೂ ಭಾರತೀಯ ನ್ಯಾಯ ಸಂಹಿತೆಯ (BNS) ವಿವಿಧ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ಬ್ಯಾಂಕ್ ಖಾತೆಗಳು ಹಾಗೂ ಮೊಬೈಲ್ ಡೇಟಾವನ್ನು ಪರಿಶೀಲಿಸುತ್ತಿದ್ದಾರೆ. ಬ್ಲ್ಯಾಕ್‌ಮೇಲ್ ಅಥವಾ ವಂಚನೆ ಪ್ರಕರಣಗಳು ನಡೆದಿವೆಯೇ ಎಂಬುದರ ಕುರಿತೂ ತನಿಖೆ ಮುಂದುವರಿದಿದೆ.