SUDDIKSHANA KANNADA NEWS/ DAVANAGERE/ DATE:16-01-2025
ಮುಂಬೈ: ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಅವರ ಮೇಲಿನ ದಾಳಿಗೂ ಮುನ್ನ ಒಂದು ಕೋಟಿ ರೂಪಾಯಿಗೆ ಡಿಮ್ಯಾಂಡ್ ಇಟ್ಟಿದ್ದು ಬೆಳಕಿಗೆ ಬಂದಿದೆ.
ಸೈಫ್ ಅಲಿಖಾನ್ ಅವರ ಮನೆಗೆ ನುಗ್ಗಿದ ಒಬ್ಬನು 1 ಕೋಟಿ ರೂಪಾಯಿ ಬೇಕು ಎಂದು ಹೇಳಿದ್ದಾನೆ ಎಂದು ಮನೆಯ ಸಹಾಯಕಿ ಪೊಲೀಸರಿಗೆ ನೀಡಿರುವ ಹೇಳಿಕೆಯಲ್ಲಿ ತಿಳಿಸಿದ್ದಾಳೆ.
ಶಂಕಿತ ಮನೆಗೆ ಬೆದರಿಕೆ ಹಾಕಿ 1 ಕೋಟಿ ರೂ. ನೀಡುವಂತೆ ಕೇಳಿಕೊಂಡಾಗ ಚೂರಿ ಚುಚ್ಚಿದಾತ ಮತ್ತು ಮನೆ ಕೆಲಸದಾಕೆ ನಡುವೆ ಗಲಾಟೆ ನಡೆದಿದೆ. ಈ ವೇಳೆ ಹಣ ನೀಡುವಂತೆ ಪೀಡಿಸುತ್ತಿದ್ದಾನೆ. ಮುಂಬೈನ ಐಷಾರಾಮಿ ಕಟ್ಟಡದ 12 ನೇ ಮಹಡಿಯಲ್ಲಿರುವ ಸೈಫ್ ಅವರ ಅಪಾರ್ಟ್‌ಮೆಂಟ್‌ನಲ್ಲಿ ತಡರಾತ್ರಿ ಈ ಘಟನೆ ನಡೆದಿದೆ.
ಪೊಲೀಸರು ದಾಖಲಿಸಿಕೊಂಡಿರುವ ಹೇಳಿಕೆಗಳ ಪ್ರಕಾರ, ಸೈಫ್ ಅಲಿ ಖಾನ್ ಅವರ ಮನೆಯ ಸಹಾಯಕರು ಸ್ನಾನಗೃಹದ ಬಳಿ ನೆರಳನ್ನು ಗಮನಿಸಿದ್ದಾರೆ. ಆರಂಭದಲ್ಲಿ ಅವರು ತಮ್ಮ ಕಿರಿಯ ಮಗನನ್ನು ಕರೀನಾ ಕಪೂರ್ ನೋಡುತ್ತಿದ್ದಾರೆ ಎಂದು ಭಾವಿಸಿದ್ದರು. ಆದರೆ ನಂತರ ಅನುಮಾನ ಹೆಚ್ಚಾದಾಗ ಫಾಲೋ ಮಾಡಿದ್ದಾರೆ. ಇದ್ದಕ್ಕಿದ್ದಂತೆ, 35 ರಿಂದ 40 ವರ್ಷ ವಯಸ್ಸಿನ ವ್ಯಕ್ತಿಯೊಬ್ಬ ಮನೆ ಕೆಲಸದಾಕೆಯೊಬ್ಬಳ ಮೇಲೆ ಹಲ್ಲೆ ನಡೆಸಿದ್ದಾನೆ.
ಆಕೆಗೆ ಹರಿತವಾದ ಆಯುಧದಿಂದ ಬೆದರಿಕೆ ಹಾಕಿದ. ಮೌನವಾಗಿರಲು ಬೆದರಿಸಿದ. ಈ ವೇಳೆಯಲ್ಲಿ ವಾಗ್ವಾದದ ಸಮಯದಲ್ಲಿ ಎರಡನೇ ಮನೆಗೆಲಸದವಳು ಬಂದಳು. ಏನು ಬೇಕು ಎಂದು ಕೇಳಿದಾಗ 1 ಕೋಟಿ ರೂ. ಬೇಕು ಎಂದಿದ್ದಾನೆ. ಇದು ಕೇಳುತ್ತಿದ್ದಂತೆ ಸೈಫ್ ಅಲಿಖಾನ್ ತನ್ನ ಕೊಠಡಿಯಿಂದ ಕೆಳಗಿಳಿದು ಬಂದಾಗ ದರೋಡೆಕೋರನ ಜೊತೆ ಹೊಡೆದಾಟಕ್ಕೆ ಇಳಿದಿದ್ದಾರೆ. ಈ ಸಮಯದಲ್ಲಿ ಸೈಫ್ ಅವರ ದೇಹದ ಆರು ಕಡೆಗಳಲ್ಲಿ ಚೂರಿಯಿಂದ ಇರಿದಿದ್ದಾನೆ.
ಸೈಫ್‌ನ ಗಾಯ ತೀವ್ರಗೊಂಡಿದೆ. ಈ ಸಮಯದಲ್ಲಿ ಚಾಲಕ ಇಲ್ಲದ ಕಾರಣ, ಕುಟುಂಬವು ತ್ವರಿತವಾಗಿ ಅವರ ಮಗ ಇಬ್ರಾಹಿಂ ಅಲಿ ಖಾನ್‌ಗೆ ಸಹಾಯಕ್ಕಾಗಿ ಕರೆ ಮಾಡಿದೆ. ಇಬ್ರಾಹಿಂ, ತನ್ನ ಸಹೋದರಿ ಸಾರಾ ಅಲಿ ಖಾನ್ ಜೊತೆಗೆ 8 ನೇ ಮಹಡಿಯಲ್ಲಿ ಇದ್ದರು. ಯಾರಿಗೂ ಕುಟುಂಬದ ಸ್ವಯಂಚಾಲಿತ ಎಲೆಕ್ಟ್ರಿಕ್ ವಾಹನವನ್ನು ಹೇಗೆ ನಿರ್ವಹಿಸುವುದು ಎಂದು ತಿಳಿದಿರಲಿಲ್ಲ, ಆದ್ದರಿಂದ ಅವರು ಆಟೋ ರಿಕ್ಷಾದಲ್ಲಿ ಸೈಫ್ ಅವರನ್ನು ಲೀಲಾವತಿ ಆಸ್ಪತ್ರೆಗೆ ಸಾಗಿಸಿದರು. ಸೈಫ್ ಅಲಿ ಖಾನ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದು, ಈಗ ಅವರ ಆರೋಗ್ಯ ಸ್ಥಿರವಾಗಿದೆ
