CISCE ಪರೀಕ್ಷೆ 2027, 2028: ICSE, ISC ನೋಂದಣಿ ಪ್ರಕ್ರಿಯೆ ಆರಂಭ; ಪ್ರಮುಖ ದಿನಾಂಕಗಳು ಮತ್ತು ಪೂರ್ಣ ಮಾಹಿತಿ ಇಲ್ಲಿದೆ

ನವದೆಹಲಿ: ಭಾರತೀಯ ಶಾಲಾ ಪ್ರಮಾಣಪತ್ರ ಪರೀಕ್ಷೆಗಳ ಮಂಡಳಿ (CISCE) 2027 ಮತ್ತು 2028 ನೇ ಸಾಲಿನ ICSE (10ನೇ ತರಗತಿ) ಹಾಗೂ ISC (12ನೇ ತರಗತಿ) ಬೋರ್ಡ್ ಪರೀಕ್ಷೆಗಳಿಗೆ ನೋಂದಣಿ (Registration) ಪ್ರಕ್ರಿಯೆಯನ್ನು ಅಧಿಕೃತವಾಗಿ ಆರಂಭಿಸಿದೆ. ಈ ಕುರಿತು ಮಂಡಳಿಯು ತನ್ನ ಸಂಯೋಜಿತ ಶಾಲೆಗಳಿಗೆ ಪ್ರವೇಶಾತಿ ದೃಢೀಕರಣ ಮತ್ತು ಹೊಸ ನೋಂದಣಿಗಳನ್ನು ಪೂರ್ಣಗೊಳಿಸಲು ಸೂಚನೆ ನೀಡಿದೆ.

2028ರ ಪರೀಕ್ಷೆಗಳ ನೋಂದಣಿ:

ICSE (10ನೇ ತರಗತಿ): 2028ರ ಪರೀಕ್ಷೆಗೆ ಆಗಸ್ಟ್ 5 ರಿಂದ ಅಕ್ಟೋಬರ್ 31, 2026 ರವರೆಗೆ ನೋಂದಾಯಿಸಬಹುದು. ದಂಡ ಶುಲ್ಕದೊಂದಿಗೆ ನವೆಂಬರ್ 1 ರಿಂದ ನವೆಂಬರ್ 15, 2026 ರವರೆಗೆ ಅವಕಾಶವಿರುತ್ತದೆ.

ISC (12ನೇ ತರಗತಿ): 2028ರ ಪರೀಕ್ಷೆಗೆ ಆಗಸ್ಟ್ 5 ರಿಂದ ನವೆಂಬರ್ 15, 2026 ರವರೆಗೆ ನೋಂದಣಿ ತೆರೆದಿರುತ್ತದೆ. ಈ ಪ್ರಕ್ರಿಯೆಗೆ ಯಾವುದೇ ದಂಡ ಶುಲ್ಕ ಅನ್ವಯಿಸುವುದಿಲ್ಲ.

ತಿದ್ದುಪಡಿಗೆ ಅವಕಾಶ:

ವಿದ್ಯಾರ್ಥಿಗಳ ವಿವರಗಳಲ್ಲಿ ಏನಾದರೂ ತಿದ್ದುಪಡಿಗಳಿದ್ದರೆ (Corrections), ಶಾಲೆಗಳು ಅಗತ್ಯ ಆಧಾರ ದಾಖಲೆಗಳೊಂದಿಗೆ (Supporting documents) CAREERS Portal ಮೂಲಕವೇ ಅರ್ಜಿಯನ್ನು ಸಲ್ಲಿಸಬೇಕು. ನಿಗದಿಪಡಿಸಿದ ಕಾಲಮಿತಿಯೊಳಗೆ ನೋಂದಣಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುವಂತೆ ಮಂಡಳಿಯು ಶಾಲೆಗಳಿಗೆ ಕಟ್ಟುನಿಟ್ಟಿನ ಸೂಚನೆ ನೀಡಿದೆ.