ಪೋಷಕರೇ ಹುಷಾರ್! ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಈ ಒಂದು ತಪ್ಪು ಮಾಡಿದ್ರೆ ಮಗಳ ಹೆಸರಿನಲ್ಲಿ ಸಿಗುವ ದುಡ್ಡು ಲಕ್ಷಾಂತರ ರೂಪಾಯಿ ಕಡಿಮೆಯಾಗುತ್ತೆ!

ನವದೆಹಲಿ: ಪೋಷಕರೇ ಹುಷಾರ್! ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಈ ಒಂದು ತಪ್ಪು ಮಾಡಿದ್ರೆ ಮಗಳ ಹೆಸರಿನಲ್ಲಿ ಸಿಗುವ ದುಡ್ಡು ಲಕ್ಷಾಂತರ ರೂಪಾಯಿ ಕಡಿಮೆಯಾಗುತ್ತೆ!

ಏನಿದು ತಿಂಗಳ 5ನೇ ತಾರೀಖಿನ ನಿಯಮ?

ಸುಕನ್ಯಾ ಸಮೃದ್ಧಿ ಯೋಜನೆಯ ಬಡ್ಡಿ ಲೆಕ್ಕಾಚಾರದ ನಿಯಮಗಳ ಪ್ರಕಾರ, ಯಾವುದೇ ಒಂದು ಕ್ಯಾಲೆಂಡರ್ ತಿಂಗಳಿನಲ್ಲಿ 5ನೇ ತಾರೀಖಿನಿಂದ ಹಿಡಿದು ತಿಂಗಳ ಕೊನೆಯ ದಿನದವರೆಗೆ ಇರುವ ಅತ್ಯಂತ ಕನಿಷ್ಠ ಬ್ಯಾಲೆನ್ಸ್ (Lowest Balance) ಮೇಲೆ ಮಾತ್ರ ಆ ತಿಂಗಳ ಬಡ್ಡಿಯನ್ನು ಲೆಕ್ಕ ಹಾಕಲಾಗುತ್ತದೆ.

‘ಸುಕನ್ಯಾ ಸಮೃದ್ಧಿ ಯೋಜನೆ’ (SSY) ಬಗ್ಗೆ ನಿಮಗೆಷ್ಟು ಗೊತ್ತು?

ಹೌದು. ಹೆಣ್ಣು ಮಕ್ಕಳ ಉಜ್ವಲ ಭವಿಷ್ಯ ಹಾಗೂ ಅವರ ಉನ್ನತ ಶಿಕ್ಷಣದ ಖರ್ಚುಗಳಿಗಾಗಿ ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಅತ್ಯುತ್ತಮ ಉಳಿತಾಯ ಯೋಜನೆ ‘ಸುಕನ್ಯಾ ಸಮೃದ್ಧಿ ಯೋಜನೆ’ (SSY).

ಪ್ರಸ್ತುತ ಈ ಯೋಜನೆಗೆ ವಾರ್ಷಿಕ ಶೇಕಡಾ 8.2 ರಷ್ಟು ಆಕರ್ಷಕ ಬಡ್ಡಿ ದರ ಸಿಗುತ್ತಿರುವುದರಿಂದ ಲಕ್ಷಾಂತರ ಪೋಷಕರು ಇದರಲ್ಲಿ ಹೂಡಿಕೆ ಮಾಡುತ್ತಿದ್ದಾರೆ. ಆದರೆ, ಕೇವಲ ಹೂಡಿಕೆ ಮಾಡಿದರೆ ಸಾಲದು, ಹಣ ಡೆಪಾಸಿಟ್ ಮಾಡುವ ‘ಸಮಯ’ ಅತ್ಯಂತ ಮುಖ್ಯವಾಗಿರುತ್ತದೆ. ಒಂದು ವೇಳೆ ನೀವು ತಿಂಗಳ ಸರಿಯಾದ ದಿನಾಂಕದೊಳಗೆ ಹಣ ಪಾವತಿಸದಿದ್ದರೆ, ಮೆಚ್ಯೂರಿಟಿ ಅವಧಿಯಲ್ಲಿ ಮಗಳಿಗೆ ಸಿಗುವ ಒಟ್ಟು ಮೊತ್ತದಲ್ಲಿ ಭಾರಿ ನಷ್ಟ ಅನುಭವಿಸಬೇಕಾಗುತ್ತದೆ!

ಇದರರ್ಥ, ನೀವು ಪ್ರತಿ ತಿಂಗಳು ಹಣ ಜಮಾ ಮಾಡುತ್ತಿದ್ದರೆ, ಆ ಹಣವನ್ನು ತಿಂಗಳ 5ನೇ ತಾರೀಖಿನೊಳಗೆ ಅಥವಾ ಅದಕ್ಕೂ ಮುಂಚಿತವಾಗಿ ಖಾತೆಗೆ ಜಮಾ ಮಾಡಬೇಕು. ಒಂದು ವೇಳೆ ನೀವು 5ನೇ ತಾರೀಖಿನ ನಂತರ (ಉದಾಹರಣೆಗೆ 6 ಅಥವಾ 7ನೇ ತಾರೀಖು) ಹಣ ಜಮಾ ಮಾಡಿದರೆ, ಆ ತಿಂಗಳು ನೀವು ಜಮಾ ಮಾಡಿದ ಹೊಸ ಮೊತ್ತಕ್ಕೆ ಯಾವುದೇ ಬಡ್ಡಿ ಸಿಗುವುದಿಲ್ಲ.

ಲಕ್ಷಾಂತರ ರೂಪಾಯಿ ನಷ್ಟ ಹೇಗೆ?

ನೀವು ಪ್ರತಿ ತಿಂಗಳು ₹12,500 ಹಣವನ್ನು (ವರ್ಷಕ್ಕೆ ಗರಿಷ್ಠ ₹1.5 ಲಕ್ಷ) ಸುಕನ್ಯಾ ಖಾತೆಗೆ ಜಮಾ ಮಾಡುತ್ತೀರಿ ಎಂದುಕೊಳ್ಳಿ. ನೀವು ಪ್ರತಿ ತಿಂಗಳು 5ನೇ ತಾರೀಖಿನ ನಂತರ ಹಣ ಪಾವತಿಸಿದರೆ, ಪ್ರತಿ ತಿಂಗಳೂ ಸುಮಾರು ₹85 ರಷ್ಟು ಬಡ್ಡಿ ನಷ್ಟವಾಗುತ್ತದೆ. ಇದು ನೋಡಲು ಸಣ್ಣ ಮೊತ್ತದಂತೆ ಕಂಡರೂ, 15 ವರ್ಷಗಳ ಹೂಡಿಕೆ ಅವಧಿ ಮತ್ತು 21 ವರ್ಷಗಳ ಮೆಚ್ಯೂರಿಟಿ ಅವಧಿಯಲ್ಲಿ ಕಾಂಪೌಂಡಿಂಗ್ (Compound Interest) ಲೆಕ್ಕಾಚಾರ ಸೇರಿದಾಗ, ನಿಮ್ಮ ಮಗಳಿಗೆ ಸಿಗಬೇಕಾದ ಒಟ್ಟು ಹಣದಲ್ಲಿ ಅಂದಾಜು ₹2.45 ಲಕ್ಷಕ್ಕೂ ಅಧಿಕ ಹಣ ಕಮ್ಮಿಯಾಗುತ್ತದೆ!

ಪೋಷಕರು ಏನು ಮಾಡಬೇಕು?

ಆಟೋ-ಡೆಬಿಟ್ ಇಟ್ಟುಕೊಳ್ಳಿ: ನಿಮ್ಮ ಬ್ಯಾಂಕ್ ಖಾತೆಯಿಂದ ಪ್ರತಿ ತಿಂಗಳ 1 ಅಥವಾ 2ನೇ ತಾರೀಖಿನಂದೇ ಸುಕನ್ಯಾ ಖಾತೆಗೆ ಹಣ ವರ್ಗಾವಣೆಯಾಗುವಂತೆ ‘Standing Instruction’ ಅಥವಾ ಆಟೋ-ಡೆಬಿಟ್ ಸೆಟ್ ಮಾಡಿ.

ಲಂಪ್‌ಸಮ್ (ಒಂದೇ ಬಾರಿ) ಹೂಡಿಕೆ: ಸಾಧ್ಯವಾದರೆ ಪ್ರತಿ ತಿಂಗಳು ಕಟ್ಟುವ ಬದಲು, ಆರ್ಥಿಕ ವರ್ಷದ ಆರಂಭದಲ್ಲಿ ಅಂದರೆ ಏಪ್ರಿಲ್ 1 ರಿಂದ ಏಪ್ರಿಲ್ 5 ರ ಒಳಗಾಗಿ ಇಡೀ ವರ್ಷದ ಮೊತ್ತವನ್ನು ಒಂದೇ ಬಾರಿ ಜಮಾ ಮಾಡುವುದು ಅತ್ಯಂತ ಲಾಭದಾಯಕ. ಇದರಿಂದ ಇಡೀ ವರ್ಷದ ಪೂರ್ಣ ಬಡ್ಡಿ ನಿಮಗೆ ಸಿಗುತ್ತದೆ.