Home ದಾವಣಗೆರೆ ನರ್ಸಿಂಗ್ ವೃತ್ತಿ ತೊರೆದು ಕಂಟೆಂಟ್ ಕ್ರಿಯೇಟರ್ ಆದ ಅಮೆರಿಕದ ಯುವತಿ: ಕೇವಲ 7 ತಿಂಗಳಲ್ಲಿ ರೂ. 82 ಲಕ್ಷ ಸಂಪಾದನೆ!
ದಾವಣಗೆರೆಬೆಂಗಳೂರುವಾಣಿಜ್ಯ

ನರ್ಸಿಂಗ್ ವೃತ್ತಿ ತೊರೆದು ಕಂಟೆಂಟ್ ಕ್ರಿಯೇಟರ್ ಆದ ಅಮೆರಿಕದ ಯುವತಿ: ಕೇವಲ 7 ತಿಂಗಳಲ್ಲಿ ರೂ. 82 ಲಕ್ಷ ಸಂಪಾದನೆ!

Share
ನರ್ಸಿಂಗ್
Share

ನವದೆಹಲಿ: ಬ್ರ್ಯಾಂಡ್ ಕೊಲ್ಯಾಬರೇಷನ್‌ಗಳ ಮೂಲಕ ದೊಡ್ಡ ಮೊತ್ತದ ಹಣ ಸಂಪಾದಿಸಿರುವ ಅಮೆರಿಕದ ನರ್ಸ್ ಒಬ್ಬರು, ತನ್ನ ಪೂರ್ಣಾವಧಿ ನರ್ಸಿಂಗ್ ವೃತ್ತಿಯನ್ನು ತೊರೆದು ಪೂರ್ಣಕಾಲಿಕ ಕಂಟೆಂಟ್ ಕ್ರಿಯೇಟರ್ ಆಗಿ ಹೊರಹೊಮ್ಮಿದ್ದಾರೆ. ಕೇವಲ 7 ತಿಂಗಳಲ್ಲಿ ಬರೋಬ್ಬರಿ 82 ಲಕ್ಷ ರೂಪಾಯಿಗಳಿಗೂ ಅಧಿಕ ಹಣ ಸಂಪಾದಿಸಿರುವುದಾಗಿ ಅವರು ಬಹಿರಂಗಪಡಿಸಿದ್ದಾರೆ.

ಅಮೆರಿಕದ ಅರಿಝೋನಾ ಮೂಲದ ಸಾರಾ ಆನ್ ಎಂಬುವವರೇ ಈ ಸಾಧನೆ ಮಾಡಿರುವ ನರ್ಸ್. ಈ ಬಗ್ಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೋ ಹಂಚಿಕೊಂಡಿರುವ ಅವರು, ಬ್ರ್ಯಾಂಡ್ ಡೀಲ್‌ಗಳ ಮೂಲಕ ತಮಗೆ ಬಂದ ಆದಾಯದ ವಿವರಗಳನ್ನು ಹಂಚಿಕೊಂಡಿದ್ದಾರೆ. 18 ತಿಂಗಳ ಹಿಂದೆ ಸಿಂಗಲ್ ಮದರ್ ಹಾಗೂ ನರ್ಸ್ ಆಗಿ ತಮ್ಮ ದೈನಂದಿನ ಜೀವನದ ವ್ಲಾಗ್‌ಗಳನ್ನು ಮಾಡಲು ಆರಂಭಿಸಿದ್ದ ಸಾರಾ, ಆರಂಭದಲ್ಲಿ ಯಾರೂ ನೋಡುತ್ತಾರೆ ಎಂಬ ಅನುಮಾನದಲ್ಲಿದ್ದರು. ಆದರೆ ಅವರ ಕಂಟೆಂಟ್‌ಗೆ ಉತ್ತಮ ಸ್ಪಂದನೆ ಸಿಕ್ಕಿದ್ದು, ಇದೀಗ ನರ್ಸಿಂಗ್ ಕೆಲಸವನ್ನೇ ಬಿಡುವಷ್ಟು ಧೈರ್ಯ ತಂದುಕೊಟ್ಟಿದೆ ಎಂದು ತಿಳಿಸಿದ್ದಾರೆ.

7 ತಿಂಗಳಲ್ಲಿ ಬೃಹತ್ ಆದಾಯ: ಮೇ ತಿಂಗಳಿಂದ ನವೆಂಬರ್ ವರೆಗಿನ ಕೇವಲ 7 ತಿಂಗಳ ಅವಧಿಯಲ್ಲಿ ಬ್ರ್ಯಾಂಡ್ ಡೀಲ್‌ಗಳ ಮೂಲಕ ಸುಮಾರು 1.75 ಕೋಟಿ ರೂ. ($187,785) ಗಳಿಸಿರುವುದಾಗಿ ಸಾರಾ ತಿಳಿಸಿದ್ದಾರೆ.

ಏಜೆನ್ಸಿ ಕಮಿಷನ್ ಮತ್ತು ತೆರಿಗೆ: ಒಟ್ಟು ಗಳಿಸಿದ ಮೊತ್ತದಲ್ಲಿ ಏಜೆನ್ಸಿ ಕಮಿಷನ್ ಹಾಗೂ ಶೇ. 25 ರಿಂದ 35 ರಷ್ಟು ತೆರಿಗೆಯನ್ನು ಕಡಿತಗೊಳಿಸಿದ ಬಳಿಕ ತಮ್ಮ ಕೈಗೆ ಅಂದಾಜು 82.27 ಲಕ್ಷ ರೂ. ($88,071) ಉಳಿದಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಕುಟುಂಬದೊಂದಿಗೆ ಹೆಚ್ಚು ಸಮಯ: ನರ್ಸಿಂಗ್ ವೃತ್ತಿಯ 9 ರಿಂದ 5 ರವರೆಗೆ ಕೆಲಸದ ಸಮಯದಿಂದ ಬೇಸತ್ತು, ಕುಟುಂಬದ ಜತೆ ಹೆಚ್ಚು ಸಮಯ ಕಳೆಯಲು ಮತ್ತು ಕಂಟೆಂಟ್ ನಿರ್ಮಾಣದಲ್ಲಿ ತೊಡಗಿಸಿಕೊಳ್ಳಲು ಈ ನಿರ್ಧಾರ ಕೈಗೊಂಡಿರುವುದಾಗಿ ಅವರು ಹೇಳಿದ್ದಾರೆ.

Share
Related Articles