ಬಾಕ್ಸ್‌ ಆಫೀಸ್‌ನಲ್ಲಿ ಇನ್ನೂ ನಿಂತಿಲ್ಲ ರಜನಿಕಾಂತ್‌ ‘ಜೈಲರ್ 2’ ಸುನಾಮಿ: 20ನೇ ದಿನಕ್ಕೆ ಭಾರತದಲ್ಲಿ ಕಲೆಕ್ಷನ್ ಆಗಿರುವುದೆಷ್ಟು?

ಚೆನ್ನೈ: ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ ಬಹುನಿರೀಕ್ಷಿತ ಆಕ್ಷನ್ ಸೀಕ್ವೆಲ್ ‘ಜೈಲರ್ 2’  ಚಿತ್ರಮಂದಿರಗಳಲ್ಲಿ ಯಶಸ್ವಿ ಪ್ರದರ್ಶನ ಮುಂದುವರಿಸಿದೆ. ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನದ ಈ ಚಿತ್ರವು ಬಿಡುಗಡೆಯಾಗಿ 20 ದಿನಗಳು ಕಳೆದರೂ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದ್ದು, ಭಾರತದಲ್ಲಿ ಒಟ್ಟು ನಿವ್ವಳ  ಸಂಗ್ರಹವು 461.68 ಕೋಟಿ ರೂ. ತಲುಪಿದ್ದರೆ, ಒಟ್ಟು ಗ್ರಾಸ್ ಕಲೆಕ್ಷನ್ 540.09 ಕೋಟಿ ರೂ. ಗಡಿ ದಾಟಿದೆ ಎಂದು ಟ್ರೇಡ್ ವರದಿಗಳು ತಿಳಿಸಿವೆ.

ಅಕ್ಟೋಬರ್ 15ರಂದು ತೆರೆಕಂಡ ಈ ಚಿತ್ರದ 20ನೇ ದಿನದಂದು (ಮಂಗಳವಾರ) ದೇಶಾದ್ಯಂತ ಸಚಿಲ್ಕ್ ವರದಿ ಪ್ರಕಾರ ಅಂದಾಜು 1.98 ಕೋಟಿ ರೂ. ನಿವ್ವಳ ಕಲೆಕ್ಷನ್ ದಾಖಲಾಗಿದೆ. ತಮಿಳು ಆವೃತ್ತಿಯು 1.31 ಕೋಟಿ ರೂ., ಹಿಂದಿ ಆವೃತ್ತಿ 56.67 ಲಕ್ಷ ರೂ. ಹಾಗೂ ತೆಲುಗು ಆವೃತ್ತಿ 33.09 ಲಕ್ಷ ರೂ. ಗಳಿಕೆ ಕಂಡಿವೆ. ದೈತ್ಯ ತಾರಾಗಣ ಹಾಗೂ ಅನಿರುದ್ಧ್ ರವಿಚಂದರ್ ಅವರ ಸಂಗೀತ ಚಿತ್ರದ ಯಶಸ್ಸಿಗೆ ಪ್ರಮುಖ ಕಾರಣವಾಗಿದೆ.

ಬಾಕ್ಸ್‌ ಆಫೀಸ್ ಸಾಧನೆ: ಬಿಡುಗಡೆಯಾದ ಮೂರು ವಾರಗಳನ್ನು ಕಳೆದರೂ ರಜನಿಕಾಂತ್ ಅವರ ‘ಟೈಗರ್ ಮುತ್ತುವೇಲ್ ಪಾಂಡಿಯನ್’ ಕ್ರೇಜ್ ಕಡಿಮೆಯಾಗಿಲ್ಲದೆ ಬಾಕ್ಸ್‌ ಆಫೀಸ್‌ನಲ್ಲಿ ಬಲಿಷ್ಠ ಓಟ ಮುಂದುವರಿಸಿದೆ.

ವಿವಿಧ ಭಾಷೆಗಳಲ್ಲಿ ಗಳಿಕೆ: ತಮಿಳು ಮಾತ್ರವಲ್ಲದೆ ತೆಲುಗು, ಹಿಂದಿ ಹಾಗೂ ಕನ್ನಡದಲ್ಲೂ ಬಿಡುಗಡೆಯಾಗಿರುವ ಈ ಚಿತ್ರಕ್ಕೆ ಎಲ್ಲಾ ಭಾಷೆಯ ಪ್ರೇಕ್ಷಕರಿಂದಲೂ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.

ಸ್ಟಾರ್ ನಟರ ದಂಡು: ಚಿತ್ರದಲ್ಲಿ ಎಸ್‌ಜೆ ಸೂರ್ಯ, ಮೋಹನ್‌ಲಾಲ್, ಶಿವರಾಜ್‌ಕುಮಾರ್, ಹೃತಿಕ್ ರೋಷನ್, ವಿಜಯ್ ಸೇತುಪತಿ ಸೇರಿದಂತೆ ದಿಗ್ಗಜ ನಟರು ವಿಶೇಷ ಹಾಗೂ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.