75ರ ವಯಸ್ಸಿನಲ್ಲೂ ತಗ್ಗದ ಕಲಾ ತೃಪ್ತಿ: ಸೂಪರ್ ಸ್ಟಾರ್ ರಜನೀಕಾಂತ್ ಮಾತುಗಳಿಗೆ ಮನಸೋತ ಭಾರತೀಯ ಚಿತ್ರರಂಗ!

ಚೆನ್ನೈ:  ಸೂಪರ್ ಸ್ಟಾರ್ ರಜನೀಕಾಂತ್ ಅವರು ಜೈಲರ್-2 ಚಿತ್ರದ ಕಾರ್ಯಕ್ರಮವೊಂದರಲ್ಲಿ ಆಡಿತ ಮಾತುಗಳು ಹಾಗೂ ನಿರ್ದೇಶಕ ನೆಲ್ಸನ್ ದಿಲೀಪ್‌ಕುಮಾರ್ ಅವರ ಅದ್ಭುತ ಶೋಮ್ಯಾನ್‌ಶಿಪ್ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದ್ದು, ಸಿನಿಪ್ರಿಯರಿಂದ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

75ರ ಹರೆಯದಲ್ಲೂ ರಜನಿಕಾಂತ್ ಅವರಲ್ಲಿರುವ ಅಪ್ರತಿಮ ಕಲಾತ್ಮಕ ಉತ್ಸಾಹ, ಎಷ್ಟೇ ಎತ್ತರಕ್ಕೆ ಬೆಳೆದರೂ ನೆಲದ ಮೇಲಿರುವ ಅವರ ನಮ್ರತೆ ಹಾಗೂ ಪ್ರತಿಯೊಬ್ಬ ತಂತ್ರಜ್ಞರನ್ನು ಗೌರವಿಸುವ ಗುಣ ಎಲ್ಲರ ಗಮನ ಸೆಳೆದಿದೆ.

ಕಾರ್ಯಕ್ರಮದಲ್ಲಿ ಮಾತನಾಡಿದ ರಜನಿಕಾಂತ್, ಸಿನಿಮಾದ ಪ್ರತಿಯೊಬ್ಬ ಲೈಟ್ ಮ್ಯಾನ್ ಹಾಗೂ ತಂತ್ರಜ್ಞರ ಹೆಸರನ್ನು ಉಲ್ಲೇಖಿಸಿ ಧನ್ಯವಾದ ತಿಳಿಸಿದರು. ಜೊತೆಗೆ ಅನಿರುದ್ಧ್, ನೆಲ್ಸನ್ ಅವರಂತಹ ಯುವ ತಂತ್ರಜ್ಞರ ಸಾಮರ್ಥ್ಯವನ್ನು ಕೊಂಡಾಡಿದರು. ಇದೇ ವೇಳೆ ತಮ್ಮನ್ನು ಅಸಹ್ಯಗೊಳಿಸುವ ಉದ್ದೇಶದಿಂದ ‘ಬಸ್ ಕಂಡಕ್ಟರ್’ ಎಂದು ಮೀಮ್ಸ್ ಮಾಡಿ ವ್ಯಂಗ್ಯವಾಡಿದವರಿಗೆ ಖಡಕ್ ಆಗಿ ಉತ್ತರಿಸಿದ ರಜನಿ, “ನಾನು ಬೆವರು ಹರಿಸಿ, ಪ್ರೀತಿಯಿಂದ ಮಾಡಿದ ಕೆಲಸ ಅದು. ಹೌದು, ನಾನು ಕಂಡಕ್ಟರ್ ತಾನೇ ಡಾ!” ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುವ ಮೂಲಕ  ಎಲ್ಲಾ ವರ್ಗದ ಗೌರವವನ್ನು ಎತ್ತಿಹಿಡಿದರು.

ಕಲಾವಿದರಿಗೆ ಮನ್ನಣೆ:

50 ವರ್ಷಗಳ ಸುದೀರ್ಘ ಸಿನಿಮಾ ಪಯಣದ ನಂತರವೂ ವಿಜಯ್ ಸೇತುಪತಿ ಸೇರಿದಂತೆ ಸಹನಟರು ಹಾಗೂ ನಟಿಯರನ್ನು ವೇದಿಕೆಯಲ್ಲಿ ಮುಕ್ತವಾಗಿ ಹೊಗಳಿ ಗೌರವಿಸಿದ ರಜನಿಕಾಂತ್.

ನೆಲ್ಸನ್ ಮಾಸ್ ಎಂಟರ್‌ಟೈನ್‌ಮೆಂಟ್:

ರಜನೀಕಾಂತ್ ಅವರಂತಹ ಬೃಹತ್ ಸಮಾರಂಭದಲ್ಲೂ ತಮ್ಮ ಚುರುಕಾದ ಹಾಸ್ಯ ಪ್ರಜ್ಞೆ ಹಾಗೂ ಆಕರ್ಷಕ ನಿರೂಪಣೆಯಿಂದ ಕಾರ್ಯಕ್ರಮದ ಹೀರೊ ಆಗಿ ಮಿಂಚಿದ ನಿರ್ದೇಶಕ ನೆಲ್ಸನ್.

ಕಾಯಕಕ್ಕೆ ಸಿಕ್ಕ ಗೌರವ: ಶ್ರಮಜೀವಿಗಳು ಮತ್ತು ಉದ್ಯೋಗಿಗಳನ್ನು ಏளನವಾಗಿ ಕಾಣುವ ಮನಸ್ಥಿತಿಗೆ ರಜನಿಕಾಂತ್ ನೀಡಿದ ಖಡಕ್ ಪ್ರತ್ಯುತ್ತರ.

50 ವರ್ಷಗಳ ಕಾಲ ಚಿತ್ರರಂಗದಲ್ಲಿದ್ದರೂ ಇಂದಿಗೂ ನಿರ್ದೇಶಕರ ಬಳಿ ದೃಶ್ಯಗಳ ಸಂಭಾಷಣೆ ಮತ್ತು ಶೈಲಿಯ ಬಗ್ಗೆ ಚರ್ಚಿಸುವ ಅವರ ಶ್ರದ್ಧೆ ಹಾಗೂ ಪ್ರೇಕ್ಷಕರಿಗೆ ಸದಾ ಶ್ರೇಷ್ಠವಾದುದನ್ನೇ ನೀಡಬೇಕೆಂಬ ಅವರ ಬದ್ಧತೆ ‘ಸೂಪರ್ ಸ್ಟಾರ್’ ಪಟ್ಟಕ್ಕೆ ಸೂಕ್ತ ಸಾಕ್ಷಿಯಾಗಿದೆ.