ಒಂದೇ ಚಿತೆಯಲ್ಲಿ ಪತಿ-ಪತ್ನಿ, ಪಕ್ಕ ಪಕ್ಕದಲ್ಲೇ ತಂದೆ-ಮಗಳ ಅಂತ್ಯಕ್ರಿಯೆ: ಕಣ್ಣೀರಲ್ಲಿ ಮುಳುಗಿದ ಕುಟುಂಬಸ್ಥರು!

ಬೇತುಲ್: ರಾಜಸ್ಥಾನದ ಕೋಟಾದಲ್ಲಿ ಸಂಭವಿಸಿದ ಭೀಕರ ರಸ್ತೆ ಅಪಘಾತವು ಮಧ್ಯಪ್ರದೇಶದ ಬೇತುಲ್ ಜಿಲ್ಲೆಯಲ್ಲಿ ತೀವ್ರ ಶೋಕವನ್ನುಂಟುಮಾಡಿದೆ. ರಾಜಸ್ಥಾನದ ಪ್ರಸಿದ್ಧ ಪುಣ್ಯಕ್ಷೇತ್ರ ಖಾಟೂಶ್ಯಾಮ್‌ಜೀ ದರ್ಶನಕ್ಕೆ ತೆರಳಿದ್ದ ಭಕ್ತರು ಅಪಘಾತದಲ್ಲಿ ದುರ್ಮರಣ ಹೊಂದಿದ್ದು, ಒಂದೇ ಚಿತೆಯಲ್ಲಿ ಪತಿ ಮತ್ತು ಪತ್ನಿ, ಪಕ್ಕ ಪಕ್ಕದಲ್ಲೇ ತಂದೆ ಮಗಳ ಅಂತ್ಯಕ್ರಿಯೆ ನೆರವೇರಿದ್ದು. ಮೃತರ ಸ್ವಗ್ರಾಮಗಳಲ್ಲಿ ನೆರೆದಿದ್ದವರು ಕಣ್ಣೀರು ಸುರಿಸಿದರು. ಮೃತರ ಪಾರ್ಥಿವ ಶರೀರಗಳು ಗ್ರಾಮಕ್ಕೆ ತಲುಪುತ್ತಿದ್ದಂತೆ ಕುಟುಂಬಸ್ಥರ ಹಾಗೂ ಗ್ರಾಮಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.

ತಂದೆ-ಮಗಳ ಅಂತ್ಯಕ್ರಿಯೆ: ಖೇಡೀ ರಾಮೋಸಿ ಗ್ರಾಮದ ಕೃಷ್ಣರಾವ್ ಹಾಗೂ ಮಗಳು ತ್ರಿಷಾ ಅವರ ಚಿತೆಯನ್ನು ಪಕ್ಕಪಕ್ಕದಲ್ಲೇ ಜೋಡಿಸಿ ಅಂತ್ಯಸಂಸ್ಕಾರ ನೆರವೇರಿಸಲಾಯಿತು.

ಒಂದೇ ಚಿತೆಯಲ್ಲಿ ಪತಿ-ಪತ್ನಿ: ಸಿರಖೇಡ್ ಗ್ರಾಮದ ರಾಜ್‌ಕುಮಾರ್ ಬೋಡ್ಕೆ ಮತ್ತು ಅನಿತಾ ಬೋಡ್ಕೆ ದಂಪತಿಗೆ ಅವರ ಏಕೈಕ ಮಗ ಒಂದೇ ಚಿತೆಯಲ್ಲಿ ಮುಖಾಗ್ನಿ ನೀಡಿದನು.

ಇತರೆ ಮೃತಪಟ್ಟ ಭಕ್ತರು: ಘಾಟ್ ಬಿರೋಲಿ ಗ್ರಾಮದ ಪ್ರಮುಖ ಶಿಕ್ಷಕಿ ಅರುಣಾತಾಯ್ ಝರಬಡೆ (ವರ್ಧಾ ನದಿ ತೀರದಲ್ಲಿ ಅಂತ್ಯಕ್ರಿಯೆ) ಹಾಗೂ ಗ್ರಾಮಸ್ಥರಾದ ಓಂ ಸೂರ್ಯವಂಶಿ, ವೈಷ್ಣವಿ ಗಾವಂಡೆ ಅಪಘಾತದಲ್ಲಿ ಪ್ರಾಣ ಕಳೆದುಕೊಂಡಿದ್ದಾರೆ.

ಈ ಭೀಕರ ರಸ್ತೆ ಅಪಘಾತದಲ್ಲಿ ಒಟ್ಟು ಭಕ್ತರು ಪ್ರಾಣ ಕಳೆದುಕೊಂಡಿದ್ದು, ಇಡೀ ಬೇತುಲ್ ಜಿಲ್ಲೆಯನ್ನೇ ತೀವ್ರ ದಿಗ್ಭ್ರಮೆ ಹಾಗೂ ದುಃಖದ ಸಾಗರದಲ್ಲಿ ಮುಳುಗಿಸಿದೆ.