ರಕ್ಷಾ ಬಂಧನ ಜಾಹೀರಾತಿನಲ್ಲಿ ನಾಯಿಗೆ ರಾಖಿ ಕಟ್ಟಿದ ವಿಚಾರ: ವಿವಾದ, ಸಂಸ್ಕೃತಿ ಮತ್ತು ಉಡುಪಿನ ಕುರಿತು ಕೃತಿ ಸನನ್ ತಿರುಗೇಟು!

ಮುಂಬೈ: ಬಾಲಿವುಡ್ ನಟಿ ಕೃತಿ ಸನನ್ ಅವರು ಇತ್ತೀಚೆಗೆ ಕಾಣಿಸಿಕೊಂಡಿದ್ದ ರಕ್ಷಾ ಬಂಧನ ಆಭರಣದ ಜಾಹೀರಾತು ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ವಿವಾದಕ್ಕೆ ಕಾರಣವಾಗಿತ್ತು.

ಜಾಹೀರಾತಿನಲ್ಲಿ ಅವರು ಧರಿಸಿದ್ದ ಮಾಡರ್ನ್ ಉಡುಪು (ಬ್ರಾಲೇಟ್-ಶೈಲಿಯ ಬ್ಲೌಸ್ ಮತ್ತು ಸ್ಕರ್ಟ್) ಹಾಗೂ ಸಾಂಪ್ರದಾಯಿಕ ಹಬ್ಬದ ಆಚರಣೆಯಲ್ಲಿ ಸಾಕು ನಾಯಿಗೆ ರಾಖಿ ಕಟ್ಟುವುದನ್ನು ತೋರಿಸಿದ್ದಕ್ಕೆ ನೆಟಿಗರಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿತ್ತು.

ಈ ಬಗ್ಗೆ ಮೌನ ಮುರಿದಿರುವ ಕೃತಿ ಸನನ್, “ಸಂಸ್ಕೃತಿ ಮತ್ತು ಸಂಪ್ರದಾಯಗಳು ಇರುವುದು ಮಹಿಳೆಯ ಹೃದಯದಲ್ಲಿ ಹೊರತು ಅವಳ ನೆಕ್‌ಲೈನ್‌ನಲ್ಲಿ ಅಲ್ಲ” ಎಂದು ಖಡಕ್ ತಿರುಗೇಟು ನೀಡಿದ್ದಾರೆ.

ಹಬ್ಬಗಳ ಮೂಲ ಉದ್ದೇಶ ಭಾವನೆಗಳು ಮತ್ತು ಸಂಪ್ರದಾಯಗಳೇ ಹೊರತು ಬಟ್ಟೆಯಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.