₹100 ಕೋಟಿ ಆಸ್ತಿ ದಾನ ಮಾಡಿ ಸಮಾಜ ಸೇವೆಗೆ ಮಾದರಿಯಾದ 77 ವರ್ಷದ ವೈದ್ಯ!

ಶಿಮ್ಲಾ / ಹಮೀರ್‌ಪುರ: ಸಮಾಜಕ್ಕೆ ಏನಾದರೂ ಮರುನೀಡಬೇಕು ಎಂಬ ವಿಶಾಲ ಮನೋಭಾವಕ್ಕೆ ಮತ್ತೊಮ್ಮೆ ಸಾಕ್ಷಿಯೆಂಬಂತೆ, ಹಿಮಾಚಲ ಪ್ರದೇಶದ 77 ವರ್ಷದ ನಿವೃತ್ತ ವೈದ್ಯ ಡಾ. ರಾಜೇಂದರ್ ಕನ್ವರ್ ತಮ್ಮ ಬಹುಕೋಟಿ ಮೌಲ್ಯದ ಆಸ್ತಿಯನ್ನು ಬಡವರು ಮತ್ತು ನಿರ್ಗತಿಕರ ಸೇವೆಗಾಗಿ ಮುಡಿಪಾಗಿಸಿದ್ದಾರೆ.

ಸ್ಥಳೀಯವಾಗಿ ‘ಕಂಗೂ ವ್ಹಾಲೇ ಡಾಕ್ಟರ್’ ಎಂದೇ ಪ್ರೀತಿಯಿಂದ ಕರೆಯಲ್ಪಡುವ ಇವರು, ಸುಮಾರು ₹100 ಕೋಟಿ ಮೌಲ್ಯದ ತಮ್ಮ ಒಟ್ಟು ಆಸ್ತಿಯನ್ನು ಹಿಮಾಚಲ ಪ್ರದೇಶ ಸರ್ಕಾರಕ್ಕೆ ದಾನವಾಗಿ (Gift Deed) ನೀಡಿದ್ದಾರೆ. ಈ ಆಸ್ತಿಯನ್ನು ಹಿರಿಯ ನಾಗರಿಕರಿಗಾಗಿ ವೃದ್ಧಾಶ್ರಮ ಅಥವಾ ಅತ್ಯಾಧುನಿಕ ಜೇರಿಯಾಟ್ರಿಕ್ ಕೇರ್ ಸೆಂಟರ್ ನಿರ್ಮಿಸಲು ಬಳಸಬೇಕೆಂದು ಅವರು ಸರ್ಕಾರದ ಮುಂದೆ ಪ್ರಸ್ತಾವನೆ ಇಟ್ಟಿದ್ದಾರೆ.

ವೃತ್ತಿಯಿಂದ ನಿವೃತ್ತರಾಗಿದ್ದರೂ ಸಹ, ಇಂದಿಗೂ ತಮ್ಮ ಮನೆಯಲ್ಲೇ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಾ ಸಮಾಜ ಸೇವೆಯಲ್ಲಿ ತೊಡಗಿರುವ ಇವರ ಸರಳತೆ ಮತ್ತು ಔದಾರ್ಯಕ್ಕೆ ಇಡೀ ದೇಶದಾದ್ಯಂತ ಭಾರೀ ಪ್ರಶಂಸೆ ವ್ಯಕ್ತವಾಗಿದ್ದು, ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.