ಶ್ವೇತಾ ದ್ವಿವೇದಿಗೆ ಪ್ರಿಯಕರ ದ್ರೋಹ: ಉದ್ಯಮಿ ಪತ್ನಿ ಜೊತೆ ಬಾಯ್‌ಫ್ರೆಂಡ್ ಪರಾರಿ, ಕಣ್ಣೀರಿಟ್ಟ ಖ್ಯಾತ ಬ್ಲಾಗರ್!

ಹೊಸದೆಹಲಿ: ತನ್ನ ಪ್ರೀತಿಯ ಪ್ರಿಯಕರ ಮತ್ತೊಬ್ಬ ಮಹಿಳೆಯೊಂದಿಗೆ ಓಡಿಹೋಗಿ ತನಗೆ ಮಹಾದ್ರೋಹ ಎಸಗಿದ್ದಾನೆ ಎಂದು ಹಳೆಯ ದೆಹಲಿ ಮೂಲದ ಖ್ಯಾತ ಸೋಷಿಯಲ್ ಮೀಡಿಯಾ ಬ್ಲಾಗರ್ ಶ್ವೇತಾ ದ್ವಿವೇದಿ ಆರೋಪಿಸಿದ್ದಾರೆ. ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಭಾವನಾತ್ಮಕ ವಿಡಿಯೋ ಒಂದನ್ನು ಹಂಚಿಕೊಂಡಿರುವ ಅವರು, ತಮ್ಮ ನೋವನ್ನು ತೋಡಿಕೊಳ್ಳುತ್ತಾ ಸಾರ್ವಜನಿಕವಾಗಿ ಆಕ್ರೋಶ ಹೊರಹಾಕಿದ್ದಾರೆ.

ನಡೆದದ್ದೇನು?

ಹಳೆಯ ದೆಹಲಿ ಭಾಗದಲ್ಲಿ ಜನಪ್ರಿಯತೆ ಗಳಿಸಿರುವ ಬ್ಲಾಗರ್ ಶ್ವೇತಾ ದ್ವಿವೇದಿ, ಸುದೀರ್ಘ ಅವಧಿಯಿಂದ ಪ್ರೀತಿಸುತ್ತಿದ್ದ ತಮ್ಮ ಬಾಯ್‌ಫ್ರೆಂಡ್ ಮತ್ತೊಬ್ಬ ಮಹಿಳೆಯ ಪ್ರೇಮಪಾಶಕ್ಕೆ ಬಿದ್ದು ತಮ್ಮನ್ನು ತೊರೆದು ಪರಾರಿಯಾಗಿದ್ದಾನೆ ಎಂದು ಹೇಳಿದ್ದಾರೆ. ವಿಡಿಯೋದಲ್ಲಿ ಕಣ್ಣೀರಿಡುತ್ತಾ ಮಾತನಾಡಿದ ಶ್ವೇತಾ, “ನನ್ನನ್ನು ಬಿಟ್ಟು ಆಕೆಯ ಜೊತೆ ಓಡಿಹೋಗಲು ಆ ಮಹಿಳೆಯಲ್ಲಿ ಅಂತದ್ದೇನಿತ್ತು? ಬೇರೆಯವರ ಹಸನಾದ ಜೀವನವನ್ನು ಹಾಳುಮಾಡುವುದೇ ಆಕೆಯ ಕಾಯಕವಾಗಿದೆ” ಎಂದು ನೇರವಾಗಿ ವಾಗ್ದಾಳಿ ನಡೆಸಿದ್ದಾರೆ.

ವಿವಾಹಿತ ಮಹಿಳೆಯ ಮೇಲೆ ಗಂಭೀರ ಆರೋಪ:

ಶ್ವೇತಾ ಅವರ ವಾದದ ಪ್ರಕಾರ, ತನ್ನ ಪ್ರಿಯಕರನನ್ನು ಸೆಳೆದೊಯ್ದ ಮಹಿಳೆ ಈಗಾಗಲೇ ಮದುವೆಯಾಗಿದ್ದು, ಪ್ರಭಾವಿ ಹಾಗೂ ಪ್ರತಿಷ್ಠಿತ ಉದ್ಯಮಿಯ ಪತ್ನಿಯಾಗಿದ್ದಾಳೆ. “ಮನೆ, ಗಂಡ, ಸುಂದರ ಸಂಸಾರ ಎಲ್ಲವೂ ಚೆನ್ನಾಗಿದ್ದರೂ, ಬೇರೊಬ್ಬರ ಪ್ರಿಯಕರನನ್ನು ಕಿತ್ತುಕೊಳ್ಳುವ ಅಂತಹ ಅನಿವಾರ್ಯತೆ ಆಕೆಗೆ ಏನಿತ್ತು?” ಎಂದು ಶ್ವೇತಾ ಪ್ರಶ್ನೆ ಎತ್ತಿದ್ದಾರೆ.

ಸಂಸ್ಕೃತಿ ಮತ್ತು ನಡವಳಿಕೆ ಬಗ್ಗೆ ಕಿಡಿ:

ಇಂದಿನ ದಿನಗಳಲ್ಲಿ ತಲಬುಡವಿಲ್ಲದ ಸಂಬಂಧಗಳ ಕುರಿತು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ ಶ್ವೇತಾ, “ಕೆಲ ವಿವಾಹಿತ ಮಹಿಳೆಯರು ಸಂಬಂಧಗಳ ಮೌಲ್ಯ ಹಾಗೂ ಪವಿತ್ರತೆಯನ್ನೇ ಸಂಪೂರ್ಣವಾಗಿ ಮರೆತುಬಿಟ್ಟಿದ್ದಾರೆ. ತಾಳಿ ಕಟ್ಟಿದ ಗಂಡನಿದ್ದರೂ ಹೊರಗಡೆ ಬಾಯ್‌ಫ್ರೆಂಡ್‌ಗಳನ್ನು ಇಟ್ಟುಕೊಳ್ಳುವುದು ಯಾವ ಸಂಸ್ಕೃತಿ? ಇದು ಎಷ್ಟರಮಟ್ಟಿಗೆ ಸರಿ?” ಎಂದು ಖಾರವಾಗಿ ಪ್ರಶ್ನಿಸಿದ್ದಾರೆ.

ಸದ್ಯ ಶ್ವೇತಾ ದ್ವಿವೇದಿ ಅವರ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ವೈರಲ್ ಆಗುತ್ತಿದ್ದು, ನೆಟ್ಟಿಗರಿಂದ ಪರ-ವಿರೋಧದ ತೀವ್ರ ಚರ್ಚೆಗಳು ವ್ಯಕ್ತವಾಗುತ್ತಿವೆ.