SUDDIKSHANA KANNADA NEWS/ DAVANAGERE/ DATE:09-09-2024
ಬೆಂಗಳೂರು: ಚಿತ್ರದುರ್ಗದ ರೇಣುಕಾಸ್ವಾಮಿ ಹತ್ಯೆ ಪ್ರಕರಣ ಸಂಬಂಧ ಸ್ಫೋಟಕ ಮಾಹಿತಿ ಹೊರ ಬಿದ್ದಿದೆ. ಆರೋಪಿ ನಟ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಲ್ಲೆ ನಡೆಸಿ ರೇಣುಕಾಸ್ವಾಮಿ ಮರ್ಮಾಂಗಕ್ಕೆ ಒದ್ದಿದ್ದು ನಿಜ ಎಂದು ಒಪ್ಪಿಕೊಂಡಿದ್ದಾರೆಂದು ಬೆಂಗಳೂರು ಪೊಲೀಸರು ಸಲ್ಲಿಸಿರುವ ಆರೋಪಪಟ್ಟಿಯಲ್ಲಿ ತಿಳಿಸಿದ್ದಾರೆ.
ಜೂನ್ 9 ರಂದು ಬೆಂಗಳೂರಿನ ಫ್ಲೈಓವರ್ ಬಳಿ ರೇಣುಕಾಸ್ವಾಮಿ ಅವರ ಶವ ಪತ್ತೆಯಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ದರ್ಶನ್ ಸೇರಿದಂತೆ 16 ಮಂದಿಯನ್ನು ಬಂಧಿಸಲಾಗಿದೆ. ನಟನ ಅಭಿಮಾನಿ ರೇಣುಕಾಸ್ವಾಮಿ (33) ಅವರನ್ನು ದರ್ಶನ್ ಅವರ ತಂಡವು ಅಪಹರಿಸಿ ಕೊಲೆ ಮಾಡಿತ್ತು. ದರ್ಶನ್ ಅವರ ಲಿವಿಂಗ್ ರಿಲೇಶನ್ ಶಿಪ್ ನಲ್ಲಿದ್ದ ನಟಿ ಪವಿತ್ರಾ ಗೌಡ ಅವರಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಆಕ್ಷೇಪಾರ್ಹ ಸಂದೇಶಗಳನ್ನು ಕಳುಹಿಸಿರುವ ಆರೋಪವು ಚಾರ್ಜ್ ಶೀಟ್ ನಲ್ಲಿ ಇತ್ತು.
ಪೊಲೀಸ್ ಚಾರ್ಜ್‌ಶೀಟ್ ಪ್ರಕಾರ, ಜೂನ್ 8 ರಂದು ಮಧ್ಯಾಹ್ನ 3 ಗಂಟೆಗೆ ತನ್ನ ಮತ್ತು ಪವಿತ್ರಾ ಗೌಡ ಅವರ ಮನೆಯಲ್ಲಿ ಕೆಲಸ ಮಾಡುತ್ತಿದ್ದ ಸಹ ಆರೋಪಿ ಪವನ್ ಅಪಹರಣದ ಬಗ್ಗೆ ತನಗೆ ತಿಳಿಸಿದ್ದಾಗಿ ದರ್ಶನ್ ಹೇಳಿದ್ದಾರೆ. ಸಂಜೆ 4.30ಕ್ಕೆ
ದರ್ಶನ್, ಪವಿತ್ರಾ, ಪವನ್ ಹಾಗೂ ಮತ್ತೋರ್ವ ಆರೋಪಿ ಪ್ರದೋಶ್ ರೇಣುಕಾಸ್ವಾಮಿ ಇದ್ದ ಪಟ್ಟಣಗೆರೆ ಶೆಡ್‌ಗೆ ಬಂದರು. ದರ್ಶನ್ ಅವರು ಶೆಡ್‌ಗೆ ಬಂದಾಗ ರೇಣುಕಾಸ್ವಾಮಿ ಮೇಲೆ ಹಲ್ಲೆ ಮೊದಲೇ ನಡೆದಿತ್ತು. ಚಾರ್ಜ್‌ಶೀಟ್ ಪ್ರಕಾರ, ದರ್ಶನ್ ಅವರು ಪವಿತ್ರಾಗೆ ಕಳುಹಿಸಿದ ಅಶ್ಲೀಲ ಸಂದೇಶಗಳ ಬಗ್ಗೆ ರೇಣುಕಾಸ್ವಾಮಿಯನ್ನು ಕೇಳಿದರು, ಸಂದೇಶ ನೋಡುತ್ತಾ ನೋಡುತ್ತಾ ಸಿಟ್ಟಿಗೆದ್ದ ಚಾಲೆಂಜಿಂಗ್ ಸ್ಟಾರ್ ಸಿನಿಮಾ ಸ್ಟೈಲ್ ನಲ್ಲಿಯೇ ರೇಣುಕಾಸ್ವಾಮಿಗೆ ಥಳಿಸಿದರು ಎಂದು ತಿಳಿಸಲಾಗಿದೆ,
“ನಾನು ತಲೆ, ಕುತ್ತಿಗೆ ಮತ್ತು ಎದೆಗೆ ಬಲವಂತವಾಗಿ ಒದ್ದಿದ್ದೇನೆ. ನಾನು ಮರದ ಕೊಂಬೆ ಮತ್ತು ನನ್ನ ಕೈಗಳಿಂದ ಆತನ ಮೇಲೆ ಹಲ್ಲೆ ನಡೆಸಿದೆ” ಎಂದು ದರ್ಶನ್ ಒಪ್ಪಿಕೊಂಡಿರುವುದಾಗಿ ಆರೋಪಪಟ್ಟಿಯಲ್ಲಿ ಉಲ್ಲೇಖಿಸಲಾಗಿದೆ.
“ನಾನು ಪವಿತ್ರಾ ಗೌಡರನ್ನು ಕಾರಿನಿಂದ ಕರೆದು ಚಪ್ಪಲಿಯಿಂದ ಹೊಡೆದೆ. ಪವಿತ್ರಾ ಅವರ ಕಾಲಿಗೆ ಬಿದ್ದು ಕ್ಷಮೆ ಕೇಳುವಂತೆ ಸೂಚಿಸಿದಾಗ ಅವನೂ ಒಪ್ಪಿದ. ಚಾರ್ಜ್‌ಶೀಟ್‌ನಲ್ಲಿ ಪವಿತ್ರಾ ಗೌಡ ಅವರ ಹೇಳಿಕೆಯನ್ನು ಉಲ್ಲೇಖಿಸಲಾಗಿದೆ.
ರೇಣುಕಾಸ್ವಾಮಿಗೆ ಚಪ್ಪಲಿಯಿಂದ ಥಳಿಸಿರುವುದನ್ನು ಒಪ್ಪಿಕೊಂಡಿದ್ದಾರೆ. ನಾನು ದರ್ಶನ್ ಗೆಳತಿ, ನನಗೆ ಅಶ್ಲೀಲ ಸಂದೇಶಗಳನ್ನು ಕಳುಹಿಸುತ್ತಿದ್ದೀ. ನನಗೆ ಖಾಸಗಿ ಭಾಗಗಳ ನಗ್ನ ಚಿತ್ರಗಳನ್ನು ಕಳುಹಿಸಲು ಧೈರ್ಯ ಮಾಡಿದ್ದೀರಿ. ನನ್ನ ರೇಟು ಕೇಳಿದ್ದೀಯಾ” ಎಂದು ರೇಣುಕಾಸ್ವಾಮಿಯನ್ನು ಪವಿತ್ರಾ ಕೇಳಿದ್ದಾಳೆ.
ಆರೋಪಿ ಪವನ್ ನಂತರ ರೇಣುಕಾಸ್ವಾಮಿ ಪವಿತ್ರಾಗೆ ಕಳುಹಿಸಿದ್ದ ಸಂದೇಶಗಳನ್ನು ಓದಿದ್ದು, ನಟನನ್ನು ಮತ್ತಷ್ಟು ಕೆರಳಿಸಿತ್ತು ರೇಣುಕಾಸ್ವಾಮಿ ಕಳುಹಿಸಿದ್ದ ಅಶ್ಲೀಲ ಫೋಟೋಗಳನ್ನು ನೋಡಿ ಗದರಿಸಿ ಮತ್ತೆ ಒದ್ದಿದ್ದೇನೆ ಎಂದು ದರ್ಶನ್ ಆ ಬಳಿಕ ಸ್ಥಳದಿಂದ ತೆರಳಿದ್ದಾರೆ. ಪೊಲೀಸರ ಪ್ರಕಾರ ದರ್ಶನ್ ರೇಣುಕಾಸ್ವಾಮಿಯ ಹೊಟ್ಟೆಗೆ ಒದ್ದಿದ್ದಾನೆ. ರೇಣುಕಾಸ್ವಾಮಿ ನೆಲಕ್ಕೆ ಬಿದ್ದ ನಂತರ ದರ್ಶನ್ ತಮ್ಮ ಒಂದು ಕಾಲನ್ನು ಎದೆಯ ಮೇಲೆ ಇಟ್ಟುಕೊಂಡು ಬಲವಾಗಿ ತಳ್ಳಿದ್ದಾರೆ. ರೇಣುಕಾಸ್ವಾಮಿ ಅವರ ತಲೆಗೆ ಒದ್ದಿದ್ದು, ಎಡ ಕಿವಿಗೆ ಗಂಭೀರ ಗಾಯವಾಗಿದೆ. ದರ್ಶನ್ ರೇಣುಕಾಸ್ವಾಮಿಯ ಪ್ಯಾಂಟ್ ತೆಗೆಯುವಂತೆ ಪವನ್‌ಗೆ ಸೂಚಿಸಿದರು ಮತ್ತು ಅವರು ಬಲವಂತವಾಗಿ ಅವರ ಖಾಸಗಿ ಅಂಗವನ್ನು ಒದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ದರ್ಶನ್ ಹೋದ ನಂತರ ಇತರ ಆರೋಪಿಗಳು ರೇಣುಕಾಸ್ವಾಮಿ ಅವರ ಮೇಲೂ ಹಲ್ಲೆ ನಡೆಸಿದ್ದು, ಇದು ಅವರ ಸಾವಿಗೆ ಕಾರಣವಾಗಿದೆ.
ರಾತ್ರಿ 7.30ಕ್ಕೆ ಹೋದಾಗ ರೇಣುಕಾಸ್ವಾಮಿ ಚೆನ್ನಾಗಿದ್ದರು ಎಂದು ನಟ ಪೊಲೀಸರಿಗೆ ತಿಳಿಸಿದ್ದಾರೆ. ನಂತರ ಪ್ರದೋಶ್ ಅವರ ಮನೆ ಬಳಿ ಬಂದು ರೇಣುಕಾಸ್ವಾಮಿ ಸಾವನ್ನಪ್ಪಿರುವ ಬಗ್ಗೆ ತಿಳಿಸಿದರು. ರಾತ್ರಿ 9 ಗಂಟೆಗೆ ಪ್ರದೋಶ್, ವಿನಯ್, ನಾಗರಾಜ್, ಮತ್ತು ಲಕ್ಷ್ಮಣ್ ನನ್ನ ಮನೆಗೆ ಬಂದಿದ್ದರು. ಪ್ರದೋಶ್ ಅವರು ನನ್ನಿಂದ 30 ಲಕ್ಷ ರೂ., ವಿಷಯ ನಿಭಾಯಿಸುವುದಾಗಿ ಹೇಳಿ 30 ಲಕ್ಷ ತೆಗೆದುಕೊಂಡರು. ನಂತರ ಪ್ರದೋಶ್ ವಾಪಸ್ ಬಂದು ಇನ್ನೂ 10 ಲಕ್ಷ ತೆಗೆದುಕೊಂಡರು ಎಂದು ದರ್ಶನ್ ಪೊಲೀಸರಿಗೆ ತಿಳಿಸಿದ್ದಾರೆ ಎಂದು ಚಾರ್ಜ್ ಶೀಟ್ ನಲ್ಲಿ ಮಾಹಿತಿ ನೀಡಲಾಗಿದೆ.
